រដ្ឋបាលក្រុងច្បារមនព្រមានម្ចាស់សត្វគោ-ក្របីត្រូវទទួលខុសត្រូវ បើបង្កគ្រោះថ្នាក់ដល់មនុស្ស ឬបំផ្លាញទ្រព្យសម្បត្តិអ្នកដទៃ
ខេត្តកំពង់ស្ពឺ ៖ រដ្ឋបាលក្រុងច្បារមន នៃខេត្តកំពង់ស្ពឺ បានព្រមានចាត់វិធានការតាមច្បាប់ចំពោះម្ចាស់សត្វចិញ្ចឹមទាំងឡាយ ពិសេសសត្វគោ-ក្របី ដែលលែងនៅទីសាធារណៈឱ្យដើរស៊ីពាសវាលពាសកាល ក្នុងទីប្រជុំជន និងបង្កឱ្យមានគ្រោះថ្នាក់ ខូចខាតដល់ទ្រព្យសម្បត្តិរបស់អ្នកធ្វើដំណើរ ។ ការព្រមានបែបនេះ ធ្វើឡើងក្រោយមានការណែនាំចំនួន០២លើក ទៅដល់ម្ចាស់សត្វចិញ្ចឹម(សត្វគោ-ក្របី) ដែលលែងឱ្យដើរពាសវាលពាសកាល ប្រសេចប្រសាច បោចស៊ីដំណាំអ្នកដទៃ ពិសេសស្មៅសួន និងផ្កាតាមសួនសាធារណៈក្នុងក្រុង ។…
