By (រាជធានីភ្នំពេញ)៖ កាលពីថ្ងៃទី ១០ ខែមិថុនា ឆ្នាំ ២០២៥ ក្រុមការងារព័ត៌មាន និងប្រតិកម្មរហ័ស ស្នងការដ្ឋាននគរបាលរាជធានីភ្នំពេញ បានបញ្ជាក់ ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បន្តឧបត្ថម្ភថវិកា ២លានរៀល លើកទឹកចិត្តដល់កម្លាំងជំនាញនៃអធិការដ្ឋាននគរបាលខណ្ឌ៧មករា ដែលបានបង្រ្កាបជនសង្ស័យចំនួន ៣នាក់ ករណីឆក់ទូរស័ព្ទ។
ក្រុមការងារព័ត៌មាន និងប្រតិកម្មរហ័ស ស្នងការដ្ឋាននគរបាលរាជធានីភ្នំពេញ បានឱ្យដឹងបន្ថែមថា ឯកឧត្តម ឧត្តមសេនីយ៍ឯក ជួន ណារិន្ទ បន្តឧបត្ថម្ភថវិកា ២លានរៀល លើកទឹកចិត្តដល់កម្លាំងជំនាញនៃអធិការដ្ឋាននគរបាលខណ្ឌ៧មករា ដែលបានបង្រ្កាបជនសង្ស័យ ៣នាក់ ក្នុងករណីឆក់ទូរស័ព្ទ។
កម្លាំងជំនាញនៃអធិការដ្ឋាននគរបាលខណ្ឌ៧មករាកដឹកនាំបញ្ជាផ្ទាល់ដោយលោកវរសេនីយ៍ទោ ជុន ប៊ុនណាន អធិការនគរបាលខណ្ឌ៧មករា នៅថ្ងៃទី ១០ ខែមិថុនា ឆ្នាំ ២០២៥ វេលាម៉ោង ១៣:៤៥នាទីរសៀល បានបង្រ្កាបបានជនសង្ស័យ៣នាក់ ដែលបានធ្វើសកម្មភាពឆក់ទូរស័ព្ទដៃប្រជាពលរដ្ឋ នៅចំណុចមុខស្តាតអូឡាំពិក ស្ថិតក្នុងភូមិ៧ សង្កាត់វាលវង់ ខណ្ឌ៧មករា រាជធានីភ្នំពេញ។
ចំពោះជនសង្ស័យទាំង ៣នាក់ មានឈ្មោះដូចខាងក្រោម៖
១-ហោ វណ្ណ ហៅ ពេជ្រ ភេទប្រុស អាយុ ១៧ឆ្នាំ
២-សុខ ខេង ហៅ ហេង ភេទប្រុស អាយុ ១៨ឆ្នាំ
៣-មាស សុវណ្ណរ័ត្ន ភេទប្រុស អាយុ ១៨ឆ្នាំ
ដោយឡែកជនសង្ស័យទាំង ៣នាក់ ខាងលើ ជាមុខសញ្ញាចាស់ ធ្លាប់ជាប់ពន្ធនាគារ និងបានធ្វើសកម្មភាពឆក់ចំនួន ៨ករណី ៖
– ៧មករា ០៣ ករណី
– ដូនពេញ ០១ ករណី
– ទួលគោក ០២ ករណី
– ចំការមន ០១ ករណី
– ឬស្សីកែវ ០១ ករណី ។
+វត្ថុតាងដកហូតបានរួមមាន ៖
– ទូរស័ព្ទដៃចំនួន ០៤ គ្រឿង
– Ipad ០១ គ្រឿង
– ម៉ូតូ ០២ គ្រឿង (មធ្យោបាយធ្វើសកម្មភាព)។
បច្ចុប្បន្ន ជនសង្ស័យខាងលើ កំពុងឃាត់ខ្លួននៅអធិការដ្ឋានខណ្ឌ៧មករា ដើម្បីកសាងសំណុំរឿងបញ្ជូនទៅកាន់សាលាដំបូង ដើម្បីអនុវត្តតាមនិតិវិធី៕
ប្រភព៖ ក្រុមការងារព័ត៌មាន និងប្រតិកម្មរហ័ស ស្នងការដ្ឋាននគរបាលរាជធានីភ្នំពេញ
