By រាជធានីភ្នំពេញ ៖ ចាប់បានហើយមុខសញ្ញាជួញដូរគ្រឿងញៀ.ន បន្ទាប់ពីរត់គេចខ្លួនបានរយៈពេលជាង២ឆ្នាំ ចុងក្រោយត្រូវជាប់ខ្នោះរបស់នគរបាលខណ្ឌច្បារអំពៅ ។
ប្រតិបត្តិការណ៍ឃាត់ខ្លួននេះដែរ បានធ្វើឡើងនាវរលាម៉ោង០៨យប់ ថ្ងៃទី២៦ ខែឧសភា ឆ្នាំ២០២៥ នៅក្នុងកោះនរា ស្ថិតក្នុងសង្កាត់និរោធ ខណ្ឌច្បារអំពៅ រាជធានីភ្នំពេញ ។
ជនសង្ស័យមានឈ្មោះ គង់ សុធារ៉ា ( ហៅគ្នី) ភេទប្រុស អាយុ២៥ឆ្នាំ មុខរបរមិនប្រាកដ ទីលំនៅបច្ចុប្បន្នទីកន្លែងកំណើតភូមិដើមចាន់ សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ ។
បើតាមការបញ្ជាក់ពីសមត្ថកិច្ចបានអោយដឹងថា កាលពីថ្ងៃទី១៥ ខែមករា ឆ្នាំ២០២៣ ជនសង្ស័យម្នាក់បានជួញដូរដោយខុសច្បាប់នូវសារធាតុញៀ.ន ប្រព្រឹត្តនៅចំណុចមុខផ្ទះជួលផ្លូវបេតុង ភូមិដើមចាន់ សង្កាត់ច្បារអំពៅទី០២ ប៉ុន្តែនៅពេលសមត្ថកិច្ចចុះបង្ក្រាប ជនសង្ស័យបានរត់គេចខ្លួនបាត់ស្រមោល ។
លុះមកដល់ថ្ងៃកើតហេតុ ស្របពេលសមត្ថកិច្ចកំពុងល្បាតក៏ស្រាប់តែប្រទះឃើញជនសង្ស័យនៅក្នុងតំបន់កោះនរា ខណៈនោះកម្លាំងជំនាញបានសហការជាមួយការិយាល័យប្រឆាំងគ្រឿងញៀ.នប្រដេញឃាត់ខ្លួនបានភ្លាមៗតែម្តង ។
បច្ចុប្បន្នជនសង្ស័យខាងលើត្រូវនគរបាលអធិការខណ្ឌច្បារអំពៅកសាងសំណុំបញ្ជូនទៅកាន់តុលាការ ដើម្បីចាត់តាមនីតិវិធី ៕
