By កំពង់ស្ពឺ៖ ស្នងការដ្ឋាននគរបាលខេត្តកំពង់ស្ពឺ បានឲ្យដឹងថា អនុវត្តតាមបទបញ្ជាផ្ទាល់ លោកឧត្ដមសេនីយ៍ទោ ឃឹម សុកខៃ ស្នងការ នៃស្នងការដ្ឋាននគរបាលខេត្តកំពង់ស្ពឺ លេីវិធានការបង្ការទប់ស្កាត់បង្រ្កាបបទល្មើសគ្រប់ប្រភេទ ពិសេសក្រុមក្មេងទំនើង ដែលបង្កការអុកឡុកក្នុងមូលដ្ឋានប៉ះពាល់សណ្ដាប់ធ្នាប់សាធារណៈនិងសុវត្ថិភាពសង្គម ជាក់ស្ដែងនៅយប់ថ្ងៃសៅរ៍ ៣កើត ខែអាសាឍ ឆ្នាំម្សាញ់ សប្តស័ក ព.ស. ២៥៦៩ត្រូវនឹង ថ្ងៃទី២៨ ខែមិថុនា ឆ្នាំ២០២៥ នៅមុខសណ្ឋាគារកំពង់ស្ពឺ ស៊ីធី (មាត់ស្ទឹងព្រែកត្នោត) ភូមិពាណិជ្ជកម្ម សង្កាត់រកាធំ ក្រុងច្បារមន កម្លាំងការិយាល័យនគរបាលព្រហ្មទណ្ឌស្រាល ដឹកនាំដោយ ឧត្ដមសេនីយ៍ត្រី រស់រដ្ឋា ស្នងការរង បានដឹកនាំកំលាំងចុះល្បាតឃើញក្មេងទំនើងមួយក្រុមនៅប្រមួលផ្តុំមិនចូលផ្ទះ នៅវេលាម៉ោងពាក់កណ្ដាលរាត្រីជិតឈានចូលថ្ងៃទី២៩ ខែមិថុនា ឆ្នាំ២០២៥ សមត្ថកិច្ចបានឃាត់សាកសួរ។
ជាលទ្ធផលទទួលបានចម្លេីយថា ពួកខ្លួនទាំង៩នាក់ ជាក្រុម WTY ( WAT TMEY K’NHEY JAS ) ប្រចាំខេត្ដកំពង់ស្ពឺ ក្នុងនោះរួមមាន ៖ ( ១) ឈ្មោះស្រួន សិទ្ធិ ភេទប្រុស អាយុ១៧ឆ្នាំមុខរបរសិស្សរស់នៅភូមិរំលោងប្រឃ្លះ សង្កាត់សុព័រទេព ក្រុងច្បារមន (២) ឈ្មោះ គី បញ្ញាសិទ្ធ ភេទប្រុស អាយុ១៧ឆ្នាំ មុខរបរសិស្សរស់នៅភូមិពាណិជ្ជកម្ម សង្កាត់រការធំ ក្រុងច្បារមន (៣) ឈ្មោះ ម៉ន ពុទ្ធា ភេទប្រុសអាយុ១៦ឆ្នាំ មុខរបរធ្វើការរោងចក្រ រស់នៅភូមិរការធំ សង្កាត់រការធំ ក្រុងច្បារមន (៤) ឈ្មោះឈុន លីហួរ ភេទប្រុសអាយុ១៧ឆ្នាំ មុខរបរ ចុងភៅ រស់នៅភូមិសំណង់ ឃុំសង្កាត់រការធំ ក្រុងច្បារមន (៥) ឈ្មោះ ចាន់ណា ណារុន ភេទប្រុស អាយុ១៦ឆ្នាំ មុខរបរ សិស្ស រស់នៅភូមិរការធំ សង្កាត់រការធំ ក្រុងច្បារមន (៦) ឈ្មោះណៃ ចាន់រស្មី ភេទប្រុ អាយុ១៥ឆ្នាំ មុខរបរសិស្ស រស់នៅភូមិរលាំងសង្កែ សង្កាត់សុព័រទេព ក្រុងច្បារមន (៧) ឈ្មោះ សេង ហេងរតនៈ ភេទប្រុស អាយុ១៥ឆ្នាំ មុខរបរសិស្ស រស់នៅភូមិព្រៃស្លឹក សង្កាត់ច្បារមន ក្រុងច្បារមន (៨) ឈ្មោះមីន យូស្មី ភេទប្រុសអាយុ១៧ឆ្នាំ មុខរបរសិស្ស រស់នៅភូមិត្រពាំងលើក សង្កាត់រការធំ ក្រុងច្បារម (៩) ឈ្មោះ ហេង លីហួរ ភេទប្រុស អាយុ១៨ឆ្នាំ មុខរបរ សិស្ស រស់នៅភូមិពាណិជ្ជកម្ម សង្កាត់រការធំ ក្រុងច្បារមន ។
ចម្លើយចេញពីមាត់សារភាពថា ពួកគេគឺ ជាក្រុម WTY ( WAT TMEY K’NHEY JAS ) កន្លងមកក្រុមនេះតែងតែធ្វេីសកម្មភាពប្រេី ប្រាស់អាវុធ ដេញកាប់គ្នារវាងក្រុមក្មេងដទៃទៀតដែលចេញមកពីក្លឹបកំសាន្តនានាក្នុងខេត្ត ឬក្មេងនិយមដាច់យប់អង្គុយតាមសួនច្បារសាធារណៈ ដែលជាបក្ចពួកឈ្មោះ ខន សំណាង ឈ្មោះ នីម ម៉េង ឡុង ដែលសមត្ថកិច្ចបានឃាត់ខ្លួនកាលពីថ្ងៃទី០៨.០៥.២០២៥ អាចបញ្ជាក់បានថាជាក្រុមសេសសល់ដែលគេចខ្លួនរួចពីសកម្មភាពកន្លងទៅ ។
យោងតាមព័ត៌មានសមត្ថកិច្ចឆែកនិងដកហូត ប្រាក់រៀលចំនួន ៦០,០០០រៀល ; ទូរស័ព្ទដៃ ០៣គ្រឿង ;ម៉ូតូ០៣គ្រឿង Scoppy ភ្នំពេញ 1KF-1280 , SUZUKI ភ្នំពេញ 1LC-7303 , Dream125cc ភ្នំពេញ 1FC-3433 បច្ចុប្បន្នក្មេងទំនើងទាំង០៩នាក់ កំពុងតែចំណាត់ការនីតិវិធីនៅ ស្នងការដ្ឋាននគរបាលខេត្តកំពង់ស្ពឺ៕ រក្សាសិទ្ធដោយ : សុទ្ធលី
