By ខេត្តកំពង់ស្ពឺ – នគរបាលស្រុកគងពិសីបានឃាត់ខ្លួនក្មេងទំនើងអាយុ១៨ឆ្នាំម្នាក់ ដែលបានបង្ហោះម៉ូតូលើផ្លូវសាធារណៈ នៅថ្ងៃទី២៩ មីនា ឆ្នាំ២០២៦។
លោកវរសេនីយ៍ឯក យ៉ាង សុខលី អធិការនគរបាលស្រុកគងពិសីបានបញ្ជាក់ថា ជួនសង្ស័យឈ្មោះ ខន ចាន់ដារ៉ា ភេទប្រុស អាយុ១៨ឆ្នាំ រស់នៅភូមិអង្គសខ្នាយ ឃុំមហាឬស្សី ត្រូវបានឃាត់ខ្លួននៅចំណុចផ្លូវលំ ភូមិអង្គសខ្នាយ ក្រោមការណែនាំពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺ។
ការឃាត់ខ្លួននេះកើតឡើងបន្ទាប់ពីកម្លាំងនគរបាលប៉ុស្តិ៍រដ្ឋបាលមហាឬស្សីទទួលបានព័ត៌មានអំពីការបង្ហោះម៉ូតូម៉ាក DREAM 125cc ពណ៌ខ្មៅ លេខកំពង់ស្ពឺ 1AB-2281 តាមផ្លូវសាធារណៈ។
សមត្ថកិច្ចបានអនុវត្តវិធានការចំនួន៣ចំពោះជួនសង្ស័យ៖
- កោសក់ ពុះជើងក្អែក និងធ្វើពលកម្មតាមដងផ្លូវ
- ធ្វើការអប់រំ និងកិច្ចសន្យាប្រគល់ជូនឪពុកម្តាយគ្រប់គ្រង
- ដកហូត និងរក្សាម៉ូតូទុករយៈពេល៩០ថ្ងៃនៅអធិការដ្ឋាននគរបាលស្រុក
អ្នកជិះពីក្រោយបានគេចខ្លួនបានសម្រាប់ និងកំពុងត្រូវបានស្វែងរកបន្ត។ សមត្ថកិច្ចបានស្នើសុំឱ្យអាណាព្យាបាល និងមាតាបិតាជួយអប់រំកូនចៅកុំឱ្យធ្វើទង្វើណាមួយដែលផ្ទុយនឹងច្បាប់ និងប៉ះពាល់ដល់សន្តិសុខសណ្តាប់សាធារណៈ។
