By ខេត្តកោះកុង ៖ ក្រុងខេមរភូមិន្ទ ជាតំបន់មួយជាប់នឹងមាត់សមុទ្រដូចខេត្ត៣ទៀតដែរ គឺខេត្តព្រះសីហនុ ខេត្តកំពត និងខេត្តកែប ដែលសុទ្ធសឹងតែមានភ្លៀងធ្លាក់ជាបន្តបន្ទាប់ឥតឈប់ឈរ នារដូវវស្សានេះ ។
ដោយឡែក ខេត្តកោះកុងក្នុងរដូវវស្សាឆ្នាំនេះ អាកាសធាតុមានលក្ខណៈខុសប្លែកពីឆ្នាំមុនៗ ដោយសារមានភ្លៀងធ្លាក់ស្ទើរតែគ្មានពន្លឺថ្ងៃ និងលាយឡំដោយខ្យល់កន្ត្រាក់ ធ្វើឱ្យលំនៅឋាន តូបលក់ដូរ និងដើមឈើនៅតាមតំបន់ឆ្នេរ ប៉ើង និងដួលរលំជាបន្តបន្ទាប់គួរឱ្យកត់សម្គាល់ ។
នៅតាមបណ្តោយឆ្នេរបាក់ខ្លងក្នុងរដូវវស្សាឆ្នាំនេះ ភ្ញៀវទេសចរមានការកើនឡើងច្រើនជាងឆ្នាំកន្លងទៅ ប៉ុន្តែកត្តាអាកាសធាតុឆ្នាំនេះក៏មានការប្រែប្រួលខុសប្លែកដែរ គឺមានភ្លៀងច្រើនលាយឡំដោយខ្យល់បក់បោកខ្លាំងជាងឆ្នាំមុន បង្កការរំខានដល់ភ្ញៀវទេសចរ ក្នុងការទៅលេងកម្សាន្តតាមឆ្នេរ ។
មិនតែប៉ុណ្ណោះ ធ្វើឱ្យការលក់ដូររបស់បងប្អូនអាជីវករនៅតាមតំបន់ឆ្នេរ បាក់ខ្លង ប្រឈមនឹងការខាតបង់ប្រាក់ចំណូលខ្ពស់ហួសពីការរំពឹងទុក ។ ដោយឡែក នៅក្រុងខេមរភូមិន្ទដែលស្ថិតនៅមិនឆ្ងាយប៉ុន្មានពីឆ្នេរបាក់ខ្លង បងប្អូនប្រជាពលរដ្ឋក៏បានលើកឡើងស្រដៀងគ្នានឹងអ្នកលក់ដូរម្ហូបគ្រឿងសមុទ្រតាមតំបន់ឆ្នេរដែរ គឺគឺបញ្ហាភ្លៀងលាយជាមួយខ្យល់កន្ត្រាក់ ខ្លាំងជាងឆ្នាំមុនៗ ។
ពេលនេះ ជំនន់ទឹកភ្លៀងបានជន់លិចក្រុងខេមរភូមិន្ទ មិនខុសពីខែមុន ដែលក្រុងប៉ោយប៉ែតបានជន់លិចដោយទឹកភ្លៀងនោះទេ ៕
