កម្ពុជា រកឃើញករណីកូវីដ-១៩ សូន្យករណី ជាថ្ងៃទីពីរជាប់គ្នា! គ្មានអ្នកឆ្លង គ្មានអ្នកជាសះស្បើយ និងគ្មានអ្នកស្លាប់

ភ្នំពេញ៖ នៅថ្ងៃទី០៣ ខែវិច្ឆិកា ឆ្នាំ២០២៥ នេះ ក្រសួងសុខាភិបាលកម្ពុជា បានចេញសេចក្ដីជូនដំណឹងដ៏គួរឱ្យរីករាយ ដោយបញ្ជាក់ថា ព្រះរាជាណាចក្រកម្ពុជា ពុំមានករណីឆ្លងជំងឺកូវីដ-១៩ ថ្មី អ្នកជាសះស្បើយ ឬអ្នកស្លាប់បាត់បង់ជីវិតនោះទេ។ នេះជាដំណឹងល្អ បន្ទាប់ពីកាលពីថ្ងៃទី០២ ខែវិច្ឆិកា ឆ្នាំ២០២៥ ក៏គ្មានករណីឆ្លងថ្មី អ្នកជាសះស្បើយ និងអ្នកស្លាប់ដូចគ្នា។

លទ្ធផលវិជ្ជមាននេះ បានសបញ្ជាក់ឱ្យឃើញពីប្រសិទ្ធភាពនៃការចូលរួមរបស់បងប្អូនប្រជាពលរដ្ឋទាំងអស់ ក្នុងការអនុវត្តតាមវិធានការនានារបស់រដ្ឋាភិបាល និងក្រសួងសុខាភិបាល ជាពិសេស វិធានការ «៣កុំ ៣ការពារ»។ ក្រសួងនៅតែបន្តអំពាវនាវដល់សាធារណជនឱ្យប្រុងប្រយ័ត្នខ្ពស់ និងបន្តអនុវត្តវិធានការការពារខ្លួនជាប់ជានិច្ច ដើម្បីធានាសុវត្ថិភាពសហគមន៍ទាំងមូល។

គិតត្រឹមព្រឹកថ្ងៃទី០៣ ខែវិច្ឆិកា ឆ្នាំ២០២៥ កម្ពុជាមាន៖
– ករណីឆ្លងសរុប៖ ១៣៩,៦៥៥ នាក់
– អ្នកជាសះស្បើយសរុប៖ ១៣៦,៥៩៩ នាក់
– អ្នកស្លាប់សរុប៖ ៣,០៥៦ នាក់

ក្រសួងសុខាភិបាលតែងតែជូនដំណឹងអំពីការវិវត្តន៍នៃបញ្ហាសុខភាពសាធារណៈ តាមរយៈទំព័រហ្វេសប៊ុក និងគេហទំព័រផ្លូវការ www.cdcmoh.gov.kh ដែលជាកន្លែងផ្ដល់ព័ត៌មាន និងសម្ភារៈអប់រំសុខភាពជាច្រើន។

សម្រាប់ព័ត៌មានលម្អិតបន្ថែម ឬការសាកសួរបន្ទាន់ សូមទំនាក់ទំនងមកកាន់ទូរសព្ទទាន់ហេតុការណ៍ ១១៥ ដោយឥតគិតថ្លៃ ឬទូរស័ព្ទលេខ ០១២ ៨២៥ ៤២៤ / ០១២ ៤៨៨ ៩៨១ / ០១២ ៨៣៦ ៨៦៨។