ទេព បូព្រឹក្ស ទឹកភ្នែកហូរសស្រាក់លើឆាក ដោយសារការចោទប្រកាន់ពីការយកសិល្បៈបុរាណធ្វើអាជីវកម្ម
តារាចម្រៀងដ៏ល្បីល្បាញ ទេព បូព្រឹក្ស បានបង្ហាញអារម្មណ៍ឈឺចាប់យ៉ាងខ្លាំងនៅលើឆាកតន្ត្រីធំមួយ នៅពីមុខទស្សនិកជនរាប់ពាន់នាក់ ដោយនាងបាននិយាយទាំងទឹកភ្នែកអំពីការបាក់ទឹកចិត្តដោយសារការចោទប្រកាន់ពីបុគ្គលមួយចំនួនថា យកទម្រង់សិល្បៈបុរាណមកធ្វើអាជីវកម្ម។ នាងបានលើកឡើងថា ការចោទប្រកាន់នេះធ្វើឱ្យនាងឈឺចាប់យ៉ាងខ្លាំង ព្រោះកន្លងមកនាងតែងចំណាយថវិកាផ្ទាល់ខ្លួនក្នុងការនាំយកសិល្បៈបុរាណមកបង្ហាញអមជាមួយការសម្តែង ដើម្បីចូលរួមផ្សព្វផ្សាយពីសិល្បៈវប្បធម៌ខ្មែរ។ “ខ្ញុំពិតជាមានរឿងច្រើន គឺព្យាយាមធ្វើអ្វីដូចតារាទូទៅ ប៉ុន្តែក្នុងវិស័យមួយនេះ តែងតែរងនូវពាក្យរិះគន់” នាងបាននិយាយដោយអារម្មណ៍ខ្លាំង។ ទេព បូព្រឹក្ស បានបន្ថែមថា នាងចាប់ផ្តើមទទួលការរិះគន់ខ្លាំងនៅពេលដែលនាងធ្វើច្រៀងជាលក្ខណៈសហសម័យដែលមានលាយបញ្ចូលគ្នារវាងសម័យនិងបុរាណ។…
