By យោងតាមការបង្ហោះរបស់ Missosology បានឱ្យដឹងថា Miss Grand International 2024 កញ្ញាRachel Gupta បានប្រកាសលាលែងពីតំណែង និង សុំប្រគល់មកុដជូន MGI វិញ។
ក្នុងនោះ បើតាមការប្រកាសបានឱ្យដឹងថា Miss Grand International organization បានប្រកាសពីការបញ្ចប់តំណែងបវរកញ្ញា Rachel Gupta ជា Miss Grand International 2024 ដែលមានប្រសិទ្ធភាពភ្លាមៗ។ ការសម្រេចចិត្តនេះកើតឡើង បន្ទាប់ពី Rachel Gupta ខកខានក្នុងការបំពេញភារកិច្ច ដែលបានកំណត់របស់នាង ការចូលរួមនៅក្នុងគម្រោងខាងក្រៅ ដោយគ្មានការយល់ព្រមជាមុនពីអង្គការ និងការបដិសេធរបស់នាងក្នុងការចូលរួមក្នុងការធ្វើដំណើរ ដែលបានគ្រោងទុកទៅកាន់ប្រទេសហ្គាតេម៉ាឡា។
ជាលទ្ធផល Miss Grand International organization បានសម្រេចដកតំណែង Rachel Gupta ជាបន្ទាន់។ កញ្ញា Rachel Gupta លែងត្រូវបានអនុញ្ញាតឱ្យប្រើងារ ឬពាក់មកុដដែលពាក់ព័ន្ធនឹង Miss Grand International 2024 ទៀតហើយ។ Miss Grand International ក៏បានស្នើសុំឱ្យ Rachel Gupta ប្រគល់មកុដទៅការិយាល័យកណ្តាល MGI ក្នុងរយៈពេល 30 ថ្ងៃ គិតចាប់ពីថ្ងៃជូនដំណឹងនេះ។
ភ្លាមៗ ជាការឆ្លើយតប បវរកញ្ញា Rachel Gupta ក៏បានបង្ហោះសារជាការប្រកាសថា ខ្លួនសុំប្រគល់មកុដជូន MGI វិញ និងលាលែងពីតំណែង Miss Grand International 2024 របស់ខ្លួនផងដែរ។
