អង់គ្លេសបញ្ជូនប្រព័ន្ធការពារដែនអាកាសទៅគុយវ៉ែត បន្ទាប់ពីអ៊ីរ៉ង់វាយប្រហាររោងចក្រប្រេង

ភ្នំពេញ – អង់គ្លេសបានប្រកាសផ្ញើប្រព័ន្ធការពារដែនអាកាស «Rapid Sentry» ទៅកាន់គុយវ៉ែត បន្ទាប់ពីការវាយប្រហារដោយយន្តហោះដ្រូនរបស់អ៊ីរ៉ង់លើរោងចក្រប្រេងនៅប្រទេសអារ៉ាប់។

នាយករដ្ឋមន្ត្រីអង់គ្លេស Keir Starmer បានពិភាក្សាជាមួយព្រះអង្គម្ចាស់ Sabah al-Khalid al-Sabah នៃគុយវ៉ែត កាលពីព្រឹកថ្ងៃសុក្រ ដោយថ្កោលទោសការវាយប្រហារដែលមិនប្រុងប្រយ័ត្ននេះ។

«នាយករដ្ឋមន្ត្រីបានបញ្ជាក់ជាថ្មីថា អង់គ្លេសឈរនៅជាមួយគុយវ៉ែត និងសម្ព័ន្ធមិត្តទាំងអស់នៅក្នុងឈូងសមុទ្រ» អ្នកនាំពាក្យរបស់លោក Starmer បានថ្លែង។

ប្រព័ន្ធការពារដែនអាកាសនេះត្រូវបានរចនាឡើងជាពិសេសដើម្បីបាញ់ទម្លាក់យន្តហោះដ្រូន និងការគំរាមកំហែងតាមអាកាសផ្សេងៗ ដែលនឹងការពារបុគ្គលិក និងផលប្រយោជន៍របស់គុយវ៉ែត-អង់គ្លេសនៅតំបន់។

ក្រៅពីនេះ ថ្នាក់ដឹកនាំទាំងពីរក៏បានពិភាក្សាអំពីការរំខានដល់ការដឹកជញ្ជូនសកលតាមរយៈច្រកសមុទ្រ Hormuz និងស្វាគមន៍កិច្ចប្រជុំដែលដឹកនាំដោយរដ្ឋមន្ត្រីការបរទេស Yvette Cooper ដើម្បីរៀបចំផែនការបើកផ្លូវដឹកជញ្ជូនសំខាន់នេះឡើងវិញ។

អត្ថបទ៖ សាង ស្រីល័ក្ខ