អឺរ៉ុបឈ្នះ! លោក Orban ចាញ់ឆ្នោត លោកត្រាំ និងលោកពូទីន បាត់បង់សម្ព័ន្ធមិត្តដ៏ទុកចិត្ត

ភ្លៀងសំឡេងឆ្នោតបានកក្រើកផ្ទៃនយោបាយអឺរ៉ុប នៅពេលដែលប្រជាជនហុងគ្រីបានជ្រើសរើសផ្លូវថ្មី ដោយទាត់ចោលការសន្សា «កសាងអំណាចសេដ្ឋកិច្ចហុងគ្រី» របស់លោក ដូណាល់ ត្រាំ។

លោក Viktor Orban ដែលគ្រប់គ្រងប្រទេសហុងគ្រីអស់រយៈពេល ១៦ឆ្នាំ បានទទួលស្គាល់ការបរាជ័យក្រោយប្រជាប្រិយភាពរបស់លោក Peter Magyar ដែលគាំទ្រអឺរ៉ុប។ ការចាញ់នេះបានដកហូតលោកពូទីនពីការដឹងព័ត៌មានផ្ទៃក្នុងរបស់អឺរ៉ុប។

យោងតាមលទ្ធផលផ្លូវការ គណបក្សកណ្តាល-ស្តាំរបស់លោក Peter Magyar បានទទួល ១៣៨ អាសនៈក្នុងចំណោម ១៩៩ អាសនៈ ដោយទទួលបានសំឡេងគាំទ្រ ៥៣,៦% ខណៈគណបក្សរបស់លោក Orban ទទួលបានត្រឹមតែ ៥៥ អាសនៈ។

លោក Orban ដែលជិតស្និទ្ធនឹងលោកត្រាំ និងលោកពូទីន ប្រឈមមុខនឹងបញ្ហាប្រឈមថ្មី ជាពិសេសក្នុងការព្យាយាមរារាំងកញ្ចប់ថវិកាពីអឺរ៉ុបទៅអ៊ុយក្រែន។ លោកបានទទួលស្គាល់ការចាញ់ និងហៅទូរស័ព្ទអបអរសាទរលោក Magyar។