By ខេត្តកំពង់ស្ពឺ៖ ក្រោមការដឹកនាំពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺ និងការសម្របសម្រួលពីតំណាងអយ្យការអមសាលាដំបូងខេត្តកំពង់ស្ពឺ កម្លាំងនគរបាលអធិការនគរបាលស្រុកបសេដ្ឋបានចាប់ខ្លួនជនសង្ស័យដែលជាអតីតព្រះសង្ឃឈ្មោះ ភ័ណ្ឌ ផាត់យុទ្ធ អាយុ ២១ឆ្នាំ។
ជនសង្ស័យនេះត្រូវបានចោទប្រកាន់ពីបទភូតកុហកបោកប្រាស់ដោយប្រើវិធីសាសនាបណ្ដេញខ្មោចព្រាយបិសាចដើម្បីបន្លំយកគ្រឿងអលង្ការមានតម្លៃពីញោមម្ដាយព្រះសង្ឃមួយអង្គក្នុងពិធីសាសនានៅវត្តមួយក្នុងស្រុកបសេដ្ឋ កាលពីខែកុម្ភៈ ឆ្នាំ២០២៦។
តាមការសារភាពរបស់ជនសង្ស័យ គាត់បានទទួលស្គាល់កំហុសទាំងអស់ និងបានប្រាប់ថាបានយកគ្រឿងអលង្ការទាំងនោះទៅលក់នៅតូបមួយកន្លែងជិតម្ដុំផ្សារ៧មករា។
ព័ត៌មានបន្ថែមបង្ហាញថា អតីតព្រះសង្ឃនេះកាលពីនៅជាសង្ឃបានរៀនសូត្រធម៌វិន័យជ្រៅជ្រះ ប៉ុន្តែបានប្រើល្បិចបន្លំខ្លួនទៅនៅវត្តល្បីៗ ដោយអួតថាខ្លួនមានបារមី និងមានទំនាក់ទំនងជាមួយមន្ត្រីជាន់ខ្ពស់ជាច្រើន។
គាត់បានបោកប្រាស់ព្រះចៅអធិការវត្តជាច្រើនដោយអះអាងថានឹងជួយកសាងទីសក្ការៈ ប៉ុន្តែពិតជាខ្ចីលុយហើយរត់គេចខ្លួន។ ការឆបោកនេះកើតឡើងដោយសារការលង់ជឿចង់បានផលប្រយោជន៍ពីការជួយកសាងវត្ត។
បច្ចុប្បន្ន ជនសង្ស័យត្រូវបានឃាត់ខ្លួន និងបញ្ជូនទៅកាន់ការិយាល័យប្រឆាំងភេរវកម្មនិងឧក្រឹដ្ឋកម្មឆ្លងដែន នៃស្នងការដ្ឋាននគរបាលខេត្ត ដើម្បីកសាងសុំណុំរឿង និងចាត់ការតាមនីតិវិធី។
