ថៃប្ដូរមេបញ្ជាការព្រំដែន ១៨នាក់ ក្រោយជម្លោះពាក្យសម្ដីជាមួយទាហានកម្ពុជា

ថៃបានសម្រេចដកតំណែងមេបញ្ជាការកងកម្លាំងពិសេសព្រំដែនចំនួន ១៨នាក់ ក្រោយមានជម្លោះពាក្យសម្ដីជាមួយទាហានកម្ពុជានៅតំបន់ព្រំដែនថ្មដា។

ជម្លោះនេះកើតឡើងនៅថ្ងៃទី២៦ មីនា ឆ្នាំ២០២៦ នៅច្រកព្រំដែនថ្មដា ដោយមានហេតុផលពីការដាក់ទង់ជាតិថៃលើទូកុងតឺន័រ។ ការប៉ះទង្គិចនេះបានធ្វើឲ្យមានការតតាំងគ្នាតាមរយៈពាក្យសម្ដី និងបានផ្សព្វផ្សាយយ៉ាងទូលំទូលាយតាមបណ្ដាញសង្គម។

យោងតាមការចុះផ្សាយរបស់ Khaosod នៅថ្ងៃទី៣១ មីនា ឆ្នាំ២០២៦ វរសេនីយ៍ឯក Thammanoon Wanna ដែលជាមេបញ្ជាការកងកម្លាំងពិសេសខេត្តត្រាត ត្រូវបានដកតំណែង រួមជាមួយមន្ត្រីផ្សេងទៀតចំនួន ១៧នាក់។

ប្រភពព័ត៌មានថៃឈ្មោះ Wassana Nanuam បានរាយការណ៍ថា លោក Thammanoon ត្រូវបានបញ្ជូនទៅកាន់អង្គភាពដោះមីនវិញ។ ការផ្លាស់ប្ដូរនេះត្រូវបានគេមើលឃើញថាជាការផ្លាស់ប្ដូរយុទ្ធសាស្ត្រពីការប្រើកម្លាំងបាយទៅជាការចរចា។

វរសេនីយ៍ឯក Pratchaya Phoyoy អ្នកជំនាញខាងចរចាព្រំដែន ត្រូវបានតែងតាំងជាមេបញ្ជាការថ្មី ដើម្បីសម្រួលស្ថានការណ៍តាមរយៈផ្លូវការទូត។

ទោះជាយ៉ាងណា សកម្មជនថៃម្នាក់ឈ្មោះ Gun Jompluang បានរិះគន់ការសម្រេចចិត្តនេះ ដោយអះអាងថាមន្ត្រីជាន់ខ្ពស់ថៃកំពុងបន្ទោសមន្ត្រីដែលការពារទឹកដី។

កងទ័ពជើងទឹកថៃបានបញ្ជាក់ថា ការផ្លាស់ប្ដូរនេះគឺដើម្បីកាត់បន្ថយភាពតានតឹង និងត្រៀមខ្លួនសម្រាប់ការចរចាជាមួយរដ្ឋាភិបាលថ្មី។