By ប្រទេសហ្វីលីពីន៖ ឯកឧត្តម គង់ ភោគ រដ្ឋលេខាធិការ និងជាឧត្ដមមន្ត្រីអាស៊ានរបស់កម្ពុជា បានអញ្ជើញចូលរួមកិច្ចប្រជុំឧត្ដមមន្ត្រីអាស៊ាននៅទីក្រុងម៉ានីល ប្រទេសហ្វីលីពីន កាលពីថ្ងៃទី៧ ខែមេសា ឆ្នាំ២០២៦។
ក្រសួងការបរទេសបានប្រកាសនៅព្រឹកថ្ងៃទី០៨ ខែមេសាថា កិច្ចប្រជុំនេះពិភាក្សាលើការងារអាទិភាព និងការត្រៀមកិច្ចប្រជុំកំពូលអាស៊ាននាពេលខាងមុខ។ កិច្ចប្រជុំបានពិភាក្សាអំពីការផ្តល់អនុសាសន៍លើការងារអាទិភាពក្រោយការចូលជាសមាជិកពេញសិទ្ធិរបស់ទីម័រឡេស្តេក្នុងអាស៊ាន។
រួមផងដែរ កិច្ចប្រជុំបានពិភាក្សាលើសំណើសុំចូលជាភាគី ការអនុវត្តសន្ធិសញ្ញាមិត្តភាព និងសហប្រតិបត្តិការនៅអាស៊ីអាគ្នេយ៍ (TAC) ទំនាក់ទំនងជាមួយដៃគូខាងក្រៅរបស់អាស៊ាន និងការត្រៀមរៀបចំសម្រាប់កិច្ចប្រជុំកំពូលអាស៊ាននាពេលខាងមុខ។
កិច្ចប្រជុំនេះគឺជាផ្នែកមួយនៃការត្រៀមរៀបចំសម្រាប់កិច្ចប្រជុំកំពូលអាស៊ានដែលនឹងប្រព្រឹត្តទៅនាពេលខាងមុខ ដោយផ្តោតលើការពង្រឹងសហប្រតិបត្តិការក្នុងតំបន់ និងការដោះស្រាយបញ្ហាប្រឈមរួម។
