ក្រសួងមុខងារសាធារណៈ បង្ហាញវឌ្ឍនភាពកែទម្រង់រដ្ឋបាល ទទួលបានមតិពីឧត្តមប្រឹក្សាពិគ្រោះ
ភ្នំពេញ៖ នាព្រឹកថ្ងៃទី១០ ខែមីនា ឆ្នាំ២០២៦ លោក ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ បានដឹកនាំប្រតិភូក្រសួងចូលរួមកិច្ចប្រជុំជាមួយឧត្តមប្រឹក្សាពិគ្រោះ ដើម្បីចែករំលែកវឌ្ឍនភាពការងារក្នុងការគ្រប់គ្រងវិស័យមុខងារសាធារណៈ។ កិច្ចប្រជុំនេះធ្វើឡើងនៅវិមានសន្តិភាព ដែលក្រសួងមុខងារសាធារណៈបានបង្ហាញពីវឌ្ឍនភាព និងលទ្ធផលដែលទទួលបានក្នុងការកែទម្រង់រដ្ឋបាលសាធារណៈ ជាពិសេសការងារដែលកំពុងដំណើរការយ៉ាងសកម្ម។ ក្រោយពីបានស្តាប់បទបង្ហាញ សមាជិកឧត្តមប្រឹក្សាពិគ្រោះបានចូលរួមសួរសំណួរ និងផ្តល់មតិយោបល់ជាច្រើន ដើម្បីចូលរួមចំណែកក្នុងការលើកកម្ពស់ប្រព័ន្ធរដ្ឋបាលសាធារណៈរបស់កម្ពុជា។ លោក…
