By រាជធានីភ្នំពេញ ៖ ពូបង្កើត យកកាំបិតបុ័ងតោ អាករក្មួយស្រីបង្កើតម្នាក់អាយុជាង ១០ឆ្នាំ បណ្តាលឱ្យស្លាប់មុនពេលបញ្ជូនទៅដល់មន្ទីរពេទ្យ។ ចំណែកជនសង្ស័យ បន្ទាប់ពីធ្វើសកម្មភាពរួច បានអាករខ្លួនឯង រួចលោតពីលើផ្ទះជាន់ទី០១ បណ្តាលឱ្យរងរបួសធ្ងន់ ត្រូវបានគេបញ្ជូនទៅសង្គ្រោះនៅមន្ទីរពេទ្យ ។ គួររំលឹកថា ឪពុកមាប្រល័យជីវិតក្មួ.យបង្កើតរួច ផ្តាច់សង្ខារខ្លួនឯងតាមក្រោយ
ហេតុការណ៍នេះបង្កភ្ញាក់ផ្អើលកាលពីវេលាម៉ោង១រសៀលថ្ងៃទី១ ខែកក្កដា ឆ្នាំ២០២៥ នៅចំណុចភូមិ ១៥ សង្កាត់ស្រះចក ខណ្ឌដូនពេញ រាជធានីភ្នំពេញ ។
កុមារីរងគ្រោះឈ្មោះ នុត កូនស្រី អាយុជាង ១០ឆ្នាំជាង ជាសិស្សរៀនថ្នាក់ទី០៣ ។
បើតាមការបញ្ជាក់ពីប្រជាពលរដ្ឋបានអោយដឹងថា ជនដៃដល់ ដើរក្រៅមករួចបានឡើងទៅលើផ្ទះ រួចយកអាសនៈចុះមកក្រោម ហើយបានដុតធូប នឹងមានចាក់ភ្លេងពិណពាទ្យចំនួន០៣បទ។ លុះពេលចប់ភ្លេងពិណពាទ្យចំនួន០៣បទ ជនដៃដល់បានរត់ទៅចាប់ក្មួយស្រី អូសឡើងទៅលើផ្ទះ រួចធើ្វសកម្មភាព អាករក្មួយស្រីបង្កើតអាយុប្រហែល១០ឆ្នាំជាង ។ ចំណែកម្ដាយក្មេងស្រីបានឡើងទៅតាមក្រោយ ក៏ត្រូវជនដៃដល់កាប់ត្រូវដៃរងរបួសស្រាល ។ ភ្លាមៗ ជនដៃដល់បានធើ្វសកម្មភាពយក កាំបិតបុ័ងតោ អាករខ្លួនឯងនឹងយកពូថៅវាយក្បាលខ្លួនបន្ថែម រួចលោតចុះមកក្រោយដើម្បីសម្លាប់ខ្លួនបណ្ដាលឲ្យរងរបួសធ្ងន់ បញ្ជូនទៅមន្ទីរពេទ្យ ។ ខណៈនោះ ប្រជាពលរដ្ឋបានបាននាំគ្នាទាក់ទងហៅរថយន្តសង្គ្រោះ ដើម្បីដឹកជនរងគ្រោះយកទៅមន្ទីរពេទ្យគន្ធបុប្ផា តែជាអកុសលក្មេងស្រីរងគ្រោះបានស្លាប់បាត់ទៅហើយ ។ ចំណែកជនដៃដល់កំពុងសង្គ្រោះបន្ទាប់នៅមន្ទីរពេទ្យកាល់ម៉ែត ។
ក្រោយកើតហេតុ សមត្ថកិច្ចមូលដ្ឋានបានទាក់ទៅ នគរបាលជំនាញចក្ខុកោសល្យវិច័យ ដើម្បីមកត្រួតពិនិត្យសពផងដែរ ។ បន្ទាប់ពីត្រួតពិនិត្យរួចមក សមត្ថកិច្ចបានប្រគល់សព ជូនគ្រួសារសាច់ញ្ញាត្តិ យកទៅធ្វើបុណ្យតាមប្រពៃណី ៕
