By អគ្គស្នងការដ្ឋាននគរបាលជាតិអះអាងថា បទល្មើសព្រហ្មទណ្ឌមានការថយចុះជាង២០០ករណី នៅ៤ខែដើមឆ្នាំ២០២៥នេះធៀបនឹងឆ្នាំ២០២៤ ។ ដូច្នេះយើងសង្ឃឹមថា នៅពេលអនាគតដ៏ខ្លីកម្ពុជា ពិតជាអាចរំដោះអារម្មណ៍នៃការព្រួយបារម្ភរឿងសន្តិសុខនៅក្នុងចំណោមប្រជាពលរដ្ឋបាននៅក្នុងពេលឆាប់ៗខាងមុខ ។
មកដល់ពេលនេះ ការព្រួយបារម្ភនៅក្នុងចិត្តអំពីបញ្ហាសន្តិសុខ និងសុវត្ថិភាពលើបញ្ហាឧក្រិ.ដ្ឋកម្មផ្សេងៗ គឺនៅតែមានជាប់ជានិច្ចនៅក្នុងចិត្ត និងអារម្មណ៍របស់ពលរដ្ឋ គ្រាន់តែតិច និងច្រើនប៉ុណ្ណោះ ។ ប៉ុន្តែប្រសិនបើនិន្នាការដោយសមត្ថកិច្ចជំនាញកាន់តែប្រសើរពលរដ្ឋក៏កាន់តែមានទំនុកចិត្ត ហើយយើងរំពឹងថា វានឹងកាត់ចេញពីក្តីបារម្ភរបស់ពលរដ្ឋ ។
នៅពេលពលរដ្ឋចេញពីផ្ទះចាក់សោរទៅធ្វើការ ឬធ្វើដំណើរចេញឆ្ងាយពីផ្ទះអ្វីដែលពលរដ្ឋបារម្ភ គឺរឿងចោរគាស់ផ្ទះ ។ ពេលជិះម៉ូតូទៅបំពេញការងាររកស៊ីហើយទុកវាពលរដ្ឋបារម្ភរឿងចោរកា.ច់កម៉ូតូ ។ បើជិះឡាន ពួកគេបារម្ភរឿងចោរកា.ច់កញ្ចក់ ឬឆ្កឹះទ្វារលួចរបស់នេះរបស់នោះ ។ សូម្បីតែពេលនៅផ្ទះ ជាពិសេសពេលរាត្រី ពួកគេបារម្ភរឿងចោរឡើងផ្ទះលួចនេះលួចនោះ ដូចជា លួចទូរស័ព្ទ និងកាបូបលុយ ហើយពេលធ្វើដំណើរបារម្ភរឿងចោរឆ.ក់ ។ ដល់ពេលធ្វើដំណើរពេលរាត្រី រាងយប់ជ្រៅបន្តិច គេខ្លាចក្រុមជនបងតូចបងធំ គាបស៊ី ។ ពេលខ្លះសូម្បីតែពេលហូបចុកផឹកស៊ីក៏ភ័យដែរពីព្រោះខ្លាចជនស្រវឹងមានអាវុ.ធបា.ញ់ផ្តេសផ្តាស់ ។
បញ្ហាអសកម្មខាងលើនេះ ថមថយមែន ប៉ុន្តែវានៅតែមាន។ ដូច្នេះ សមត្ថកិច្ចនិងកងកម្លាំងប្រដាប់អាវុធដែលមានភារកិច្ចស្នូលនិងតួនាទីទទួលខុសត្រូវ លើបញ្ហានេះត្រូវបន្តយកចិត្តទុកដាក់បន្ថែមទៀត។
សូមចូលរួមអបអរហើយពិតជារីករាយ នៅពេលដែលយើងបានអានរបាយការណ៍ដែលចុះផ្សាយ នៅលើបណ្តាញសង្គមរបស់អគ្គស្នងការដ្ឋាននគរបានជាតិដែលបានអះអាងថា ក្នុងរយៈពេល៤ខែដើម ឆ្នាំ២០២៥នេះ សមត្ថកិច្ចក្រសួងមហាផ្ទៃបានបង្ក្រាបបទល្មើសព្រហ្មទណ្ឌចំនួន៨៨៦លើក ។ ចំនួននេះ បើធៀបនឹងរយៈពេលដូចគ្នា ឆ្នាំ២០២៤ បានថយចុះចំនួន២៦៦លើក ស្មើនឹងជាង ២៣,០៩ភាគរយ ហើយធៀបនឹងរយៈពេលដដែលនាឆ្នាំ២០២៤ ។
ប្រភពដែលបានលើកឡើងថា ពាក់ព័ន្ធនឹងរបាយការណ៍នេះ អ្នកនាំពាក្យរងក្រសួងមហាផ្ទៃ គឺលោក ទូច សុឃៈ បានឱ្យដឹងថា បទល្មើសឧក្រិ.ដ្ឋបានថយចុះចំនួន២៩លើក និងបទល្មើសមជ្ឈិមបានថយចុះចំនួន២៣៧លើក ។
អ្នកនាំពាក្យ បានឱ្យដឹងទៀតថា បទល្មើសថយចុះទាំងនោះមានជាអាទិ៍ ករណីលួចមានស្ថានទម្ងន់ រំលោ.ភសេពសន្ថវៈបង្ខាំងមនុស្សជំរិតទារប្រាក់ លួច ឆ.ក់ មនុស្សឃា.តដោយអចេតនាអំពើហិ.ង្សាក្នុងគ្រួសារ ឆបោក រំលោ.ភលើទំនុកចិត្ត និងប្រើអាវុធខុសច្បាប់ជាដើម ។ លោកបានបន្តថា ការបង្ក្រាបបទល្មើសព្រហ្មទណ្ឌប្រកបដោយប្រសិទ្ធភាព ជាទិសដៅ១ ក្នុងចំណោមទិសដៅអាទិភាពចំនួន៦ ដែលលោក ស សុខា ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ បានដៅបង្កើនការយកចិត្តទុកដាក់អនុវត្តន៍ ចាប់ពីដើមនីតិកាលទី៧ មក ។
លោកបានបន្តថា ក្រសួងមហាផ្ទៃ ក្នុងនាមជាសេនាធិការជូនរាជរដ្ឋាភិបាល ក្រោមការដឹកនាំរបស់សម្ដេចធិបតី ហ៊ុន ម៉ាណែត ក៏បានជំរុញ និងតាមដានជាប់ជាប្រចាំនូវចលនាអនុវត្តន៍គោលនយោបាយភូមិ-ឃុំ-សង្កាត់មានសុវត្ថិភាពដើម្បីធានាផ្ដល់ភាពកក់ក្ដៅជូនប្រជាពលរដ្ឋ ។
កាលពីឆ្នាំទៅរឿងចរាចរណ៍ឃើញថា មានសញ្ញាវិជ្ជមានហើយដោយកាលពីឆ្នាំមុនមានរបាយការណ៍ថា មានការថយចុះ ។ ដូច្នេះប្រសិនបើឆ្នាំនេះ សមត្ថកិច្ច បន្តពង្រឹងការអនុវត្តច្បាប់ឲ្យបានត្រឹមត្រូវ ហើយគ្រោះថ្នាក់ចរាចរណ៍បន្តថយ ហើយឧក្រិ.ដ្ឋកម្ម ជាពិសេស គឺបទល្មើសព្រហ្មទណ្ឌបន្តថយចុះ ដូចជា ពេល៤ខែដើមឆ្នាំ ហើយបទល្មើសគ្រឿងញៀ.នក៏ថយនោះរឿងសន្តិសុខនឹងកាន់តែប្រសើរ ។
ដូច្នេះ ពលរដ្ឋក៏កាន់តែស្ងប់ចិត្ត និងមានអារម្មណ៍កាន់តែមានសុវត្ថិភាពថែមទៀត ។ ចំណែករដ្ឋាភិបាលក៏កាន់តែទទួលការគាំទ្រពីប្រជាជន ៕
