By អង្គការអាកាសអវកាសអាមេរិក (NASA) កំពុងត្រៀមខ្លួនដើម្បីបញ្ជូនក្រុមអវកាសយានិកទៅកាន់ព្រះចន្ទជាលើកដំបូង បន្ទាប់ពីរង់ចាំអស់រយៈពេលជិត៥៣ឆ្នាំ។ នេះជាផ្នែកមួយនៃបេសកកម្ម Artemis លើកទីពីរ ដែលជាការហោះហើរសាកល្បងដ៏សំខាន់មួយ។
យោងតាមភ្នាក់ងារព័ត៌មាន Reuters កាលពីថ្ងៃទី៣០ ខែមីនា ឆ្នាំ២០២៦ អវកាសយានិកអាមេរិក៣រូប និងកាណាដាម្នាក់ នឹងហោះនៅលើយាន Orion capsule និង Space Launch System របស់ NASA នៅថ្ងៃពុធ ទី០១ ខែមេសា ឆ្នាំ២០២៦។
បេសកកម្មសាកល្បងនេះមានរយៈពេល១០ថ្ងៃ ជុំវិញព្រះចន្ទ និងត្រឡប់មកវិញវិញ។ វាជាដំណើរដ៏វែងឆ្ងាយមួយ ដែលនាំពួកគេទាំង៤នាក់ចូលទៅក្នុងលំហអាកាសកាន់តែជ្រៅជាងអ្វីដែលអវកាសយានិកធ្លាប់ធ្វើដំណើរពីមុនមក។
គួរបញ្ជាក់ថា បេសកកម្មខាងលើគឺជាការហោះហើរសាកល្បងលើកដំបូងដែលមានមនុស្សបើកយន្តហោះនៅក្នុងកម្មវិធី Artemis របស់ NASA។ វាជាការខិតខំប្រឹងប្រែងដ៏សំខាន់មួយរបស់សហរដ្ឋអាមេរិក ដើម្បីចាប់ផ្តើមជើងហោះហើរជាប្រចាំទៅកាន់ព្រះចន្ទ ដោយចំណាយទឹកប្រាក់អស់ជាង៩៣ប៊ីលានដុល្លារចាប់តាំងពីឆ្នាំ២០១២។
ចាប់តាំងពីបេសកម្ម Apollo-១៧ ក្នុងឆ្នាំ១៩៧២ មក មនុស្សមិនបានចុះចតលើផ្ទៃព្រះចន្ទទេ។ ការងារនេះជាស្នាដៃដ៏លំបាកមួយរបស់ NASA មានគោលបំណងធ្វើម្តងទៀតនៅឆ្នាំ២០២៨ នៅប៉ូលខាងត្បូងនៃព្រះចន្ទ។
សហរដ្ឋអាមេរិកគឺជាប្រទេសតែមួយគត់ដែលបានដាក់មនុស្សនៅលើផ្ទៃភពមួយផ្សេងទៀត ជាមួយនឹងការចុះចតចំនួន៦លើកនៃកម្មវិធី Apollo។
ថ្មីៗនេះ មន្ត្រីសហរដ្ឋអាមេរិកផ្តោតលើប្រទេសចិនជាគូប្រជែងបច្ចេកវិទ្យាដ៏ខ្លាំងក្លាមួយ ដែលមានវឌ្ឍនភាពជាលំដាប់នៅក្នុងកម្មវិធីព្រះចន្ទក្នុងរយៈពេលប៉ុន្មានឆ្នាំចុងក្រោយ ជាមួយនឹងការចុះចតដោយមនុស្សយន្តជាបន្តបន្ទាប់នៅលើព្រះចន្ទ និងគោលដៅឆ្នាំ២០៣០ ដើម្បីដាក់ក្រុមអវកាសយានិកផ្ទាល់ខ្លួននៅលើផ្ទៃភព។
