By ភ្នំពេញ៖ បញ្ហាសង្គមជាប្រធានបទដ៏សំខាន់ដែលអ្នកប្រាជ្ញទាំងអស់បានពិភាក្សារាប់ពាន់ឆ្នាំមកហើយ។ លោក ហ៊ុយ វណ្ណៈ រដ្ឋលេខាធិការទីស្តីការគណៈរដ្ឋមន្ត្រី និងប្រធានសហភាពសហព័ន្ធអ្នកសារព័ត៌មានកម្ពុជា បានលើកឡើងពីប្រធានបទ “សារជាតិមនុស្ស” នៅថ្ងៃទី២ ខែមេសា ឆ្នាំ២០២៦។
លោកបានពន្យល់ថា៖ “មនុស្សលោកយើងភាគច្រើនមានភាព’អញ’ មិនសូវយកចិត្តទុកដាក់ចំពោះការសាងសង្គមល្អ ហើយជួនកាលក៏បំពានទៅលើគោលការណ៍សំខាន់ៗទៀតផង។”
អ្នកប្រាជ្ញជំនាន់មុនបានចែករំលែកគំនិតស្រដៀងគ្នាដូចតទៅ៖
• មនុស្សគឺល្អមកពីកំណើត ប៉ុន្តែសង្គមមានឥទ្ធិពលយ៉ាងខ្លាំង។ សង្គមល្អនាំឱ្យមនុស្សក្លាយជាមនុស្សល្អ ខណៈសង្គមអាក្រក់នាំឱ្យមនុស្សមានវាសនាអាក្រក់។
• មនុស្សមានលក្ខណៈល្អ និងអាក្រក់តាំងពីកំណើត ហើយមនុស្សមានមហិច្ឆតា។ មហិច្ឆតាវិជ្ជមាននាំឱ្យមនុស្សប្រព្រឹត្តត្រឹមត្រូវ រីឯមហិច្ឆតាអវិជ្ជមានអាចនាំឱ្យសង្គមវិនាស។
លោក ហ៊ុយ វណ្ណៈ បានបន្តថា៖ “ដើម្បីសាងសង្គមល្អ យើងត្រូវតម្រង់ទិសមនុស្សគ្រប់រូបតាមរយៈសីលធម៌ វិន័យ និងច្បាប់។ ប្រសិនបើគោលការណ៍ទាំងបីនេះរលួយ សង្គមក៏នឹងរលួយតាមដែរ។”
ការវិភាគនេះបង្ហាញពីសារៈសំខាន់នៃការកសាងប្រព័ន្ធសង្គមដ៏រឹងមាំ ដែលអាចជួយអភិវឌ្ឍមនុស្សឱ្យក្លាយជាពលរដ្ឋល្អ និងរួមចំណែកដល់ការអភិវឌ្ឍប្រទេស។
ដោយ៖ សិលា
