By ភ្នំពេញ៖ គម្រោងព្រែកជីកហ្វូណនតេជោ ដែលជាសរសៃឈាមសេដ្ឋកិច្ចថ្មីរបស់កម្ពុជា កំពុងតែត្រៀមខ្លួនសម្រាប់ដំណើរការសាងសង់ប្រកបដោយមហិច្ឆតាខ្ពស់ ដោយគ្រោងនឹងសាងសង់ស្ពានឆ្លងកាត់ចំនួន ៨ កន្លែង ដើម្បីសម្រួលដល់ការធ្វើដំណើរ និងដឹកជញ្ជូនឱ្យកាន់តែមានប្រសិទ្ធភាព។
ស្ពានទាំង ៨ កន្លែងនេះ នឹងលាតសន្ធឹងឆ្លងកាត់តាមបណ្ដាខេត្តសំខាន់ៗ រួមមាន៖
១. ស្ពាននៅផ្លូវជាតិលេខ ១ ស្ថិតក្នុងស្រុកកៀនស្វាយ ខេត្តកណ្ដាល។
២. ស្ពាននៅផ្លូវលេខ ២១B ស្ថិតក្នុងស្រុកស្អាង ខេត្តកណ្ដាល។
៣. ស្ពាននៅផ្លូវលេខ ២១ ស្ថិតក្នុងស្រុកកោះធំ ខេត្តកណ្ដាល។
៤. ស្ពាននៅផ្លូវ ១TK១ ស្ថិតក្នុងស្រុកអង្គរបូរី ខេត្តតាកែវ។
៥. ស្ពាននៅផ្លូវជាតិលេខ ២ ស្ថិតក្នុងស្រុកទ្រាំង ខេត្តតាកែវ។
៦. ស្ពាននៅផ្លូវ ១៣១១B ស្ថិតក្នុងស្រុកបន្ទាយមាស ខេត្តកំពត។
៧. ស្ពាននៅផ្លូវជាតិលេខ ៣៣ ស្ថិតក្នុងស្រុកកំពង់ត្រាច ខេត្តកំពត។
៨. ស្ពាននៅផ្លូវលេខ ១៣៣២ ស្ថិតក្នុងស្រុកដំណាក់ចង្អើរ ខេត្តកែប។
ព័ត៌មានលម្អិតស្ដីពីគម្រោងសាងសង់ស្ពានទាំងនេះ ត្រូវបានផ្សព្វផ្សាយដោយអតីតរដ្ឋមន្ត្រីក្រសួងព័ត៌មាន និងបច្ចុប្បន្នជាសមាជិករដ្ឋសភា ឯកឧត្តម ខៀវ កាញារីទ្ធ។ ការសាងសង់ស្ពានទាំងនេះ នឹងរួមចំណែកយ៉ាងសំខាន់ក្នុងការសម្រួលលំហូរចរាចរណ៍ និងគាំទ្រដល់ការអភិវឌ្ឍន៍សេដ្ឋកិច្ច សង្គម តាមបណ្ដោយព្រែកជីកហ្វូណនតេជោ នាពេលអនាគត។
