By រាជធានីភ្នំពេញ ៖ សពបុរសម្នាក់មានលក្ខណៈហើយស្អុយទៅហើយត្រូវបានគេប្រទះឃើញអណ្តែត ទឹកទន្លេសាបទៅខាងត្បូងស្ពានខ្សែកាបឬស្សី កែវ ក្នុងភូមិឃ្លងសង សង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ។
ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង៥និង៣០នាទី ព្រឹកថ្ងៃទី ២៨ ខែឧសភាឆ្នាំ ២០២៥ហើយនគរបាលមូលដ្ឋានក៏បានរាយការណ៍ទៅសមត្ថកិច្ចជំនាញដើម្បីចុះត្រួតពិនិត្យ។
បុរសរូបនោះភ្លាមៗពុំទាន់ស្គាល់អត្តសញ្ញាណនៅឡើយស្លៀកខោជើងវែងពណ៌ត្រេអ៊ីនិងអាវពណ៌ខ្មៅមានរូបតុក្កតា។
តាមព័ត៌មានឱ្យដឹងថា នៅវេលាព្រឹកព្រលឹមស្រាងៗមានទូកនេសាទធ្វើដំណើរឆ្លងកាត់ក៏បានប្រទះឃើញសាកសពបុរសម្នាក់ខាងលើអណ្តែមាត់ច្រាំងរួចក៏រាយការណ៍ទៅសមត្ថកិច្ចដើម្បីចុះទៅត្រួតពិនិត្យ។
ទោះបីជាយ៉ាងណាគេពុំទាន់ដឹងថា បុរសរូបនោះស្លាប់ដោយសារមូលហេតុអ្វីពិតប្រាកដនៅឡើយ ។ គេមានការសង្ស័យជាជំហានដំបូងថា បុរសរូបនោះអាចស្លាប់ដោយសារលង់ទឹកឬក៏លោតទឹកពីលើស្ពានខ្សែកាបឬស្សីកែវ កែវនៅពេលយប់ជ្រៅហើយសពក៏បានផុសអណ្ដែតឡើង ៕
