ត្រុំពោរពេញចិត្ត! អាមេរិកបំផ្លាញស្ពានយោធាអ៊ីរ៉ង់ ត្រុំប្រកាស “លែងលេងហ្គេមទៀតហើយ”

អន្តរជាតិ៖ ប្រធានាធិបតីអាមេរិក លោក ដូណាល់ ត្រុំ បានបញ្ជូនសារច្បាស់លាស់ទៅកាន់របបអ៊ីរ៉ង់ថា “អាមេរិកលែងលេងហ្គេមទៀតហើយ” បន្ទាប់ពីកងកម្លាំងអាកាសអាមេរិកបានវាយប្រហារបំផ្លាញស្ពានព្យួរ B1 នៅក្នុងទីក្រុង Karaj ជិតទីក្រុងតេអេរ៉ង់។

ការវាយប្រហារដោយមីស៊ីលអាកាសបានកាត់ស្ពានថ្មីដ៏ខ្ពស់នេះចេញជាពីរកំណាត់ ដោយមានការផ្ទុះដ៏ខ្លាំងក្លាដែលត្រូវបានថតនៅក្នុងវីដេអូជិតៗ។ ការផ្ទុះនេះបានបញ្ជូនដុំភ្លើង កំទេចកំទី និងផ្សែងខ្មៅក្រាស់ៗឡើងលើមេឃ ខណៈពេលដែលក្រុមគ្រួសារបានប្រមូលផ្តុំគ្នានៅក្បែរនោះសម្រាប់ញ៉ាំអាហារក្រៅផ្ទះក្នុងថ្ងៃឈប់សម្រាក។

របាយការណ៍ដំបូងពីអាជ្ញាធរអ៊ីរ៉ង់បង្ហាញថា មានមនុស្សស្លាប់យ៉ាងហោចណាស់ ៨ នាក់ និងរាប់សិបនាក់រងរបួស។ ទោះជាយ៉ាងណា ប្រភពព័ត៌មានអាមេរិកបានអះអាងថា នេះមិនមែនជាការវាយប្រហារដោយចៃដន្យលើជនស៊ីវិលនោះទេ ព្រោះស្ពាននេះជាសរសៃឈាមភស្តុភារយោធាសំខាន់សម្រាប់ការដឹកជញ្ជូនមីស៊ីល គ្រឿងបន្លាស់អាវុធ និងកងកម្លាំង IRGC។

លោក ត្រុំ បានបង្ហោះវីដេអូការវាយប្រហារនេះដោយផ្ទាល់លើបណ្តាញសង្គម ដោយព្រមានថា “មានរឿងជាច្រើនទៀតដែលត្រូវតាមដាន” ប្រសិនបើទីក្រុងតេអេរ៉ង់មិនបញ្ចប់កិច្ចព្រមព្រៀងឱ្យបានឆាប់រហ័ស។ ការវាយប្រហារនេះគឺជាការឆ្លើយតបទៅនឹងការញុះញង់របស់អ៊ីរ៉ង់អស់រយៈពេល ៤៧ ឆ្នាំ។

ប្រភព៖ សារព័ត៌មានបរទេស