នារីម្នាក់តែងខ្លួនជាបុរស (ហៅកាត់LB Lesbian) បានផុតដង្ហើម ដោយសង្ស័យជិះលឿនទៅបុករបាំងថ្មទ្រូងផ្លូវ​…

ភ្នំពេញ «ព័ត៌មានបឋម» ៖ នារីម្នាក់តែងខ្លួនជាបុរស (ហៅកាត់LB Lesbian) បានជិះម៉ូតូ Suzuki Let’s ស្លាកលេខ​ភ្នំពេញ​ 1FL-5214 ក្នុងល្បឿនលឿន សង្ស័យទៅបុករបាំងថ្មទ្រូងផ្លូវ​ ខ្ទាតបោកក្បាលនឹងថ្នល់ស្លាប់ នៅផ្លូវជាតិលេខ២​ ភូមិស្រីស្នំ សង្កាត់ព្រែកកំពឹស​ ខណ្ឌដង្កោ រាជធានីភ្នំពេញ កាលពីវេលាម៉ោង០៣:៣០នាទីទៀបភ្លឺ ថ្ងៃពុធ ទី២៨ ខែឧសភា ឆ្នាំ២០២៥នេះ។

ករណីនេះ​ កម្លាំងប៉ុស្តិ៍នគរបាល​ព្រែកកំពឹស​ សហការជាមួយកម្លាំងចរាចរណ៍​ខណ្ឌដង្កោ​ ចុះធ្វើការ​វាស់វែង​ រួចយក​ម៉ូតូទៅរក្សាទុកបណ្ដោះអាសន្ន​ រង់ចាំស្រាវជ្រាវរក​ក្រុមគ្រួសារ​សាច់ញាតិមកទទួលយកទៅវិញ​។ រីឯសពបានទាក់ទង​រថយន្ត​សង្គ្រោះមន្ទីរពេទ្យបង្អែកដង្កោ មកដឹក​រង់ចាំក្រុមគ្រួសារមកទទួលយកទៅ​ធ្វើបុណ្យតាមប្រពៃណី៕