By ភ្នំពេញ៖ ក្រុមហ៊ុនទឹកពិសា ហាយ-ធិច បានរៀបចំពិធីអបអរសាទរខួប ២៥ ឆ្នាំ ដ៏អស្ចារ្យ និងយុទ្ធនាការសប្បុរសធម៌ «១ម៉ឺនយួរ ១ម៉ឺនរៀល» ដើម្បីមូលនិធិគន្ធបុប្ផាកម្ពុជា កាលពីថ្ងៃទី ៣១ ខែតុលា ឆ្នាំ ២០២៥ នៅផ្សារទំនើប អ៊ីអនម៉ល សែនសុខ (AEON 2)។ ព្រឹត្តិការណ៍នេះបង្ហាញពីភាពជោគជ័យ និងការយកចិត្តទុកដាក់លើគុណភាពផលិតផលរបស់ក្រុមហ៊ុន អស់រយៈពេលមួយភាគបួននៃសតវត្សរ៍។
ឯកឧត្ដម ឧកញ៉ា លាង សាំង អគ្គនាយកក្រុមហ៊ុន SL HI-TECH CO,.LTD បានថ្លែងថា ក្រុមហ៊ុនបានវិលត្រឡប់ទៅកាន់ទស្សវត្សរ៍ឆ្នាំ ២០០០ វិញ តាមរយៈការនាំយកដបទឹក Retro ស៊េរីចាស់មកបង្ហាញ។ ក្រុមហ៊ុនក៏បានបរិច្ចាគថវិកា ១០០ លានរៀល ជូនមន្ទីរពេទ្យគន្ធបុប្ផា តាមរយៈការលក់ទឹកពិសា ហាយធិច ១ ម៉ឺនយួរ ដែលជាផ្នែកមួយនៃការចូលរួមចំណែកក្នុងសង្គម។
កម្មវិធីនេះប្រារព្ធធ្វើឡើងរយៈពេល ៣ ថ្ងៃ គឺចាប់ពីថ្ងៃទី ៣១ តុលា ដល់ថ្ងៃទី ២ វិច្ឆិកា ចាប់ពីម៉ោង ១០ ព្រឹក ដល់ ៩ យប់។ អ្នកចូលរួមអាចរីករាយជាមួយសកម្មភាពពិសេសៗជាច្រើន ដូចជាការជួបជាមួយសិល្បករល្បីៗ៖
* ថ្ងៃទី ៣១ តុលា៖ លោកតា ព្រហ្ម ម៉ាញ, លោក ម៉ួន ម៉ារ៉ា និងលោក ចាន់ សម័យ
* ថ្ងៃទី ០១ វិច្ឆិកា៖ លោក Kwan និងអ្នកនាង ខាត់ សុខីម (ចាប់ពីម៉ោង ៧ យប់)
* ថ្ងៃទី ០២ វិច្ឆិកា៖ តារារ៉េប Tep Piseth (ចាប់ពីម៉ោង ៧ យប់)
លើសពីនេះ ក៏មានការចែកជូនដោយឥតគិតថ្លៃ នូវស្ករកាត់រូបសត្វដ៏ស្រស់ស្អាត, ទឹកកកឈូសបែបខ្មែរនាសម័យឆ្នាំ ២០០០ និងទឹកពិសា Hi-Tech។
អ្នកចូលរួមអាចថតរូបលេងកម្សាន្តជាមួយនឹង Filter បែបឆ្នាំ ២០០០ និងមានកន្លែងផាត់រូបសម្រាប់ក្មេងៗផងដែរ។ សូមអញ្ជើញចូលរួមទាំងអស់គ្នា!
