By តូក្យូ ៖ ប្រមុខនាយករដ្ឋមន្ត្រីកម្ពុជា-ជប៉ុន បានប្ដេជ្ញាចិត្តដើម្បីបន្តជំរុញ នូវកិច្ចសហប្រតិបត្តិការរវាងប្រទេសយើងទាំងពីរ លើគ្រប់វិស័យ ។
យោងតាមបណ្តាញសង្គមរបស់សម្តេចបវរធិបតី នៅថ្ងៃទី៣០ ខែឧសភា ឆ្នាំ២០២៥ មានខ្លឹមសារយ៉ាងដូច្នេះថា ៖ “
ថ្ងៃនេះខ្ញុំបានជួបប្រជុំទ្វេភាគីជាមួយឯកឧត្តម Ishiba Shigeru នាយករដ្ឋមន្ត្រីជប៉ុន ក្នុងដំណើរទស្សនកិច្ចផ្លូវការរបស់ខ្ញុំមកកាន់ប្រទេសជប៉ុន” ។
សម្តេចបានលើកឡើងថា ជប៉ុនគឺជាមិត្តចាស់របស់កម្ពុជា ដែលបានចូលរួមចំណែកយ៉ាងសកម្មនៅក្នុងការស្វែងរកសន្តិភាពនៅកម្ពុជា ក៏ដូចជាការជួយគាំទ្រដល់ការអភិវឌ្ឍន៍ប្រទេសកម្ពុជាក្រោយការបញ្ចប់សង្គ្រាម ។
សម្តេចបានគូសបញ្ជាក់ថា ៖ “ក្នុងជំនួបផ្លូវការនេះ ខ្ញុំនិងឯកឧត្តមនាយករដ្ឋមន្ត្រីជប៉ុនបានប្ដេជ្ញាចិត្ត ដើម្បីបន្តជំរុញនូវកិច្ចសហប្រតិបត្តិការរវាងប្រទេសយើងទាំងពីរ លើគ្រប់វិស័យ ដើម្បីជាឧត្តមប្រយោជន៍សម្រាប់ជាតិ និងប្រជាជនយើងទាំងពីរកម្ពុជា-ជប៉ុន” ៕
