By ភ្នំពេញ៖ ក្រោយពីរដ្ឋាភិបាលចិនបានចេញផែនការមេសម្រាប់តំបន់សាកល្បងពាណិជ្ជកម្មសេរីនៅភូមិភាគស្វយ័តម៉ុងហ្គោលីក្នុង ចំនួនតំបន់សាកល្បងបែបនេះនៅចិនបានកើនដល់២៣កន្លែង។
អ្នកវិភាគអន្តរជាតិយល់ឃើញថា ការបន្ថែមតំបន់ពាណិជ្ជកម្មសេរីថ្មីនេះកើតឡើងនៅឆ្នាំចាប់ផ្ដើមនៃការអនុវត្តផែនការអភិវឌ្ឍន៍ជាតិ៥ឆ្នាំទី១៥ ដែលមិនត្រឹមតែជំរុញការអភិវឌ្ឍប្រកបដោយគុណភាពខ្ពស់ប៉ុណ្ណោះទេ ថែមទាំងបង្កើនស្ថេរភាពដល់សេដ្ឋកិច្ចពិភពលោកដែលកំពុងជួបការប្រែប្រួល។
ហេតុអ្វីជ្រើសរើសម៉ុងហ្គោលីក្នុង?
តំបន់នេះមានអត្ថប្រយោជន៍ភូមិសាស្ត្រពិសេស ដែលកាលពីប្រវត្តិសាស្ត្រធ្លាប់ជាមជ្ឈមណ្ឌលដឹកជញ្ជូនសំខាន់នៃផ្លូវសូត្រវាលស្មៅ និងផ្លូវតែមួយម៉ឺនលី។ សព្វថ្ងៃ វាក្លាយជាចំណុចសំខាន់នៃគម្រោងខ្សែក្រវាត់និងផ្លូវ និងរបៀងសេដ្ឋកិច្ចចិន-ម៉ុងហ្គោលី-រុស្ស៊ី។
តាមទិន្នន័យបង្ហាញថា នៅឆ្នាំ២០២៥ ទំហំនាំចេញនាំចូលសរុបនៅតំបន់នេះបានឡើងដល់០,២២ទ្រីលានយាន់ប្រាក់ចិន ដែលបំបែកកំណត់ត្រាថ្មី។ បច្ចុប្បន្ន ម៉ុងហ្គោលីក្នុងមានទំនាក់ទំនងពាណិជ្ជកម្មជាមួយប្រទេសនិងតំបន់ចំនួន២០១។
អត្ថប្រយោជន៍សម្រាប់ពិភពលោក
តំបន់សាកល្បងពាណិជ្ជកម្មសេរីផ្ដល់ឱកាសវិនិយោគនិងពាណិជ្ជកម្មយ៉ាងច្រើនដល់សហគមន៍អន្តរជាតិ។ តំបន់នេះមានធនធានថាមពល ធនធានកសិកម្ម និងបសុសត្វសម្បូរបែប រួមទាំងឧស្សាហកម្មថ្មីដូចជាប្រព័ន្ធគណនាបៃតង និងសេដ្ឋកិច្ចឌីជីថល។
ក្នុងបរិបទដែលជម្លោះភូមិសាស្ត្រនយោបាយកំពុងធ្ងន់ធ្ងរ ការបង្កើតតំបន់នេះនឹងធ្វើឱ្យមានភាពរលូនថែមទៀតនូវច្រកមាសដែលតភ្ជាប់ចិន ម៉ុងហ្គោលី និងរុស្ស៊ី រហូតដល់ទ្វីបអឺរ៉ុប។
ពីផ្លូវសូត្រវាលស្មៅទៅវេទិកាពាណិជ្ជកម្មសេរី នេះគឺជាការលោតផ្លោះប្រវត្តិសាស្ត្រដ៏សំខាន់ និងជាការបង្ហាញពីការប្ដេជ្ញាចិត្តរបស់ចិនក្នុងការចែករំលែកអត្ថប្រយោជន៍អភិវឌ្ឍន៍ជាមួយពិភពលោក។
ប្រភព៖ (CCFR)
