By ភ្នំពេញ៖ ក្រោមការអនុញ្ញាតពីលោកនាយឧត្តមសេនីយ៍ ទៀ សីហា ឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិ កិច្ចជំនួបយោធាថ្នាក់ខ្ពស់បានប្រព្រឹត្តិទៅនៅទីស្តីការក្រសួងការពារជាតិនាថ្ងៃទី១ ខែមេសា ឆ្នាំ២០២៦។
លោកឧត្តមសេនីយ៍ឯក រ៉ាត់ ដារ៉ារ័ត្ន រដ្ឋលេខាធិការក្រសួងការពារជាតិ បានទទួលជួបសម្តែងការគួរសម និងធ្វើកិច្ចពិភាក្សាការងារជាមួយវរសេនីយ៍ឯក Kyle Saltzman អនុពន្ធយោធាសហរដ្ឋអាមេរិកប្រចាំកម្ពុជា។
កិច្ចជំនួបនេះបានផ្តោតសំខាន់ទៅលើការងារពង្រឹងកិច្ចសហប្រតិបត្តិការយោធារវាងកងទ័ពនៃប្រទេសទាំងពីរ កម្ពុជា-អាមេរិក ដោយមានការពិភាក្សាលម្អិតអំពីទិសដៅសហការក្នុងអនាគត។
កិច្ចសន្ទនាបានពិភាក្សាពីវិស័យសហប្រតិបត្តិការដ៏សំខាន់ៗ រួមមានការបណ្តុះបណ្តាល ការប្តូរបទពិសោធន៍ និងការអភិវឌ្ឍសមត្ថភាពកងទ័ព ដើម្បីធានាសន្តិសុខ និងស្ថិរភាពក្នុងតំបន់។
លោកឧត្តមសេនីយ៍ឯក រ៉ាត់ ដារ៉ារ័ត្ន បានសង្កត់ធ្ងន់ពីសារៈសំខាន់នៃទំនាក់ទំនងយោធារវាងប្រទេសទាំងពីរ ដែលជាផ្នែកមួយនៃទំនាក់ទំនងសហប្រតិបត្តិការពេញលេញរវាងកម្ពុជា និងសហរដ្ឋអាមេរិក។
វរសេនីយ៍ឯក Kyle Saltzman បានថ្លែងអំណរគុណចំពោះការទទួលជូនដ៏រីករាយ និងសង្កត់ធ្ងន់ពីការត្រៀមរបស់សហរដ្ឋអាមេរិកក្នុងការពង្រឹងសហប្រតិបត្តិការយោធាជាមួយកម្ពុជា។
កិច្ចជំនួបនេះបានបញ្ជាក់ពីការបន្តអភិវឌ្ឍន៍ទំនាក់ទំនងយោធារវាងប្រទេសទាំងពីរ ដែលមានប្រវត្តិសហប្រតិបត្តិការយូរយារណាស់មកហើយ និងកំពុងរីកចម្រើនថ្មីៗនេះ។
កិច្ចពិភាក្សាបានបញ្ចប់ដោយជោគជ័យ ដោយភាគីទាំងពីរបានព្រមព្រៀងគ្នាបន្តពង្រឹងកិច្ចសហប្រតិបត្តិការយោធា និងរៀបចំការប្រជុំតាមកម្រិតផ្សេងៗទៀតនាពេលខាងមុខ។
ដោយ៖ តារា
