រោងចក្រគ្រឿងបង្គំថាមពលអគ្គីសនីចិនធំមួយ នឹងមកបណ្ដាក់ទុននៅខេត្តតាកែវ

ខេត្តតាកែវ៖ អភិបាលខេត្តតាកែវ លោក វ៉ី សំណាង បានបញ្ជាក់ថា បើគ្មានអ្វីប្រែប្រួលទេ រោងចក្រផលិតគ្រឿងបង្គំបរិក្ខាថាមពលអគ្គីសនីដ៏ធំមួយរបស់ចិន នឹងមកបណ្ដាក់ទុននៅក្នុងខេត្តតាកែវ ក្នុងពេលឆាប់ៗខាងមុខនេះ។

លោកអភិបាលបានឱ្យដឹងថា កាលពីដើមខែមេសា លោកបានដឹកនាំគណៈប្រតិភូខេត្តតាកែវ ធ្វើទស្សនកិច្ចក្រុមហ៊ុន Henan Xinruiyuan Intelligent Electric Co.Ltd នៅស្រុកប៉ាវហ្វឹង ខេត្តហឺណាន ប្រទេសចិន។ នៅក្នុងជំនួប លោកនាយកក្រុមហ៊ុនបានប្រាប់ថា នឹងចូលមកបណ្ដាក់ទុនបើករោងចក្រនេះ នៅក្នុងខេត្តតាកែវ។

គួរបញ្ជាក់ថា នៅក្នុងដំណើរទស្សនកិច្ចរយៈពេល៤ថ្ងៃនៅខេត្តហឹណាន លោកអភិបាលក៏បានជួបជាមួយក្រុមអ្នកវិនិយោគចិនមួយចំនួន និងបានលើកបង្ហាញនូវសក្តានុពលសំខាន់ៗរបស់ខេត្តតាកែវ លើវិស័យកសិកម្ម កសិ-ឧស្សាហកម្ម ទេសចរណ៍ និងហេដ្ឋារចនាសម្ព័ន្ធផ្លូវថ្នល់ ផ្លូវទឹក ផ្លូវដែក និងផ្លូវអាកាស។

លោកបានអះអាងថា ខេត្តតាកែវមានលក្ខណៈងាយស្រួលដល់អ្នកវិនិយោគចូលមកបណ្ដាក់ទុន ហើយអាជ្ញាធរនឹងជួយសម្របសម្រួលគ្រប់បែបយ៉ាងដល់ក្រុមអ្នកវិនិយោគ។

រោងចក្រនេះជារោងចក្រផលិតកម្មគ្រឿងបង្គុំបរិក្ខាថាមពលអគ្គីសនី ដែលនឹងជួយជំរុញការអភិវឌ្ឍវិស័យថាមពលអគ្គីសនីនៅកម្ពុជា។

ការបណ្ដាក់ទុននេះគឺជាផ្នែកមួយនៃកិច្ចសហប្រតិបត្តិការសេដ្ឋកិច្ចរវាងកម្ពុជា និងប្រទេសចិន ដែលកំពុងពង្រីកយ៉ាងឆាប់រហ័ស។

អ្នកវិនិយោគចិនបានបង្ហាញពីការចាប់អារម្មណ៍ខ្លាំងចំពោះសក្តានុពលវិនិយោគនៅខេត្តតាកែវ ដោយសារតែទីតាំងភូមិសាស្ត្រស្រប និងហេដ្ឋារចនាសម្ព័ន្ធដែលកំពុងអភិវឌ្ឍ។

ការបណ្ដាក់ទុននេះនឹងជួយបង្កើតការងារ និងជំរុញការអភិវឌ្ឍសេដ្ឋកិច្ចក្នុងតំបន់ ដែលនឹងផ្តល់ផលប្រយោជន៍ដល់ប្រជាពលរដ្ឋក្នុងខេត្តតាកែវ។

អាជ្ញាធរខេត្តតាកែវបានសន្យាថា នឹងផ្តល់ជំនួយ និងសម្របសម្រួលគ្រប់បែបយ៉ាងដល់អ្នកវិនិយោគ ដើម្បីធានានូវភាពជោគជ័យនៃគម្រោងនេះ។

ដោយ៖ តារា