By ព័ត៌មានដ៏រំភើបមួយបានផ្ទុះឡើងក្នុងឆាកនយោបាយពិភពលោក នៅពេលដែលភ្នាក់ងារចារកម្មអាមេរិក និងអ៊ីស្រាអែលបានលាតត្រដាងថា មេដឹកនាំកំពូលថ្មីរបស់អ៊ីរ៉ង់ លោក Mojtaba Khamenei កំពុងស្ថិតក្នុងស្ថានភាពសន្លប់បាត់ស្មារតី ហើយមិនអាចដឹកនាំប្រទេសបានទេ។
យោងតាមកាសែត Daily Mail ដែលបានចុះផ្សាយនៅថ្ងៃទី៧ ខែមេសា ឆ្នាំ២០២៦ លោក Khamenei កំពុងសម្រាកព្យាបាលជំងឺយ៉ាងធ្ងន់ធ្ងរនៅទីក្រុង Qom បន្ទាប់ពីបានបាត់មុខជាសាធារណៈតាំងពីឡើងកាន់តំណែងបន្តពីឪពុករបស់លោក។
លោកបានឡើងកាន់តំណែងបន្តពីឪពុករបស់លោក គឺលោក Ayatollah Ali Khamenei ដែលត្រូវបានគេធ្វើឃាតក្នុងថ្ងៃដំបូងនៃសង្គ្រាម។ មុននេះ រដ្ឋាភិបាលអ៊ីរ៉ង់បានអះអាងថា លោកគ្រាន់តែរងរបួសស្រាលត្រង់ជើងប៉ុណ្ណោះ ក្រោយពីហេតុការណ៍វាយប្រហារតាមអាកាសដែលបានសម្លាប់សមាជិកគ្រួសារជាច្រើនរូប។
ទោះជាយ៉ាងណា របាយការណ៍ថ្មីបង្ហាញថា ស្ថានភាពរបស់លោកធ្ងន់ធ្ងរជាងការអះអាង រហូតដល់មិនអាចចូលរួមសម្រេចចិត្តលើកិច្ចការរដ្ឋណាមួយបាន។ អ្វីដែលធ្វើឲ្យមានការសង្ស័យគឺ ចាប់តាំងពីឡើងកាន់អំណាចមក រាល់សេចក្តីថ្លែងការណ៍របស់លោកត្រូវបានអានដោយអ្នកសម្របសម្រួលកម្មវិធីទូរទស្សន៍រដ្ឋ។ សូម្បីតែវីដេអូដែលបង្ហាញថា លោកកំពុងដើរពិនិត្យផែនទីយោធា ក៏ត្រូវបានគេរកឃើញថាជាវីដេអូដែលបង្កើតឡើងដោយបច្ចេកវិទ្យា AI តែប៉ុណ្ណោះ។
