admin

ភ្នំពេញ – អាជ្ញាធរអាកាសចរណ៍វៀតណាមបានចេញការព្រមានយ៉ាងធ្ងន់ធ្ងរទៅកាន់ឧស្សាហកម្មអាកាសចរណ៍ទាំងមូល ដោយស្នើឱ្យត្រៀមខ្លួនសម្រាប់ការកាត់បន្ថយជើងហោះហើរចាប់ពីខែមេសាខាងមុខនេះ។ ការព្រមាននេះមកបន្ទាប់ពីប្រទេសចិន និងថៃបានអនុវត្តវិធានការហាមឃាត់ការនាំចេញប្រេងឥន្ធនៈយន្តហោះ ដោយសារតែភាពតានតឹងកើនឡើងនៅតំបន់មជ្ឈិមបូព៌ា ជាពិសេសជម្លោះរវាងអ៊ីស្រាអែល សហរដ្ឋអាមេរិក និងអ៊ីរ៉ង់។ នៅក្នុងឯកសារផ្លូវការចុះថ្ងៃទី៩ ខែមីនា អាជ្ញាធរអាកាសចរណ៍ស៊ីវិលវៀតណាមបានបញ្ជាក់យ៉ាងច្បាស់ថា៖ «មានហានិភ័យនៃកង្វះប្រេងឥន្ធនៈយន្តហោះសម្រាប់ក្រុមហ៊ុនអាកាសចរណ៍វៀតណាមចាប់ពីដើមខែមេសា និងខែបន្តបន្ទាប់»។ អាជ្ញាធរបានណែនាំឱ្យក្រុមហ៊ុនអាកាសចរណ៍ទាំងអស់ពិនិត្យឡើងវិញនូវផែនការហោះហើររបស់ខ្លួន ជាពិសេសសម្រាប់ជើងហោះហើរក្នុងស្រុក និងបានស្នើឱ្យប្រតិបត្តិករអាកាសយានដ្ឋានរៀបចំកន្លែងចតយន្តហោះបន្ថែម។ តាមការវិភាគ វៀតណាមពឹងផ្អែកលើការនាំចូលប្រេងយន្តហោះជាង…

រាជធានីភ្នំពេញ៖ ក្រុមហ៊ុន ខ្មែរ ប៊ែ​វើ​រី​ជី​ស បាន​ប្រកាស​ចេញ​ផលិតផល​ថ្មី​គួរ​ឱ្យ​ចាប់​អារម្មណ៍​មួយ​គឺ “ភេសជ្ជៈ​ប៉ូវ​កម្លាំង ដា​ហ្ស​គ្មាន​ជាតិ​ស្ករ” ដែល​ជា​ផលិតផល​កូន​ខ្មែរ​ដំបូង​គេ​បង្អស់​នៅ​កម្ពុជា​ដែល​គ្មាន​ជាតិ​ស្ករ។ ផលិតផល​ថ្មី​នេះ​ត្រូវ​បាន​ចាប់​ផ្តើម​បញ្ចេញ​ទៅ​លើ​ទីផ្សារ​ចាប់​ពី​ថ្ងៃ​ទី​១៤ ខែមីនា ឆ្នាំ​២០២៦ នេះ​តទៅ។ ភេសជ្ជៈ​ប៉ូវ​កម្លាំង​ថ្មី​នេះ​មាន​លក្ខណៈ​ពិសេស​គឺ​មិន​មាន​ជាតិ​ស្ករ​ទេ ប៉ុន្តែ​នៅ​តែ​រក្សា​បាន​នូវ​ភាព​ខ្លាំង​ក្លា និង​អាច​ផ្តល់​ថាមពល​បាន​ឆាប់​រហ័ស។ លើស​ពី​នេះ ភេសជ្ជៈ​ថ្មី​នេះ​ក៏​អាច​ជួយ​កាត់​បន្ថយ​ជាតិ​ស្រវឹង​បាន​លឿន និង​ជួយ​ជំនួយស្មារតី​ក្នុង​ការ​បើកបរ​ផង​ដែរ។ មិន​ត្រឹម​តែ​ប៉ុណ្ណោះ ផលិតផល​នេះ​ក៏​មាន​រសជាតិ​ល្អ​ឆ្ងាញ់​ពិសេស​មួយ​ទៀត​ផង។…

ថៃអាចនឹងខាតបង់ប្រាក់ចំណូលពីវិស័យទេសចរណ៍ជាង ៤០ ប៊ីលានបាត (ប្រហែល ១២៥ លានដុល្លារ) ដោយសារជម្លោះនៅមជ្ឈិមបូព៌ាដែលពាក់ព័ន្ធអ៊ីស្រាអែល សហរដ្ឋអាមេរិក និងអ៊ីរ៉ង់។ ការបិទដែនអាកាសអាចបន្តរយៈពេលរហូតដល់ ៨ សប្ដាហ៍។ ក្រសួងទេសចរណ៍ និងកីឡាថៃបានឱ្យដឹងថា ការបិទដែនអាកាសនៅតំបន់ជម្លោះនៅតែបន្ត ប៉ុន្តែអាកាសចរណ៍ស៊ីវិលនៅតែដំណើរការបាន។ លោកស្រី Natthriya Thaweevong លេខាធិការអចិន្ត្រៃយ៍ក្រសួងទេសចរណ៍…

ភ្នំពេញ – ក្រសួងកសិកម្ម រុក្ខាប្រមាញ់ និងនេសាទ និងក្រសួងបរិស្ថាន បានសហការជាមួយអង្គការសត្វព្រៃនិងរុក្ខជាតិ អង្គការគាំពារធនធានសមុទ្រ និងមូលនិធិសង្សារ ប្រកាសពីការរកឃើញការបង្កកំណើតផ្កាថ្មប៉ប្រះទឹកជាលើកទី៣ នៅប្រជុំកោះរ៉ុង និងជាលើកដំបូងនៅកោះសង្សារ ខេត្តព្រះសីហនុ និងប្រជុំកោះស្តេច ខេត្តកោះកុង។ ការសិក្សាស្រាវជ្រាវនេះបានធ្វើឡើងចាប់ពីថ្ងៃទី៧ ដល់ទី៩ ខែមីនា ឆ្នាំ២០២៦ ដោយមានការគាំទ្រពីដៃគូជាច្រើន…

ក្រុងប៉ោយប៉ែត៖ គ្រោះអគ្គីភ័យធ្ងន់ធ្ងរបានកើតឡើងនៅព្រឹកថ្ងៃទី១៥ ខែមីនា ឆ្នាំ២០២៥ នៅក្នុងភូមិប៉ាលិលេយ្យពីរ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ដោយផ្ទះ២ខ្នងត្រូវបានឆេះអស់ទាំងស្រុង។ អគ្គីភ័យបានឆាបឆេះផ្ទះ១ខ្នងទាំងស្រុង និងផ្ទះមួយទៀតឆេះអស់ជញ្ជាំងម្ខាង រួមជាមួយម៉ូតូ២គ្រឿង និងរថយន្ត១គ្រឿងដែលរងការខូចខាត។ ទីកន្លែងកើតហេតុស្ថិតនៅក្បែរវិទ្យាល័យអូរជ្រៅ។ កម្លាំងអន្តរាគមន៍បានប្រាប់ថា នៅពេលទៅដល់កន្លែងកើតហេតុ ពួកគេបានឃើញរថយន្តពន្លត់អគ្គីភ័យ៤គ្រឿង និងកម្លាំងអន្តរាគមន៍ជាច្រើននាក់កំពុងប្រឹងប្រែងបាញ់ពន្លត់អគ្គីភ័យ។ កម្លាំងជំនាញបានបញ្ជាក់ថា មូលហេតុនៃអគ្គីភ័យបណ្តាលមកពីផ្ទុះចង្ក្រានហ្គាស…

នាយករដ្ឋមន្ត្រីជប៉ុន លោកស្រី សាណាអេ តាកាអ៊ិឈិ បានប្រកាសជាផ្លូវការថា ប្រទេសជប៉ុនគ្មានគម្រោងបញ្ជូននាវាចម្បាំង និងកងទ័ពជើងទឹកទៅអមដំណើរនាវាដឹកប្រេងនៅមជ្ឈិមបូព៌ាឡើយ។ ការប្រកាសនេះធ្វើឡើងបន្ទាប់ពីប្រធានាធិបតីអាមេរិក លោក ដូណាល់ ត្រាំ បានអំពាវនាវដល់សម្ព័ន្ធមិត្តឱ្យចូលរួមការពារនាវាដឹកប្រេងដែលឆ្លងកាត់ច្រកសមុទ្រ Hormuz។ លោកស្រី តាកាអ៊ិឈិ បានប្រាប់សភាជប៉ុនយ៉ាងច្បាស់ថា៖ «យើងមិនទាន់បានធ្វើការសម្រេចចិត្តអ្វីទាំងអស់ ពីការបញ្ជូននាវាអមដំណើរទៅមជ្ឈិមបូព៌ា។ យើងកំពុងបន្តពិនិត្យមើលអ្វីដែលជប៉ុនអាចធ្វើបានដោយឯករាជ្យ និងអ្វីដែលអាចធ្វើបាននៅក្នុងក្របខ័ណ្ឌច្បាប់»។…

សង្គ្រាមនៅអ៉ីរ៉ង់បានឈានចូលដល់ថ្ងៃទី១៧ ខណៈអ៉ីស្រាអែលបន្តវាយប្រហារទីតាំងស្តុកប្រេងនៅក្រុងតេហេរ៉ង់។ រដ្ឋមន្ត្រីការបរទេសអ៉ីរ៉ង់លោកអាប់បាស់អារ៉ាសជីបរិហារថា នេះជាការរំលោភបំពានច្បាប់អន្តរជាតិ។ រដ្ឋមន្ត្រីរូបនោះបន្តថា ការវាយប្រហារទីតាំងស្តុកប្រេងបែបនេះនាំឲ្យប្រជាជនជួបប្រទះផលវិបាកអាក្រក់ដល់សុខភាពរយៈពេលយូរ និងនាំឲ្យមានការបំពុលដីប៉ះពាល់ដល់មនុស្សច្រើនជំនាន់។ ប្រធានាធិបតីអាមេរិកលោកដូណាល់ត្រាំកំពុងតែគាបសង្កត់ចិន និងគំរាមអូតង់ ដើម្បីឲ្យពួកគេជួយទំលាយការបិទខ្ទប់ច្រកសមុទ្រហើមូសដោយអ៉ីរ៉ង់។ លោកត្រាំថ្លែងទៅកាន់កាសែត Financial Times ថា វាជារឿងធម្មតាទេដែលពួកអ្នកទាញយកប្រយោជន៍ពីច្រកសមុទ្រនោះ រួមចំណែកធ្វើបែបណាកុំឲ្យមានអ្វីកើតឡើងនៅទីនោះ។ លោកព្យាករណ៍ទុកថា នឹងមានផលវិបាកអាក្រក់បំផុតសម្រាប់អនាគតអូតង់ក្នុងករណីបដិសេធសំណើជួយការពារសន្តិសុខច្រកសមុទ្រនេះ។ លោកត្រាំក៏គំរាមចិនដែរថា លោកនឹងពន្យារពេលការធ្វើដំណើរជាផ្លូវការរបស់លោកទៅកាន់ចិន…

ហូជីមិញ, វៀតណាម – សហព័ន្ធគុនខ្មែរអន្តរជាតិបានធ្វើជំហានដ៏សំខាន់ក្នុងការពង្រឹងឥទ្ធិពលគុនខ្មែរនៅលើឆាកអន្តរជាតិ តាមរយៈការចុះអនុស្សរណៈយោគយល់ជាមួយប្រទេសវៀតណាម។ កាលពីថ្ងៃទី១២ ខែមីនា ឯកឧត្តមខូវ ឆាយ អគ្គលេខាធិការសហព័ន្ធកីឡាប្រដាល់គុនខ្មែរអន្តរជាតិ បានធ្វើជាសក្ខីភាពក្នុងការចុះអនុស្សរណៈយោគយល់ដ៏សំខាន់នៅទីក្រុងហូជីមិញ។ កិច្ចសន្យានេះបានផ្ដល់សិទ្ធិឱ្យសហព័ន្ធគុនខ្មែរអន្តរជាតិប្រចាំប្រទេសវៀតណាម ធ្វើជាម្ចាស់ផ្ទះរៀបចំព្រឹត្តិការណ៍ប្រកួតប្រដាល់គុនខ្មែរជ្រើសរើសជើងឯកទ្វីបអាស៊ី លើកទី១ ឆ្នាំ២០២៦។ ព្រឹត្តិការណ៍ The 1st Kunkhmer Asian…

ភ្នំពេញ៖ នៅរសៀលថ្ងៃទី១៦ ខែមីនា ឆ្នាំ២០២៦ លោក សុខ ឥសាន បានធ្វើការវិភាគស្ថានភាពពិភពលោកដែលពាក់ព័ន្ធនឹងកម្ពុជា ដោយលើកយកចំណុចសំខាន់ៗចំនួន ១០ ចំណុច។ ១. បណ្តាប្រទេសធំៗចេះតែថាខ្លួនស្រឡាញ់សន្តិភាព តែបណ្តាប្រទេសទាំងនោះនៅតែផលិតអាវុធនាំទៅលក់ឲ្យប្រទេសនៅលើពិភពលោក។ ២. កម្ពុជាត្រូវការការស្មោះត្រង់ តែការស្មោះត្រង់ទាំងពាក្យសំដីនិងទាំងការអនុវត្តជាក់ស្តែងផង។ ៣. អ្នកដែលវ៉ៃគេហើយមិនអាចសម្លាប់គេបាន មានន័យថាចាញ់គេ។…

ទីក្រុងប៊ុយដាប៉ិស្ត៖ ប្រជាជនហុងគ្រីរាប់ម៉ឺននាក់បានប្រមូលផ្តុំគ្នាកាលពីថ្ងៃអាទិត្យទី១៥ ខែមីនា នៅទីក្រុងប៊ុយដាប៉ិស្ត ដើម្បីចូលរួមក្នុងដំណើរសន្តិភាពដ៏ធំបំផុតក្នុងប្រវត្តិសាស្ត្រ។ ពួកគេបានយកមកជាមួយផ្ទាំងបដាដែលមានស្លាកសញ្ញាថា «យើងនឹងមិនក្លាយជាអាណានិគមរបស់អ៊ុយក្រែនទេ» ព្រមទាំងបង្ហាញការគាំទ្រចំពោះនាយករដ្ឋមន្ត្រីហុងគ្រី លោក វិកទ័រ អរបាន។ នាយករដ្ឋមន្ត្រី អរបាន បានថ្លែងសុន្ទរកថាទៅកាន់អ្នកគាំទ្រដែលបានប្រមូលផ្តុំគ្នានៅមាត់ទ្វារអគារសភា ដោយអំពាវនាវឱ្យអ៊ុយក្រែនបោះបង់ចោលគោលនយោបាយអរិភាព។ លោកបានលើកឡើងពី«ការបិទផ្លូវប្រេង ការជំរិតទារប្រាក់ និងការគំរាមកំហែងដល់ថ្នាក់ដឹកនាំហុងគ្រី» ដោយបញ្ជាក់ថា ទីក្រុងប៊ុយដាប៉ិស្តមិនដកថយដាច់ខាត។…