By ខេត្តប៉ៃលិន ៖ ថ្ងៃទី២៥ ខែមិថុនា ឆ្នាំ២០២៥ ចាប់ពីម៉ោង ៩៖០០នាទី រហូតដល់ម៉ោង ៤៖០០នាទីល្ងាច នៅច្រកទ្វារព្រំដែនអន្តរជាតិព្រំ ខេត្តប៉ៃលិន ដែលឈមនឹងច្រកបានផាកាត ខេត្តចាន់បុរី ប្រទេសថៃ ភាគីទាំងពីរ បានបន្តអនុញ្ញាតឱ្យប្រជាពលរដ្ឋត្រឡប់ចូលប្រទេសវិញរៀងៗខ្លួន ។
ហើយនៅរសៀលថ្ងៃទី២៥ ខែមិថុនា ឆ្នាំ២០២៥ លោកស្រី បាន ស្រីមុំ អភិបាល នៃគណៈអភិបាលខេត្តប៉ៃលិន បានអញ្ជើញសំណេះសំណាលសួរសុខទុក្ខ និងជូនដំណើរបងប្អូនពលករខ្មែរ ដែលមកពីប្រទេសថៃ តាមច្រកទ្វារព្រំដែនអន្តរជាតិព្រំ ខេត្តប៉ៃលិន ត្រលប់ ទៅស្រុកកំណើតវិញ តាមរយៈរថយន្តក្រុងរបស់រដ្ឋបាលខេត្ត ដោយឥតគិតថ្លៃ ៕
