By 
ភ្លើងសង្គ្រាមនៅតំបន់មជ្ឈិមបូព៌ាបន្តឆេះខ្លាំងឡើង ក្រោយអ៊ីស្រាអែល និងសហរដ្ឋអាមេរិកប្រកាសសង្គ្រាមប្រឆាំងអ៊ីរ៉ង់ចាប់ពីថ្ងៃទី២៨ កុម្ភៈមក។ ស្ថានភាពនេះបានធ្វើឲ្យទំនាក់ទំនងការទូតរវាងរុស្ស៊ី និងចិនកាន់តែតឹងរឹងថែមទៀត។
អ៊ីរ៉ង់ជាសម្ព័ន្ធមិត្តយុទ្ធសាស្ត្ររបស់រុស្ស៊ី ខណៈចិនពឹងផ្អែកលើប្រេងអ៊ីរ៉ង់ និងចង់ឲ្យមានការបើកច្រកសមុទ្រហើមូសដោយសុវត្ថិភាព។ ប្រទេសទាំងពីរនេះ ដែលជាសមាជិកអចិន្ត្រៃយ៍ក្រុមប្រឹក្សាសន្តិសុខអ.ស.ប បានពង្រឹងទំនាក់ទំនងគ្នាយ៉ាងជិតស្និទ្ធតាំងពីរុស្ស៊ីចូលលុកលុយអ៊ុយក្រែនមក។
រដ្ឋមន្ត្រីការបរទេសចិនលោកវ៉ាងយី បានធ្វើការសន្ទនាតាមទូរស័ព្ទជាមួយអ្នកដឹកនាំរុស្ស៊ីលោកស័រហ្គេយឡាវរ៉ូវ នៅថ្ងៃទី៥ មេសា ដោយសង្កត់ធ្ងន់ពីតម្រូវការធ្វើការរួមគ្នាដើម្បីស្ដារសន្តិភាពក្នុងតំបន់។ “សភាពការណ៍នៅមជ្ឈិមបូព៌ាបន្តដុនដាប ហើយការប្រយុទ្ធគ្នាកំពុងបង្កើនឡើង។ យើងត្រូវការបទឈប់បាញ់គ្នាជាបន្ទាន់” លោកវ៉ាងយីបានថ្លែង។
ចិនបានអំពាវនាវឲ្យមានការខិតខំប្រឹងប្រែងរួមគ្នាជាមួយរុស្ស៊ី ក្នុងរូបភាពជាសមាជិកក្រុមប្រឹក្សាសន្តិសុខអ.ស.ប ដើម្បីដោះស្រាយបញ្ហាចម្បងៗ និងធានាសន្តិភាព និងស្ថេរភាពក្នុងតំបន់។ ការសហការនេះគឺជាផ្នែកមួយនៃយុទ្ធសាស្ត្ររបស់ចិនក្នុងការស្ដារសន្តិភាពតាមរយៈឆាកអន្តរជាតិ។
