By បន្ទាយមានជ័យ ៖ រថយន្ត និងម៉ូតូជាច្រើនគ្រឿងត្រូវបានខូចនៅពេលជំនន់ទឹកភ្លៀងលិចក្រុងប៉ោយប៉ែត កំពុងជួសជុល ខ្លះត្រូវបានរើ និងម៉ាស៊ីនធ្វើប៉ះពាល់ជីវភាពប្រជាពលរដ្ឋ ។
ប្រជាពលរដ្ឋបានប្រាប់ថា ៖ មានម៉ូតូរថយន្តជាច្រើនគ្រឿង ត្រូវបានខូចដោយជំនន់ទឹកភ្លៀងលិច ក្រុងប៉ោយប៉ែត ដែលកំពុងដាក់ជាងធ្វើខ្លះ មានត្រូវបានរើម៉ាស៊ីន និងដូរម៉ាស៊ីនព្រោះទឹកចូល បណ្តាលគប់ប៉េម៉ាស៊ីន នៅពេលជិះកាត់ទឹកជ្រៅ លិចម៉ាស៊ីន បណ្តាលរលត់កណ្តាលទឹកលើដងផ្លូវ ។
ប្រជាពលរដ្ឋបានបញ្ជាក់ថា ៖ កាលពីថ្ងៃទី១០ ខែឧសភា ឆ្នាំ២០២៥ នៅក្រុងប៉ោយប៉ែតមានភ្លៀងធ្លាក់មួយមេ រយៈពេលជិត៤ម៉ោង បណ្តាលលិចផ្លូវ និងប៉ះពាល់ផ្ទះសម្បែងប្រជាពលរដ្ឋ ដែលលិចធ្ងន់ធ្ងរ មានសង្កាត់អូរជ្រៅ សង្កាត់ប៉ោយប៉ែត សង្កាត់ផ្សារកណ្តាល មានផ្ទះប្រជាពលរដ្ឋខ្លះត្រូវបានទឹកចូលខូចខាតសម្ភារៈ និងម៉ូតូរថយន្តចតចោល ត្រូវបានលិចនិងខូចខាត និងរថយន្តម៉ូតូខ្លះធ្វើដំណើរត្រូវបានលិចទឹក រលត់បណ្តាលខូចជាច្រើនគ្រឿងនៅលើផ្លូវជាតិលេខ៥ និងតាមផ្លូវមួយចំនួនទៀត មានកន្លែងខ្លះទឹកលិចជម្រៅជាង១ម៉ែត្រនិងម៉ូតូត្រូវបានទឹកហូររសាត់តាមទឹក ។
លោក ញឹម ផឿង អភិបាលរងក្រុងប៉ោយប៉ែត បានប្រាប់ថា ៖ ពិតជាមានម៉ូតូរថយន្តជាច្រើនគ្រឿងត្រូវបានលិចទឹក បណ្តាលខូចខាត មានរថយន្ត ម៉ូតូខ្លះចតទុកចោលតាមចិញ្ចើមផ្លូវមុខផ្ទះ ត្រូវបានទឹកលិចខូច និងខ្លះទៀត បើកបរឆ្លងកាត់តាមផ្លូវត្រូវបានលិចទឹករលត់ម៉ាស៊ីន បណ្តាលឱ្យខូចដូចជាលើផ្លូវជាតិលេខ៥ មានកន្លែងខ្លះលិចជាង១ម៉ែត្រចំណុចផ្លូវចូលអគារថ្មីត្រូវបានកម្លាំងអន្តរាគមន៍ជួយរុញ និងអូសអោយផុតទឹករហូតពេលនេះ ឃើញតាមជាងជួសជុលម៉ូតូនិ ងរថយន្តជាច្រើនកំពុងជួសជុល ខ្លះត្រូវបានរើម៉ាស៊ីនខ្លះត្រូវប្តូរម៉ាស៊ីន ព្រោះទឹកលិចគប់ប៉េស៊ីនចូលទឹកខូចខាតធ្ងន់ធ្ងរ ៕
