By ភ្នំពេញ៖ នាវាចម្បាំងរបស់រុស្ស៊ីចំនួន២គ្រឿង បានចូលចតនៅកំពង់ផែស្វយ័តក្រុងព្រះសីហនុ ក្នុងដំណើរទស្សនកិច្ចរយៈពេល៣ថ្ងៃ ដែលត្រូវបានគេមើលឃើញថាជាការលើកកម្ពស់ទំនាក់ទំនង និងកិច្ចសហប្រតិបត្តិការយោធារវាងប្រទេសទាំងពីរ។
ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានទទួលស្វាគមន៍នាវាចម្បាំងទាំងពីរគ្រឿងគឺនាវា Sovershenny លេខ៣៣៣ និងនាវា Rezky លេខ៣៤៣ នៅថ្ងៃទី៧ ខែមេសា ឆ្នាំ២០២៦។ នាវាទាំងនេះមកពីកងនាវាប្រចាំតំបន់ប៉ាស៊ីហ្វិកនៃកងទ័ពជើងទឹកសហព័ន្ធរុស្ស៊ី ដោយមាននាវិកសរុបប្រមាណ២៦២នាក់។
ឯកឧត្តមឧបនាយករដ្ឋមន្ត្រីបានលើកឡើងថា ដំណើរទស្សនកិច្ចនេះនឹងជួយលើកកម្ពស់ទំនាក់ទំនង និងកិច្ចសហប្រតិបត្តិការលើវិស័យការពារជាតិរវាងកម្ពុជា និងរុស្ស៊ី។ «ខ្ញុំក៏សង្ឃឹមយ៉ាងមុតមាំថា រុស្ស៊ីនឹងនៅតែបន្តគាំទ្រ និងធ្វើការយ៉ាងជិតស្និទ្ធជាមួយកងយោធពលខេមរភូមិន្ទ» ជាពិសេសក្នុងការបណ្តុះបណ្តាលធនធានមនុស្ស និងការធ្វើលំហាត់សមយុទ្ធរួមគ្នានាពេលអនាគត។
ការចូលចតនាវាចម្បាំងរុស្ស៊ីនៅកម្ពុជាត្រូវបានគេចាត់ទុកថាជាប្រវត្តិសាស្ត្រមួយក្នុងទំនាក់ទំនងរវាងប្រទេសទាំងពីរ ដែលបានរក្សាទំនាក់ទំនងមិត្តភាពជិតស្និទ្ធតាំងពីយូរយារណាស់មកហើយ។
ដំណើរទស្សនកិច្ចនេះបង្ហាញពីការពង្រឹងសហប្រតិបត្តិការយោធារវាងកម្ពុជា និងរុស្ស៊ី ដែលជាផ្នែកមួយនៃយុទ្ធសាស្ត្រសន្តិសុខរួមគ្នាក្នុងតំបន់។
ការទទួលស្វាគមន៍នាវាចម្បាំងរុស្ស៊ីគឺជាសកម្មភាពសំខាន់មួយក្នុងការពង្រឹងទំនាក់ទំនងយោធារវាងប្រទេសទាំងពីរ និងជាសញ្ញានៃមិត្តភាពដ៏ជិតស្និទ្ធដែលមានរយៈពេលយូរអង្វែង។
អត្ថបទសរសេរដោយ អ៊ាង ប៊ុនរិទ្ធ
កែសម្រួលដោយ ស្រីណា
