By ថៃ ៖ សារព័ត៌មានថៃ PBS World និង Khaosod ចុះផ្សាយ នៅថ្ងៃទី២ ខែមិថុនា ឆ្នាំ២០២៥ ដោយបានរាយការណ៍ថា មានហេតុការណ៍វា.យប្រហារចំនួន២ បានកើតឡើងផ្ទួនៗ ២ថ្ងៃជាប់គ្នា នាតំបន់ភាគខាងត្បូងប្រទេសថៃ ដែលបណ្តាលឱ្យមនុស្សយ៉ាងហោចណាស់ ២នាក់ស្លា.ប់ និង៤នាក់ទៀតរងរបួសធ្ងន់ស្រាល ។
សេចក្តីរាយការណ៍ពីខេត្តប៉ាត់តានី នៅថ្ងៃច័ន្ទនេះបានឱ្យដឹងថា នាវេលាម៉ោងប្រហែល៩និង៣០នាទីព្រឹក មានករណីបង្កប់ និងបំផ្ទុះគ្រា.ប់បែកវា.យប្រហារសំដៅទៅលើរថយន្តដឹកមន្ត្រីយោធាថៃមួយគ្រឿង ដែលកំពុងធ្វើដំណើរឆ្លងកាត់ លើកំណាត់ផ្លូវលេខ៤១៥៧ នៅក្នុងតំបន់បានណាប្រាវ ក្នុងភូមិលេខ២ ឃុំប៉ាណារ៉េ ស្រុកប៉ាណារ៉េ ខេត្តប៉ាតានី ។
ទិដ្ឋភាពពីកន្លែងកើតហេតុ គេបានឃើញរណ្ដៅដីធំមួយ នៅលើផ្លូវ ហើយមានសំបកគ្រា.ប់រាយប៉ាយ នៅជុំវិញតំបន់នោះ ខណៈរថយន្តរ បស់មន្ត្រីយោធាបានក្រឡា.ប់នៅក្នុងព្រៃក្បែរផ្លូវ រងការខូចខាតយ៉ាងដំណំ ក្នុងនោះមានទាហានថៃម្នាក់បានស្លា.ប់ និង៤នាក់ផ្សេងទៀតបានរបួស ហើយក្នុងចំណោមអ្នករបួសក៏មានអ្នកភូមិម្នាក់ផងដែរ ដែលគាត់បានអ្នកបើករថយន្តឆ្លងកាត់ទីតាំងនោះចំពេលដែលគ្រា.ប់បែកផ្ទុះ បណ្តាលឱ្យរថយន្តរបស់គាត់បុ.កគ្នា ជាមួយរថយន្តដឹកទាហាន ។
តាមការស៊ើបអង្កេត មន្ត្រីដែលស្លា.ប់ និងរបួសត្រូវគេបញ្ជាក់អត្តសញ្ញាណថា ជាមន្ត្រីកងពលពិសេសនៃវរសេនាតូចលេខ៤២១៤ ដែលទើបតែត្រឡប់មកពីបំពេញបេសកកម្មក្នុងកម្មវិធីមួយ នៅក្នុងស្រុក ស្រុកប៉ាណារ៉េ ខេត្តប៉ាតានី ដោយពួកគេមានឈ្មោះ ៖ ១.ឈ្មោះ អេភិច ផាផាន ភេទប្រុស អាយុ៣៩ឆ្នាំ របួសធ្ងន់ ក្រោយមកបានស្លា.ប់ ។ ២. លោក Zulkefli Maiding អាយុ៤៥ឆ្នាំ របួសធ្ងន់ ។ ៣.លោក Pride Yusoh អាយុ៣៣ឆ្នាំ របួស ។ ៤. លោក Masufi Waeteh អាយុ២៨ឆ្នាំ រងរបួស ។ ៥.លោក Masofi Poha ជាអ្នកភូមិ ភ្លាមៗនោះសមត្ថកិច្ចជំនាញបានបិទផ្លូវដើម្បីការពារមិនឲ្យជនមិនពាក់ព័ន្ធចូលទៅកន្លែងកើតហេតុ ដើម្បីបើកការស៊ើបអង្កេត និងការពារជៀសវាងកើតមានការលបវា.យប្រហារទៅលើមន្ត្រីជាថ្មីទៀត។
គួររំលឹកថា កាលពីថ្ងៃទី០១ ខែមិថុនា ក៏មានហេតុការណ៍វា.យប្រការដោយការបំផ្ទុះគ្រា.ប់បែ.ក មួយករណីផ្សេងទៀតផងដែរ នៅខេត្ត ណារ៉ាធីវ៉ាត់ ដែលស្ថិតនៅក្នុងភូមិលេខ៦ ឃុំស៊ូវ៉ារី ស្រុករ៉េសូ ប៉ុន្តែអ្វីដែលគួរអោយកត់សម្គាល់នោះ មកដល់ពេលយប់ម្សិលមិញនេះ នៅពេលដែលកម្លាំងសន្តិសុខត្រូវបានដាក់ពង្រាយ ដើម្បីបិទផ្លូវជុំវិញតំបន់កើតហេតុដើម្បីសម្រួលឱ្យក្រុមកម្ចាត់គ្រា.ប់បែក និងប៉ូលិស កោសល្យវិច្ច័យ បើកការស៊ើបអង្កេតនោះ ស្រាប់តែមានជនដៃដល់មួយក្រុមនាំគ្នាជិះម៉ូតូចេញពីចម្ការកៅស៊ូ លបលួចឆ្ម.ក់ដោយបើកការបា.ញ់ប្រហារមកលើក្រុមមន្ត្រីដែលកំពុងធ្វើការនៅកន្លែងកើតហេតុ ដែលបណ្តាលឱ្យសមាជិកកងការពារស្ម័គ្រចិត្តប្រចាំស្រុកម្នាក់ ត្រូវបានគេបា.ញ់សម្លា.ប់៕
