admin

ភ្នំពេញ – ក្រសួងការបរទេសសហរដ្ឋអាមេរិកបានអនុម័តការលក់គ្រាប់ផ្លោងចំនួន ១២,០០០គ្រាប់ទៅឲ្យអ៊ីស្រាអែលក្នុងលក្ខខណ្ឌ«គ្រាអាសន្ន» នៅថ្ងៃទី៧ ខែមីនា ក្នុងពេលដែលភាពតានតឹងនៅតំបន់មជ្ឈិមបូព៌ាកំពុងកើនឡើង។ យោងតាមរបាយការណ៍របស់ CNN ការលក់កញ្ចប់គ្រាប់ផ្លោងដែលមានទម្ងន់ជិតកន្លះតោន (៤៥០គីឡូក្រាម) នេះមានតម្លៃប្រមាណ ១៥១.៨ លានដុល្លារ ត្រូវបានអនុម័តដោយការិយាល័យកិច្ចការនយោបាយ-យោធារបស់ក្រសួងការបរទេសអាមេរិក។ ការិយាល័យនេះបានបញ្ជាក់ក្នុងសេចក្តីថ្លែងការណ៍ថា៖ «ការលក់នេះនឹងធ្វើឲ្យប្រសើរឡើងនូវសមត្ថភាពយោធារបស់អ៊ីស្រាអែលក្នុងការទប់ទល់នឹងការគំរាមកំហែង ពង្រឹងការការពារជាតិ និងបម្រើជាការទប់ស្កាត់ចំពោះការគំរាមកំហែងក្នុងតំបន់»។ ជាការចម្លែក…

ប្រធានាធិបតីសហរដ្ឋអាមេរិក លោក ដូណាល់ ត្រាំ បានបដិសេធការព្រួយបារម្ភចំពោះកំណើនតម្លៃប្រេងឥន្ធនៈ ដោយបញ្ជាក់ថា ប្រតិបត្តិការយោធាប្រឆាំងអ៊ីរ៉ង់ជាអាទិភាពរបស់លោក។ ក្នុងបទសម្ភាសន៍ផ្ដាច់មុខជាមួយទីភ្នាក់ងារសារព័ត៌មានរ៉យទ័រ លោកត្រាំបានថ្លែងថា៖ «ខ្ញុំគ្មានអ្វីបារម្ភពីវានោះទេ។ តម្លៃនោះនឹងធ្លាក់ចុះវិញគំហុកភ្លាមៗ ពេលបញ្ហា(សង្រ្គាមប្រឆាំងអ៊ីរ៉ង់)នេះចប់។ ប៉ុន្តែបញ្ហានេះ គឺសំខាន់ជាងតម្លៃប្រេងឡើងថ្លៃតែបន្តួចទៅទៀត»។ សង្រ្គាមនៅមជ្ឈិមបូព៌ា ដែលផ្ទុះឡើងក្រោយអាមេរិករួមដៃអ៊ីស្រាអែលវាយប្រហារអ៊ីរ៉ង់ បានធ្វើឱ្យតម្លៃប្រេងអន្តរជាតិហក់ឡើងលើស ៨០ ដុល្លារ/បារ៉ែល។ នៅពេលតម្លៃប្រេងអន្តរជាតិហក់ឡើង…

ខេត្តកំពង់ស្ពឺ៖ ករណីឈាមរត់ដោយសារជម្លោះគ្រួសារបានកើតឡើងនៅភូមិអាយាន ឃុំពាំងល្វា ស្រុកសាមគ្គីមុនីជ័យ នៅថ្ងៃទី៦ ខែមីនា ឆ្នាំ២០២៦។ ជនសង្ស័យ អ៊ែល សុភ័ក្រ អាយុ៣៦ឆ្នាំ ដែលជាកូនប្រសារ បានយកកាំបិតផ្គាក់កាប់ឪពុកក្មេករបស់ខ្លួន ឈ្មោះ ប៉េន អោម អាយុ៦៧ឆ្នាំ បណ្តាលឱ្យរបួសបែកក្បាលធ្ងន់។ មន្ត្រីនគរបាលបានបញ្ជាក់ថា ហេតុការណ៍នេះកើតឡើងដោយសារជម្លោះរវាងកូនប្រសារ…

រាជធានីភ្នំពេញ៖ រដ្ឋបាលរាជធានីភ្នំពេញបានប្រកាសរៀបចំរថយន្តក្រុងចំនួន៦០០គ្រឿង សម្រាប់ដឹកជញ្ជូនពលរដ្ឋដោយឥតគិតថ្លៃក្នុងឱកាសបុណ្យចូលឆ្នាំខ្មែរ។ សេវាដឹកជញ្ជូនឥតគិតថ្លៃនេះនឹងដំណើរការរយៈពេល៦ថ្ងៃ ចាប់ពីថ្ងៃទី១២ ដល់ថ្ងៃទី១៧ ខែមេសា ឆ្នាំ២០២៦ ដែលស្របពេលនឹងពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំមមី អដ្ឋស័ក ពុទ្ធសករាជ២៥៧០។ យោងតាមសេចក្តីជូនដំណឹងរបស់រដ្ឋបាលរាជធានី ការរៀបចំនេះធ្វើឡើងតាមប្រសាសន៍ដឹកនាំរបស់សម្តេចហ៊ុន ម៉ាណែត នាយករដ្ឋមន្ត្រី ដើម្បីជួយសម្រួលដល់ការចំណាយរបស់ប្រជាពលរដ្ឋក្នុងការធ្វើដំណើរទៅលេងស្រុកកំណើត និងជួបជុំគ្រួសារក្នុងឱកាសបុណ្យចូលឆ្នាំ។ សេវាដឹកជញ្ជូនសាធារណៈឥតគិតថ្លៃនេះនឹងផ្តល់ជូនដល់ប្រជាពលរដ្ឋទាំងអស់ ដែលមានបំណងធ្វើដំណើរពីរាជធានីភ្នំពេញទៅកាន់ខេត្តផ្សេងៗក្នុងពេលបុណ្យចូលឆ្នាំ។…

ទីក្រុងម៉ូស្គូ៖ រុស្ស៊ីបានផ្ដល់ព័ត៌មានសម្ងាត់ទៅឱ្យអ៊ីរ៉ង់ពាក់ព័ន្ធនឹងទីតាំងយោធា ទីតាំងអាវុធយុទ្ធភ័ណ្ឌ យន្តហោះ នាវាចម្បាំង ដែលជាហេតុធ្វើឱ្យអ៊ីរ៉ង់វាយប្រហារចំគោលដៅបានត្រឹមត្រូវ។ នេះបើយោងតាមមន្ត្រីរដ្ឋាភិបាល២នាក់ដែលដឹងកិច្ចការផ្ទៃក្នុងរបស់ភ្នាក់ងារសម្ងាត់អាមេរិក។ សេតវិមានបានច្រានចោលដំណឹងស្ដីពីរុស្ស៊ីជួយផ្ដល់ព័ត៌មានសម្ងាត់ទៅឱ្យអ៊ីរ៉ង់។ សេតវិមានថា បើទុកជារឿងនេះកើតឡើងមែនក៏មិនបានធ្វើឱ្យសភាពការណ៍ប្រែប្រួលដែរ។ អ្នកនាំពាក្យសេតវិមាន លោកស្រីខារ៉ូឡាញ ឡេវីត សូមមិនឆ្លើយនឹងសំណួរពាក់ព័ន្ធនឹងដំណឹងនេះ។ រុស្ស៊ី និងអ៊ីរ៉ង់ចាប់ផ្ដើមរឹតបន្តឹងទំនាក់ទំនងទ្វេភាគីដល់កម្រិតកំពូល។ រុស្ស៊ីត្រូវការដ្រូន និងមីស៊ីលរបស់អ៊ីរ៉ង់ដើម្បីយកទៅធ្វើសង្គ្រាមទល់នឹងអ៊ុយក្រែន។ អាមេរិកចោទអះអាងថា អ៊ីរ៉ង់បានផ្ដល់ទៅឱ្យរុស្ស៊ីនូវដ្រូនអត្តឃាត…

ភ្នំពេញ៖ វិស័យកម្សាន្តខ្មែរបានបើកទំព័រថ្មីយ៉ាងសំខាន់នៅថ្ងៃទី៥ ខែមីនា ឆ្នាំ២០២៦ នៅពេលដែលក្រុមហ៊ុន Sabay Digital Group បានទិញយកភាគហ៊ុនទាំងមូលរបស់រោងភាពយន្តពីក្រុមហ៊ុន Major Cineplex Cambodia។ ការផ្លាស់ប្តូរនេះបានកើតឡើងបន្ទាប់ពីក្រុមហ៊ុន Major Cineplex Group ប្រកាសដកការវិនិយោគចេញពីកម្ពុជា។ នេះជាការសម្រេចចិត្តយុទ្ធសាស្ត្រដ៏សំខាន់មួយ ដែលនាំឱ្យប្រតិបត្តិការរោងភាពយន្តទាំង៦ទីតាំង និងប៊ូលីងត្រូវបានគ្រប់គ្រងដោយជនជាតិខ្មែរទាំងស្រុង។…

រដ្ឋមន្ត្រីក្រសួងរតនាគារអាមេរិក លោក ស្កុតថ៍ បេសិនថ៍ បានប្រកាសកាលពីថ្ងៃសុក្រ (៦ មីនា) ថា សហរដ្ឋអាមេរិកកំពុងពិចារណាដកទណ្ឌកម្មចេញពីប្រេងរុស្ស៊ីបន្ថែមទៀត នៅពេលដែលទីផ្សារប្រេងសកលកំពុងជួបការរញ្ជួយដោយសារជម្លោះនៅតំបន់មជ្ឈិមបូព៌ា។ ការប្រកាសនេះមកក្រោយពីអាមេរិកបានផ្តល់អាជ្ញាប័ណ្ណបណ្ដោះអាសន្នឱ្យឥណ្ឌា អនុញ្ញាតឱ្យនាំចូលប្រេងពីរុស្ស៊ីដែលជាប់គាំងលើសមុទ្ររយៈពេល ៣០ ថ្ងៃ។ លោក បេសិនថ៍ បានប្រាប់កម្មវិធី «Kudlow» របស់ Fox…

ភ្នំពេញ៖ អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប) នៃក្រសួងពាណិជ្ជកម្ម បានចេញសេចក្តីព្រមានចាត់វិធានការតឹងរឹងទៅលើស្ថានីយ៍ប្រេងដែលលក់លើសតម្លៃកំណត់របស់ក្រសួង។ មន្ត្រីជំនាញក.ប.ប. កំពុងធ្វើការចុះអង្កេតថ្លៃលក់រាយប្រេងឥន្ធនៈតាមបណ្តាស្ថានីយ៍និងដេប៉ូចែកចាយទូទាំងប្រទេស។ យោងតាមស្ថានការណ៍ជម្លោះនៅតំបន់មជ្ឈឹមបូព៌ា ដែលបង្កផលប៉ះពាល់ដល់ការផលិត ការនាំចេញ និងការចែកចាយប្រេងឥន្ធនៈ ការណ៍នេះអាចនាំឱ្យមានការកើនឡើងថ្លៃលក់ប្រេងឥន្ធនៈជាសាកល។ ក្នុងន័យនេះ អគ្គនាយកដ្ឋានក.ប.ប. បានចេញសេចក្តីណែនាំដល់សាខាក.ប.ប. រាជធានី-ខេត្តទាំងអស់ដូចខាងក្រោម៖ ១. បង្កើនសកម្មភាពចុះអង្កេតថ្លៃលក់រាយប្រេងឥន្ធនៈ…

ភ្នំពេញ៖ នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានថ្លែងក្នុងពិធីអបអរសាទរខួបលើកទី១១៥ នៃទិវានារីអន្តរជាតិ ៨មីនា ឆ្នាំ២០២៦ ថា ស្ត្រីជាកងទ័ពកម្ពុជា បានបង្ហាញវីរភាពអង់អាចក្លាហានក្នុងការការពារបូរណភាពទឹកដីប្រឆាំងនឹងអំពើឈ្លានពាន។ នាយឧត្តមសេនីយ៍ ទៀ សីហា បានបញ្ជាក់នៅថ្ងៃទី៦ មីនា ២០២៦ ថា…

ឌូបៃ, អារ៉ាប់រួមជាតិ – ផ្សែងខ្មៅក្រាស់បានហុយឡើងលើទីក្រុងឌូបៃនៅថ្ងៃទី៦ ខែមីនា ឆ្នាំ២០២៦ បន្ទាប់ពីមានការវាយប្រហារដោយមីស៊ីល ឬយន្តហោះគ្មានមនុស្សបើករបស់អ៊ីរ៉ង់នៅជិតអាកាសយានដ្ឋានអន្តរជាតិឌូបៃ។ វីដេអូ និងរូបភាពដែលបានចែករំលែកតាមបណ្តាញសង្គមបង្ហាញពីផ្សែងហុយឡើងលើផ្ទៃមេឃនៃទីក្រុង ដែលបង្កឱ្យមានភាពវឹកវរយ៉ាងខ្លាំង។ អ្នកដំណើររាប់ពាន់នាក់ត្រូវបានគេរាយការណ៍ថាបានជម្លៀសចេញពីស្ថានីយក្នុងចំណោមកម្ទេចកម្ទី និងភាពភ័យស្លន់ស្លោ។ ហេតុការណ៍នេះកើតឡើងបន្ទាប់ពីការវាយប្រហារសងសឹកជាបន្តបន្ទាប់របស់អ៊ីរ៉ង់ទៅលើគោលដៅរបស់ UAE ដែលបង្កឡើងដោយប្រតិបត្តិការអាមេរិក-អ៊ីស្រាអែលពីមុនប្រឆាំងនឹងអ៊ីរ៉ង់។ ប្រតិបត្តិការអាកាសយានដ្ឋានបានប្រឈមមុខនឹងការរំខានយ៉ាងធ្ងន់ធ្ងរ ដោយជើងហោះហើរជាច្រើនត្រូវបានផ្អាក ឬរឹតបន្តឹងយ៉ាងខ្លាំង។ មិនទាន់មានការបញ្ជាក់ជាផ្លូវការណាមួយនៅឡើយទេ…