By រាជធានីភ្នំពេញ – ព្រះនាង នរោត្តម ចេណា បានបង្ហាញការចាប់អារម្មណ៍យ៉ាងខ្លាំងក្លាចំពោះការស្លៀកសម្លៀកបំពាក់ប្រពៃណីខ្មែរ ដោយសង្ឃឹមថាគួរត្រូវបានប្រើប្រាស់ឱ្យបានច្រើនទម្រង់ ច្រើនសណ្ឋានតាមលំនាំដើម ជាពិសេសទំនៀមនៃការប្រើប្រាស់ស្បៃពានា។
ការលើកឡើងរបស់ព្រះនាងកើតឡើងក្នុងពេលដែលប្រទេសថៃកំពុងទាមទារឈុតស្បៃជារបស់គេផ្ដាច់មុខ ខណៈក្រសួងវប្បធម៌ និងវិចិត្រសិល្បៈកម្ពុជាបានចេញបញ្ជាក់យ៉ាងច្បាស់ថា «ស្បៃ» ជាផ្នែកសំខាន់មួយនៃការស្លៀកពាក់តុបតែងកាយស្ត្រីខ្មែរ។
ព្រះនាងចេណាបានចែករំលែកថា នាងបានគ្រងឈុតស្បៃខ្មែរដែលច្នៃឡើងសម្រាប់ប្រើក្នុងពិធីមង្គលការក្នុងសម័យបច្ចុប្បន្នជាមួយម្ចាស់បងរបស់នាង Emma Norodom។ នេះគឺជាលើកទី១ដែលម្ចាស់បងរបស់នាងគ្រងឈុតប្រពៃណីខ្មែរដ៏ល្អវិចិត្រនេះ។
តាមរយៈចម្លាក់នានានៅលើប្រាង្គប្រាសាទខ្មែរ និងរឿងព្រេងនិទានព្រះថោងនាងនាគ បានបញ្ជាក់ឱ្យឃើញថា ការពានាស្បៃគឺជាទំនៀមទម្លាប់ដ៏សំខាន់បំផុតក្នុងប្រពៃណីស្ត្រីខ្មែរតាំងពីបុរាណកាល។
ក្រសួងវប្បធម៌បានបញ្ជាក់ថា ស្បៃផ្សារភ្ជាប់ទៅនឹងប្រវត្តិនៃអរិយធម៌ខ្មែរតាំងពីសម័យហ្វូណន ដែលប្រជាជនខ្មែរបានរក្សាទុក និងគោរពអនុវត្តគ្រប់ៗជំនាន់រហូតមកទល់បច្ចុប្បន្ន។
ចាប់តាំងពីមានការទាមទារយកឈុតស្បៃខ្មែរធ្វើជាម្ចាស់កម្មសិទ្ធិផ្ដាច់មុខ អ្នកសិល្បៈល្បីៗបាននាំគ្នាចេញមុខរៀបចំថតជាមួយឈុតស្បៃខ្មែរជាបន្តបន្ទាប់ ដើម្បីបញ្ជាក់ថា ឈុតស្បៃនេះជាមរតកវប្បធម៌របស់ប្រទេសកម្ពុជា។
មរតកវប្បធម៌ខ្មែរដ៏សម្បូរបែបទាំងរូបី និងអរូបី រាប់បញ្ចូលទាំងសម្លៀកបំពាក់ប្រពៃណី សុទ្ធតែផ្សារភ្ជាប់យ៉ាងច្បាស់លាស់ជាមួយភស្តុតាងប្រវត្តិសាស្ត្រ និងបុរាណវិទ្យា។
ព្រះនាងចេណាបានសង្កត់ធ្ងន់ថា ការស្លៀកសម្លៀកបំពាក់ប្រពៃណីខ្មែរ គួរត្រូវបានប្រើប្រាស់ឱ្យបានច្រើនទម្រង់ ច្រើនសណ្ឋានតាមលំនាំដើម ដើម្បីការពារមរតកវប្បធម៌ពីការទាមទារជាកម្មសិទ្ធិផ្ដាច់មុខ។
ការលើកឡើងរបស់ព្រះនាងចេណាបានជំរុញឱ្យមានការយកចិត្តទុកដាក់ច្រើនឡើងទៅលើការការពារមរតកវប្បធម៌ខ្មែរ ជាពិសេសស្បៃដែលកំពុងរងហានិភ័យពីការទាមទារជាកម្មសិទ្ធិផ្ដាច់មុខ។
ស្បៃខ្មែរបានក្លាយជាផ្នែកមួយដ៏សំខាន់នៃប្រពៃណីទំនៀមទម្លាប់របស់ជាតិខ្មែរ ហើយក៏នៅតែបន្តជានិច្ចនិរន្តរ៍តាំងពីអតីតកាល បច្ចុប្បន្ន និងទៅអនាគត។
អត្ថបទសរសេរដោយ សុខ វាសនា | កែសម្រួលដោយ ស្រីណា
