By ខេត្តបាត់ដំបង៖ សមត្ថកិច្ចនគរបាលបានបញ្ជូនកូនខ្លួនអ្នកបើកបររថយន្តដែលបង្កគ្រោះថ្នាក់ធ្ងន់ធ្ងរនៅលើផ្លូវជាតិលេខ៥ បណ្ដាលឱ្យមានអ្នកស្លាប់៥នាក់ និងរបួស១នាក់ ទៅកាន់អយ្យការអមសាលាដំបូងខេត្តបាត់ដំបង។
ជនសង្ស័យឈ្មោះ ស៊ីវ ជ័យសិដ្ឋ អាយុ១៩ឆ្នាំ ត្រូវបានបញ្ជូនខ្លួននាព្រឹកថ្ងៃទី០២ មេសា ២០២៦ បន្ទាប់ពីសមត្ថកិច្ចបានសាកសួរនិងបំពេញសំណុំរឿងចប់សព្វគ្រប់។ គ្រោះថ្នាក់នេះកើតឡើងនៅចំណុចក្រុមទី១២ ភូមិកកោះ ឃុំកកោះ ស្រុកមោងឫស្សី ខេត្តបាត់ដំបង។
ព្រឹត្តិការណ៍គ្រោះថ្នាក់ចរាចរណ៍ដ៏ធ្ងន់ធ្ងរនេះបានបណ្ដាលឱ្យអ្នកជិះម៉ូតូស្លាប់ចំនួន០៥នាក់ និងមានអ្នករងរបួស១នាក់។ សមត្ថកិច្ចបានធ្វើការស៊ើបអង្កេតយ៉ាងហ្មត់ចត់ ហើយបានបញ្ជូនជនសង្ស័យទៅតុលាការដើម្បីអនុវត្តតាមច្បាប់។
ការបញ្ជូនជនសង្ស័យទៅតុលាការនេះបង្ហាញឱ្យឃើញថា គ្មានជនប្រព្រឹត្តល្មើសច្បាប់ណាម្នាក់អាចរួចផុតពីសំណាញ់ច្បាប់បានឡើយ។ សមត្ថកិច្ចនគរបាលបន្តធ្វើការស៊ើបអង្កេតបន្ថែមទៀតអំពីព្រឹត្តិការណ៍នេះ។
