By ខេត្តក្រចេះ៖ អគ្គនាយកដ្ឋានពន្ធនាគារបានប្រកាសនាព្រឹកថ្ងៃទី១០ ខែមេសា ឆ្នាំ២០២៦ថា ប្រតិបត្តិការផ្ទេរជនជាប់ឃុំចំនួន១០០នាក់ពីពន្ធនាគារខេត្តក្រចេះទៅឃុំខ្លួនបន្តនៅពន្ធនាគារខេត្តមណ្ឌលគិរីបានសម្រេចជាស្ថាពរ។
ការដឹកជញ្ជូនជនជាប់ឃុំចំនួន១០០នាក់នេះត្រូវបានធ្វើឡើងក្រោមការដឹកនាំរបស់ថ្នាក់ដឹកនាំជាន់ខ្ពស់ ដោយមានការអនុញ្ញាតពីឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។
លោកឧត្តមអគ្គានុរក្សថ្នាក់លេខ៣ អាត វាសនា អនុប្រធានពន្ធនាគារ បានដឹកនាំកម្លាំងសហការដឹកជញ្ជូនជនជាប់ឃុំពីពន្ធនាគារក្រចេះទៅឃុំខ្លួនបន្តនៅពន្ធនាគារខេត្តមណ្ឌលគិរី។ ការប្រតិបត្តិការនេះបានធ្វើឡើងដោយរលូន និងធានាបាននូវសុវត្ថិភាពទាំងស្រុង។
សូមបញ្ជាក់ថា ការដឹកជញ្ជូនជនជាប់ឃុំពីពន្ធនាគារខេត្តក្រចេះទៅឃុំខ្លួនបន្តនៅពន្ធនាគារខេត្តមណ្ឌលគិរី បានប្រព្រឹត្តទៅដោយរលូន ធានាបាននូវសុវត្ថិភាពទាំងស្រុង ទាំងចំពោះមន្ត្រីអនុវត្តច្បាប់ និងជនជាប់ឃុំខ្លួនឯង ក្រោមការត្រួតពិនិត្យយ៉ាងហ្មត់ចត់ពីថ្នាក់ដឹកនាំនាយកដ្ឋានជំនាញពាក់ព័ន្ធ។
ប្រតិបត្តិការនេះបង្ហាញពីស្មារតីសហការ និងការទទួលខុសត្រូវខ្ពស់របស់អាជ្ញាធរពន្ធនាគារក្នុងការធានាសុវត្ថិភាព និងសុខភាពរបស់ជនជាប់ឃុំក្នុងពេលផ្ទេរទៅកន្លែងឃុំខ្លួនថ្មី។
