By នាយករដ្ឋមន្ត្រីកម្ពុជា បាននិយាយនៅទីក្រុងតូក្យូប្រទេសជប៉ុនថា កម្ពុជាកំពុងតែពង្រីកគោលដៅទីផ្សារផលិតផលកម្ពុជា ដើម្បីជាការឆ្លើយតបទៅនឹងបញ្ហាដែលអាចកើតមាន ពីបញ្ហាពន្ធដែលប្រកាសដោយអាមេរិក ។
សម្តេច ហ៊ុន ម៉ាណែត បាននិយាយថា កម្ពុជាបានឃើញពីផលប៉ះពាល់នេះ ហើយរដ្ឋាភិបាលត្រៀមជាស្រេច ដើម្បីដោះស្រាយបញ្ហាដែលកើតមាន ។
សម្តេចធិបតី ថ្លែងបែបនេះនៅក្នុងវេទិកា «អនាគតនៃអាស៊ី» កាលពីព្រឹកថ្ងៃ៣០ ខែឧសភា ។ អាមេរិក បានគំរាមដាក់ពន្ធដល់ទំនិញកម្ពុជា រហូតដល់៤៩ភាគរយ ដោយទុកពេល៩០ថ្ងៃ សម្រាប់ការចរចា ។
ដោយសារ អាមេរិកជាទីផ្សារធំនោះ រនាំងពន្ធធ្វើអោយមានការព្រួយបារម្ភថា ទំនិញកម្ពុជាអាចនឹងពិបាកចូលទីផ្សារអាមេរិក បើសិនជារឿងពន្ធនេះមិនបានដោះស្រាយទេនោះ ។ ដូច្នេះការពង្រីកទីផ្សារ គឺជាការចាំបាច់មួយ ៕
