By ខេត្តកំពង់ស្ពឺ – កម្លាំងនគរបាលខេត្តកំពង់ស្ពឺ ក្រោមការដឹកនាំរបស់លោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ត និងលោកវរៈសេនីយ៍ទោ ជុន ចន្ទដេត អធិការនគរបាលស្រុកភ្នំស្រួច បានចាប់ខ្លួនជនសង្ស័យក្នុងរឿងលួចម៉ូតូ។
នៅថ្ងៃទី០៤ ខែមេសា ឆ្នាំ២០២៦ វេលាម៉ោង ២១:៣០នាទី កម្លាំងនគរបាលអធិការដ្ឋានស្រុកភ្នំស្រួច សហការជាមួយនគរបាលស្រុកកំពង់សិលា បានស្ទាក់ចាប់ជនសង្ស័យឈ្មោះ តូ ប៊ុនឡេង អាយុ៣១ឆ្នាំ ដែលបានលួចម៉ូតូម៉ាកហុងដា សេ១២៥ ពណ៌ខ្មៅ ស៊េរីឆ្នាំ២០១៥ ពីខេត្តព្រះសីហនុ។
ជនសង្ស័យរស់នៅភូមិក្រាំងអាត់ ឃុំកំពង់សិលា ស្រុកកំពង់សិលា ខេត្តព្រះសីហនុ ហើយបានលួចម៉ូតូដែលមានផ្លាកលេខភ្នំពេញ 1CV-2550។ ក្រោយទទួលបានព័ត៌មាន កម្លាំងនគរបាលបានចាប់ខ្លួនជនសង្ស័យរួមទាំងម៉ូតូដែលលួចបាននៅលើផ្លូវជាតិលេខ៤ ចន្លោះគីឡូម៉ែត្រ ៥៦-៥៧ ក្នុងភូមិវល្លិប្រេង ស្រុកសំរោងទង។
បច្ចុប្បន្ន ជនសង្ស័យនិងវត្ថុតាងត្រូវបានប្រគល់ទៅអធិការដ្ឋាននគរបាលស្រុកកំពង់សិលា ដើម្បីចាត់ការតាមនីតិវិធីច្បាប់។
