នគរបាលភ្នំពេញចាប់ខ្លួនក្រុមជនសង្ស័យ២៧នាក់ ក្នុងប្រតិបត្តិការបង្ក្រាបបទល្មើសចំនួន៨ករណី

រាជធានីភ្នំពេញ៖ កម្លាំងនគរបាលព្រហ្មទណ្ឌនៃអធិការដ្ឋានខណ្ឌចំនួន៦ បានធ្វើប្រតិបត្តិការស្រាវជ្រាវ និងបង្ក្រាបបទល្មើសដ៏ធំមួយ ដោយឃាត់ខ្លួនជនសង្ស័យចំនួន២៧នាក់ (មានស្រី៣នាក់) ក្នុងរយៈពេលតែ៤ថ្ងៃ។

ប្រតិបត្តិការនេះធ្វើឡើងក្រោមការដឹកនាំផ្ទាល់ពីឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ ដោយមានការចូលរួមពីកម្លាំងនគរបាលព្រហ្មទណ្ឌកំរិតស្រាល និងអធិការដ្ឋានខណ្ឌទាំង៦។

ជនសង្ស័យទាំង២៧នាក់នេះត្រូវបានចោទប្រកាន់ក្នុងបទល្មើសចំនួន៨ករណី រួមមាន៖

• លួច០៤ករណី (ឃាត់០៤នាក់)
• មានសារធាតុញៀន០៤នាក់
• ឃាតកម្ម០១ករណី (ដេញវាយស្លាប់មនុស្ស) ឃាត់០៦នាក់
• ហិង្សាដោយចេតនា០៣ករណី ឃាត់១៧នាក់

ការចាប់ខ្លួនធ្វើឡើងតាមតំបន់ផ្សេងៗ៖

1. ខណ្ឌ៧មករា៖ ចោរលួច០២ករណី ឃាត់០២នាក់
2. ខណ្ឌពោធិសែនជ័យ៖ ឃាត់០១នាក់
3. ខណ្ឌឬស្សីកែវ៖ ឃាត់០២នាក់
4. ខណ្ឌបឹងកេងកង៖ ឃាត់១៣នាក់ (ស្រី៣នាក់)
5. ខណ្ឌចំការមន៖ ឃាត់០៣នាក់
6. ខណ្ឌព្រែកព្នៅ៖ ឃាតកម្ម០១ករណី ឃាត់០៦នាក់ (ក្រុមធីមការ៉ុតស្អុយ KRS)

ប្រតិបត្តិការនេះធ្វើឡើងចាប់ពីថ្ងៃទី០១ ដល់ថ្ងៃទី០៤ ខែមេសា ឆ្នាំ២០២៦។ បន្ទាប់ពីបង្ហាញមុខជនសង្ស័យរួច ពួកគេត្រូវបានបញ្ជូនទៅកាន់តុលាការដើម្បីចាត់ការតាមនីតិវិធីច្បាប់។

ការបង្ក្រាបបទល្មើសនេះបង្ហាញពីការតស៊ូមតិរបស់កម្លាំងនគរបាលក្នុងការថែរក្សាសន្តិសុខ និងសណ្តាប់ធ្នាប់សង្គមនៅរាជធានីភ្នំពេញ។

អត្ថបទសរសេរដោយ ម៉េង ធា | កែសម្រួលដោយ ស្រីណា