admin

ខេត្តបាត់ដំបង៖ ភ្លើងឆេះផ្ទះធំមួយខ្នងបានកើតឡើងនៅភូមិអូរកណ្ដោល ឃុំសន្តិភាព ស្រុកសំពៅលូន កាលពីវេលាម៉ោង៤រសៀលថ្ងៃទី០៧មិនា ដោយសារតែម្ចាស់ផ្ទះដែលជាមន្ត្រីនគរបាលបានទិញប្រេងម៉ាស៊ូត៣០កានទុកក្នុងផ្ទះដោយខ្លាចប្រេងឡើងថ្លៃ។ លោក ទឹម វិឆ័យ អធិការស្រុកសំពៅលូន បានបញ្ជាក់ថា ម្ចាស់ផ្ទះឈ្មោះ ផុន ស៊ីភូ អាយុ៣២ឆ្នាំ ជាមន្ត្រីនគរបាលប៉ុស្ដិ៍រដ្ឋបាលឃុំសន្តិភាព បានទិញប្រេងម៉ាស៊ូតចំនួន៣០កានស្មើនឹង៩០០លីត្រ យកទៅទុកក្នុងផ្ទះ។ នៅពេលមានអគ្គីភ័យកើតឡើង ប្រេងទាំងនោះបានធ្វើឲ្យភ្លើងឆេះខ្លាំងរហូតមិនអាចបាញ់ទឹកទប់ស្កាត់បាន។…

ទីក្រុងម៉ានីល – ប្រទេសហ្វីលីពីនបានប្រកាសផ្លាស់ប្ដូរទៅការងារសប្ដាហ៍ 4 ថ្ងៃ ដោយសារតម្លៃប្រេងឥន្ធនៈកើនឡើងខ្ពស់ដោយសារសង្គ្រាមនៅអ៊ីរ៉ង់។ ការផ្លាស់ប្ដូរនេះនឹងចាប់ផ្ដើមនៅថ្ងៃទី៩ ខែមីនា ឆ្នាំ២០២៦ នៅការិយាល័យរដ្ឋាភិបាលទាំងអស់។ ប្រធានាធិបតីហ្វីលីពីន លោកហ្វឺឌីណាន់ម៉ាកូសជូនៀ បានប្រកាសពីវិធានការនេះដែលមានគោលបំណងកាត់បន្ថយផលប៉ះពាល់សេដ្ឋកិច្ចពីជម្លោះប្រដាប់អាវុធរវាងអ៊ីរ៉ង់ អ៊ីស្រាអែល និងសហរដ្ឋអាមេរិក។ លោកម៉ាកូសបានព្រមានថា ការបិទច្រកសមុទ្រហ័រមូសដែលដឹកជញ្ជូនប្រេង១ភាគ៥របស់ពិភពលោក នឹងបង្កើនតម្លៃប្រេងក្នុងស្រុក។ តម្លៃប្រេងនឹងកើនឡើង ៧,៤៨…

ភ្នំពេញ – រដ្ឋបាលរាជធានីភ្នំពេញបានបន្តធ្វើការត្រួតពិនិត្យតម្លៃប្រេងឥន្ធនៈនៅទូទាំងរាជធានី ដោយផាកពិន័យស្ថានីយប្រេងមួយចំនួនដែលលក់លើសតម្លៃដែលក្រសួងពាណិជ្ជកម្មបានកំណត់។ ក្រោមការដឹកនាំរបស់លោក ឃួង ស្រេង អភិបាលរាជធានីភ្នំពេញ ក្រុមការងាររដ្ឋបាលខណ្ឌពោធិ៍សែនជ័យ ដឹកនាំដោយលោក សក់ ច័ន្ទកញ្ញារិទ្ធ បានចុះត្រួតពិនិត្យស្ថានីយប្រេងឥន្ធនៈ “សន្ដិភាព” នៅមហាវិថីសហព័ន្ធរុស្ស៊ី កាលពីថ្ងៃទី០៨ ខែមីនា ឆ្នាំ២០២៦។ លទ្ធផលនៃការត្រួតពិនិត្យបានរកឃើញថា ស្ថានីយនេះបានលក់ប្រេងឥន្ធនៈលើសតម្លៃដែលក្រសួងពាណិជ្ជកម្មបានកំណត់។…

អន្តរជាតិ៖ រដ្ឋមន្ត្រីការបរទេសអូស្ត្រាលី លោកស្រី Penny Wong បានបញ្ជាក់ជាថ្មីថា ប្រទេសអូស្ត្រាលីនឹងជួយការពារដៃគូក្នុងតំបន់ពីការវាយប្រហារដោយដ្រូន និងមីស៊ីលរបស់អ៊ីរ៉ង់ ប៉ុន្តែបានបដិសេធដាច់ខាតក្នុងការចូលរួមក្នុងសកម្មភាពវាយលុកផ្ទាល់ ឬការបញ្ជូនទ័ពជើងគោកចូលក្នុងប្រទេសអ៊ីរ៉ង់។ តាមការផ្សាយរបស់ AFP នាថ្ងៃទី៨ខែមីនាឆ្នាំ២០២៦ ជំហរការពារនេះធ្វើឡើងខណៈដែលសង្គ្រាមនៅមជ្ឈិមបូព៌ាកាន់តែរីករាលដាល បន្ទាប់ពីការវាយប្រហាររបស់អាមេរិក និងអ៊ីស្រាអែលបានសម្លាប់មេដឹកនាំកំពូល Ali Khamenei ដែលបង្កឲ្យមានការសងសឹកលើអ៊ីស្រាអែល និងបណ្តាប្រទេសនៅតំបន់ឈូងសមុទ្រ។…

ភ្នំពេញ៖ សហរដ្ឋអាមេរិកកំពុងប្រញាប់ប្រញាល់ដាក់ពង្រាយប្រព័ន្ធប្រឆាំងយន្តហោះគ្មានមនុស្សបើកឈ្មោះ Merops ទៅកាន់តំបន់មជ្ឈិមបូព៌ាក្នុងរយៈពេលតែមួយសប្តាហ៍ទៀតប៉ុណ្ណោះ។ ប្រព័ន្ធថ្មីនេះដែលដំណើរការដោយបច្ចេកវិទ្យា AI ត្រូវបានសាកល្បងជោគជ័យនៅសមរភូមិអ៊ុយក្រែន ដោយអាចស្ទាក់ចាប់យន្តហោះគ្មានមនុស្សបើក Shahed របស់អ៊ីរ៉ង់បានជាង ១,០០០ដង។ ប្រព័ន្ធ Merops ប្រើប្រាស់យន្តហោះគ្មានមនុស្សបើកតូចៗដើម្បីស្ទាក់ចាប់ និងបញ្ឈប់យន្តហោះគ្មានមនុស្សបើកសត្រូវ សូម្បីតែនៅក្នុងស្ថានភាពដែលបណ្តាញទំនាក់ទំនងផ្កាយរណបមិនដំណើរការក៏ដោយ។ ការចំណាយត្រឹមតែ ១៥,០០០ ទៅ ២០,០០០…

ភ្នំពេញ៖ ក្រសួងធនធានទឹក និងឧតុនិយម បានចេញសេចក្ដីជូនដំណឹងពិសេសអំពីស្ថានភាពអាកាសធាតុនៅកម្ពុជា សម្រាប់រយៈពេលចាប់ពីថ្ងៃទី៨ ដល់ទី១០ ខែមីនា ឆ្នាំ២០២៦នេះ។ ការព្រមាននេះមកពីឥទ្ធិពលរបបខ្យល់មូសុងឦសានដែលកំពុងបក់លើតំបន់សមុទ្រចិនខាងត្បូង អាងទន្លេមេគង្គ និងសមុទ្រកម្ពុជា។ តាមការបញ្ជាក់ពីក្រសួងធនធានទឹក ស្ថានភាពអាកាសធាតុនឹងមានលក្ខណៈដូចខាងក្រោម៖ ១. តំបន់វាលទំនាប៖ សីតុណ្ហភាពនឹងស្ថិតនៅចន្លោះ ២៣°C ដល់ ៣៥°C។ ខ្យល់បក់មកពីទិសឦសាន…

រាជធានីភ្នំពេញ៖ ក្នុងឱកាសខួបលើកទី១១៥នៃទិវាអន្តរជាតិនារី ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ទ្រង់បានប្រទានព្រះរាជសារដល់បងប្អូនជនរួមជាតិថា សន្តិភាពគឺជាកត្តាសំខាន់បង្កើតបរិយាកាសឱ្យស្ត្រីនិងក្មេងស្រីអាចចូលរួមពេញលេញនិងទទួលភាគលាភស្មើភាពពីកិច្ចអភិវឌ្ឍន៍។ យោងតាមព្រះរាជសារ ព្រះអង្គមានព្រះបន្ទូលថា៖ “ទូលព្រះបង្គំជាខ្ញុំ ខ្ញុំព្រះករុណា ខ្ញុំ រួមជាមួយព្រះសង្ឃ និងបងប្អូនជនរួមជាតិទាំងអស់ មានហឫទ័យសោមនស្សរីករាយ សូមចូលរួមអបអរសាទរជាមួយស្ត្រីនៅទូទាំងព្រះរាជាណាចក្រកម្ពុជា និងពិភពលោក ក្នុងឱកាសខួបលើកទី១១៥ទិវាអន្តរជាតិនារី។” ព្រះអង្គបានបន្តថា…

ភ្នំពេញ – ក្រសួងការងារ និងបណ្ដុះបណ្ដាលវិជ្ជាជីវៈ កំពុងរៀបចំចុះកិច្ចព្រមព្រៀងជាមួយប្រទេសលុចសំបួ ដើម្បីអភិវឌ្ឍជំនាញយុវជននៅតំបន់ដាច់ស្រយាលក្នុងខេត្តស្ទឹងត្រែង និងរតនគិរី។ កាលពីថ្ងៃទី៦ មីនា ២០២៦ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ បានជួបពិភាក្សាជាមួយលោក ថូមាស់ ឡាម៉ា ភារធារីស្ដីទីនៃស្ថានទូតលុចសំបួ ដើម្បីពង្រឹងកិច្ចសហប្រតិបត្តិការលើការអភិវឌ្ឍជំនាញវិជ្ជាជីវៈ។…

ខេត្តកំពង់ធំ – លោកជំទាវបណ្ឌិត ជា សិរី អនុប្រធានទី២ នៃក្រុមការងារគណបក្សចុះមូលដ្ឋានខេត្តកំពង់ធំ បានអញ្ជើញជាអធិបតីក្នុងពិធីសម្ពោធអគារសិក្សាថ្មី ១ខ្នង មាន៥បន្ទប់ និងសមិទ្ធផលអប់រំជាច្រើន នៅសាលាបឋមសិក្សាត្រពាំងផ្តៀក កាលពីថ្ងៃទី៧ ខែមីនា ឆ្នាំ២០២៦។ ក្នុងពិធីសម្ពោធដ៏ពិសេសនេះ លោកជំទាវបណ្ឌិត ជា សិរី ដែលជាសមាជិកគណៈអចិន្រ្តៃយ៍នៃគណៈកម្មាធិការកណ្ដាល…

ខេត្តកំពង់ស្ពឺ៖ កម្លាំងសមត្ថកិច្ចខេត្តកំពង់ស្ពឺបានធ្វើកិច្ចអន្តរាគមន៍បាញ់ពន្លត់ទាំងស្រុងរួចរាល់អស់ហើយនៅព្រឹកថ្ងៃទី៨ ខែមីនា ឆ្នាំ២០២៦។ នេះបើយោងតាមការលើកឡើងរបស់លោកឧត្តមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺ។ លោកស្នងការខេត្តកំពង់ស្ពឺបានឲ្យដឹងថាករណីឆាប់ឆេះឃ្លាំងស្តុកអេតចាយនៅក្នុងស្រុកឱរ៉ាល គឺផ្ដើមចេញពីកម្មករដុតស្មៅហើយគិតថារលត់ ប៉ុន្តែឆេះរាលដាល ឆាបឆេះរងការខូចខាតយ៉ាងច្រើន។ សូមរំលឹកឡើងវិញថា កាលពីវេលាម៉ោង០២និង១០នាទីរសៀលថ្ងៃទី៥ ខែមីនា ឆ្នាំ២០២៦ នៅចំណុចឃ្លាំងស្តុកអេតចាយ ស្ថិតនៅក្នុងភូមិតាំងរបង ឃុំហោងសំណំ ស្រុកឱរ៉ាល់…