By ខេត្តបន្ទាយមានជ័យ ៖ កម្លាំងកងរាជអាវុធហត្ថឃាត់ខ្លួនជនសង្ស័យជាស្ត្រីម្នាក់ពីបទធ្វើសកម្មភាពយកលុយចំនួន១.០០០ដុល្លាដែលម្ចាស់បាញ់ច្រឡំមិនព្រមអោយវិញត្រូវបានបញ្ជូនទៅសាលាដំបូងខេត្តបន្ទាយមានជ័យនៅថ្ងៃទី០៣ ខែមិថុនា ឆ្នាំ២០២៥។
លោកវរៈសេនីយ៍ត្រី សុខ ឡេង មេបញ្ជាការកងរាជអាវុធហត្ថក្រុងសិរីសោភ័ណបានប្រាប់ថា៖ជនសង្ស័យមានឈ្មោះ យុន ស៊ីវមិញ ភេទស្រីអាយុ៣២ឆ្នាំរស់នៅភូមិតារាងបាល់ សង្កាត់កំពង់ស្វាយ ក្រុងសិរីសោភ័ណ។
លោកបានបញ្ជាក់ថា៖ក្រោយទទួលពាក្យបណ្តឹងឈ្មោះ រី ណា ភេទស្រីអាយុ៣៦ឆ្នាំរស់នៅភូមិខ្លាកូនថ្មី សង្កាត់កំពង់ស្វាយ ក្រុងសិរីសោភ័ណ បានប្តឹងឈ្មោះ យុន ស៊ីវមិញ បានធ្វើសកម្មភាពយកលុយចំនួន១.០០០ដុល្លារ តាមរយៈប្រព័ន្ធQR អោយទៅឈ្មោះ SIV MINH YUN ដែលបាញ់អោយថ្លៃម៉ូតូឌុបចំនួន១.០០០រៀល តែច្រឡំបាញ់ដល់១.០០០ដុល្លារ មិនព្រមប្រគល់អោយម្ចាស់លុយវិញ ក៏ប្តឹងឱ្យឃាត់ខ្លួនកាលពីថ្ងៃទី២៩ ខែឧសភា ឆ្នាំ២០២៥នៅចំណុចភូមិតារាងបាល់ សង្កាត់កំពង់ស្វាយ ក្រុងសិរីសោភ័ណ។
លោកវរៈសេនីយ៍ត្រី សុខ ឡេង បានបញ្ជាក់ថា៖ក្រោយឃាត់ខ្លួនជនសង្ស័យម្នាក់ត្រូវបានបញ្ជូនសាកសួរនៅទីបញ្ជាការមូលដ្ឋានកងរាជអាវុធហត្ថក្រុងសិរីសោភ័ណ តាមចម្លើយសារភាពខ្លួនពិតបានទទួល១.០០០ដុល្លាដែលម្ចាស់បាញ់ច្រឡំ ហើយមានអោយវិញត្រូវបានកម្លាំងសមត្តកិច្ចឃាត់ខ្លួនកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យអនុវត្តន៍តាមច្បាប់៕
