អភិបាលរងខេត្តស្ទឹងត្រែងចូលរួមព្រឹត្តិការណ៍សុខភាពតែមួយ ឆ្នាំ២០២៦ នៅភ្នំពេញ

ភ្នំពេញ – លោក ទូច គង្គា អភិបាលរងខេត្តស្ទឹងត្រែង បានអញ្ជើញចូលរួមក្នុងព្រឹត្តិការណ៍អមស្តីពីសុខភាពតែមួយ ឆ្នាំ២០២៦ នៅកម្ពុជា នាព្រឹកថ្ងៃព្រហស្បតិ៍ទី២ មេសា ឆ្នាំ២០២៦។

ព្រឹត្តិការណ៍នេះជាការរៀបចំមុនកិច្ចប្រជុំកំពូលស្តីពីសុខភាពតែមួយ (One Health Summit) ដែលនឹងប្រព្រឹត្តទៅនាថ្ងៃទី៧ ខែមេសា ឆ្នាំ២០២៦ នៅទីក្រុងលីយ៉ុង ប្រទេសបារាំង។

ព្រឹត្តិការណ៍ដែលរៀបចំដោយគណៈកម្មាការអន្តរក្រសួងសម្រាប់សម្របសម្រួលសុខភាពតែមួយ បានប្រព្រឹត្តទៅចាប់ពីថ្ងៃទី១ ដល់ថ្ងៃទី២ ខែមេសា នៅសណ្ឋាគារ សូហ្វីតែល ភ្នំពេញភូគីត្រា។ ការចូលរួមមានសមាជិកផ្ទាល់ប្រហែល ៣០០ នាក់ និងសិស្សនិស្សិតតាមប្រព័ន្ធ ZOOM ចំនួន ២០០ នាក់ទៀត។

លោក ទូច គង្គា បានតំណាងឱ្យលោកអភិបាលខេត្តស្ទឹងត្រែង ក្នុងការចូលរួមព្រឹត្តិការណ៍សំខាន់នេះ ដែលផ្តោតលើការអភិវឌ្ឍន៍សុខភាពតែមួយនៅកម្ពុជា។

ស្ទឹងត្រែងបេះដូងខ្ញុំ ❤️❤️❤️💐💐💐
នាំគ្នាចូលរួមគាំទ្រចំពោះការអភិវឌ្ឍន៍ខេត្តស្ទឹងត្រែង 🤝🫶👏❤️❤️❤️💐💐💐

ដោយ៖ សិលា