admin

(បាងកក)៖ អាជ្ញាធរថៃបានសម្រេចបិទច្រកព្រំដែនជាបណ្តោះអាសន្នជាមួយមីយ៉ាន់ម៉ា បន្ទាប់ពីការប្រយុទ្ធគ្នារវាងក្រុមប្រដាប់អាវុធជនជាតិភាគតិច Karen National Union (KNU) និងកងកម្លាំងយោធាមីយ៉ាន់ម៉ា នៅក្រុង Myawaddy រដ្ឋ Karen បានកើនឡើងខ្លាំងកាលពីថ្ងៃអាទិត្យកន្លងទៅ។ ការប្រយុទ្ធគ្នាដ៏ខ្លាំងក្លានេះបានជំរុញឱ្យអាជ្ញាធរថៃចេញសេចក្តីថ្លែងការណ៍បិទច្រកព្រំដែនរយៈពេល៧ថ្ងៃ ដើម្បីរារាំងការធ្វើដំណើររបស់ជនស៉ីវិល និងក្រុមប្រដាប់អាវុធឆ្លងព្រំដែន។ មានតែស្ពានមិត្តភាពថៃ-មីយ៉ាន់ម៉ាទី១ នៅស្រុក Mae Sot…

រាជធានីភ្នំពេញ៖ នគរបាលខណ្ឌដង្កោ បានចាប់ខ្លួនជនសង្ស័យម្នាក់ក្នុងចំណោម២នាក់ ដែលឆក់ទូរស័ព្ទក្មេងស្រីអាយុ១៣ឆ្នាំ នៅមុខហាងបុកល្ហុង ក្នុងបុរីពិភពថ្មី១ កាលពីថ្ងៃទី២៨ វិច្ឆិកា។ ការចាប់ខ្លួនធ្វើឡើងក្រោយពីគេចខ្លួនត្រឹម២ថ្ងៃប៉ុណ្ណោះ ដោយសមត្ថកិច្ចបានដកហូតទូរស័ព្ទប្រគល់ជូនជនរងគ្រោះវិញផងដែរ។ ជនសង្ស័យឈ្មោះ ស៊ុក អូនតូច ហៅម៉ម អាយុ៣២ឆ្នាំ ត្រូវបានឃាត់ខ្លួននៅវេលាម៉ោង១០:៣០ព្រឹក ថ្ងៃទី៣០ វិច្ឆិកា។ ព្រឹត្តិការណ៍នេះកើតឡើងនៅវេលាម៉ោង១៨:២៦យប់ នៅមុខហាងបុកល្ហុង…

ខេត្តបាត់ដំបង៖ ទំនប់ដូនទ្រី ដែលជាអាងស្តុកទឹកដ៏ធំមួយក្នុងចំណោមអាងស្តុកជាច្រើននៅខេត្តបាត់ដំបង បានសម្រេចការសាងសង់ ១០០% ក្រោយពីចាប់ផ្តើមការដ្ឋានកាលពីឆ្នាំ ២០១៨។ ទំនប់នេះមានសក្កានុពលកសិកម្មយ៉ាងខ្លាំងក្លា អាចផ្គត់ផ្គង់ទឹកស្រោចស្រពផ្ទៃដីកសិកម្មរដូវវស្សាចំនួន ៣៣,០០០ ហិកតា និងរដូវប្រាំងចំនួន ៤,៥០០ ហិកតា។ អាងស្តុកទឹកនេះនឹងគ្របដណ្តប់លើឃុំចំនួន ១១ នៃស្រុកមោងឫស្សី និងស្រុករុក្ខគិរី ខេត្តបាត់ដំបង និងស្រុកបាកាន…

រាជធានីភ្នំពេញ៖ សង្ស័យឆ្លងចរន្តអគ្គិសនីបានបង្កឲ្យមានភ្លើងឆាបឆេះសម្ភារៈនៅក្នុងអគាររោងចក្រកាត់ដេរមួយកន្លែង ក្នុងសួនឧស្សាហកម្មកាណាឌីយ៉ា តាមមហាវិថីចោមចៅ (ផ្លូវវ៉េងស្រេង) កាលពីវេលាម៉ោង ៥:៣០នាទីព្រឹក ថ្ងៃទី០១ ខែធ្នូ ឆ្នាំ២០២៥។ សមត្ថកិច្ចបានឲ្យដឹងថា នៅពេលកើតហេតុ មានកម្មករកម្មការិនីទៅដល់បណ្ដើរៗហើយ ប៉ុន្តែរោងចក្រនេះនៅមិនទាន់ដល់ម៉ោងត្រូវបើកទ្វារឲ្យចូលធ្វើការនៅឡើយទេ។ ភ្លាមនោះ ក្រុមសន្តិសុខដែលយាមនៅទីនោះបាននាំគ្នាវាយផ្ដាច់សោទ្វារអគាររោងចក្រ រួចនាំគ្នាយកបំពង់ពន្លត់អគ្គិភ័យបាញ់ពន្លត់រហូតរលត់ទៅវិញ។ កម្មករខ្លះបានជួយជញ្ជូនម៉ាស៊ីនដេរចេញក្រៅអគារបានច្រើនគ្រឿង ដើម្បីគេចចេញពីចំណីព្រះអគ្គិ។ សមត្ថកិច្ចនិងអាជ្ញាធរខណ្ឌពោធិ៍សែនជ័យបានចេញអន្តរាគមន៍ភ្លាម…

អន្តរជាតិ៖ អាជ្ញាធរតំបន់ហ្កាហ្សាបានចេញសេចក្តីថ្លែងការណ៍ថ្កោលទោសយ៉ាងខ្លាំងក្លាចំពោះអ៊ីស្រាអែល ដែលបានប្រព្រឹត្តល្មើសនឹងកិច្ចព្រមព្រៀងឈប់បាញ់ជាបន្តបន្ទាប់ក្នុងអំឡុង៥០ថ្ងៃបន្ទាប់ពីកិច្ចព្រមព្រៀងជុំថ្មីនេះចូលជាធរមាន។សេចក្តីថ្លែងការណ៍បានលើកឡើងថា គិតមកទល់យប់ថ្ងៃទី២៩ខែវិច្ឆិកា តាមការកត់ត្រា ភាគីអ៊ីស្រាអែលបានល្មើសនឹងកិច្ចព្រមព្រៀងឈប់បាញ់រហូតដល់ទៅ៥៩១លើក ដែលបណ្តាលឱ្យជនស៊ីវិល៣៥៧នាក់ស្លាប់បាត់បង់ជីវិត និង៩០៣នាក់រងរបួស និងមានមនុស្ស៣៨នាក់ទៀតត្រូវចាប់ខ្លួនដោយគ្មានមូលហេតុ។ ក្នុងចំណោមអ្នកស្លាប់ភាគច្រើនជាកុមារ ស្ត្រីនិងមនុស្សចាស់ជរា។សេចក្តីថ្លែងការណ៍បានគូសបញ្ជាក់ថា ទង្វើទាំងនេះបានល្មើសយ៉ាងធ្ងន់ធ្ងរនឹងច្បាប់មនុស្សធម៌អន្តរជាតិនិងពិធីសារមនុស្សធម៌ដែលបានចែងក្នុងកិច្ចព្រមព្រៀង ដែលបង្ហាញថាភាគីអ៊ីស្រាអែលមានចេតនាបំផ្លាញកិច្ចព្រមព្រៀង និងបង្កការគំរាមកំហែងដល់សន្តិសុខ និងស្ថិរភាពនៃតំបន់ហ្កាហ្សា។ប្រភព៖ (CCFR)

ខេត្តកំពង់ស្ពឺ៖ ប្រជាពលរដ្ឋជាច្រើនគ្រួសារនៅភូមិត្រពាំងរុន ឃុំដំណាក់រាំង ស្រុកសាមគ្គីមុនីជ័យ កំពុងប្រឈមនឹងបញ្ហាបរិស្ថានធ្ងន់ធ្ងរដោយសារសិប្បកម្មកែច្នៃប្រេងម៉ាស៊ីនមួយកន្លែង ដែលបានបញ្ចេញទឹកកខ្វក់មានជាតិប្រេងពណ៌ខ្មៅហូរចូលទៅក្នុងដីស្រែរបស់ពួកគាត់។ អ្នកភូមិដែលរងផលប៉ះពាល់បានរាយការណ៍ថា ទឹកកខ្វក់នេះបានបណ្តាលឱ្យខូចខាតដំណាំស្រូវយ៉ាងធ្ងន់ធ្ងរ ដោយស្រូវដែលកំពុងលូតលាស់ត្រូវបានរលួយនិងងាប់ទាំងស្រុង ធ្វើឱ្យពួកគាត់បាត់បង់ទិន្នផលស្រូវ។ លើសពីនេះទៀត ទឹកស្អុយនិងក្លិនមិនល្អពីសិប្បកម្មនេះបានប៉ះពាល់ដល់ការរស់នៅប្រចាំថ្ងៃរបស់ប្រជាពលរដ្ឋ ដោយមានការបារម្ភថាអាចបង្កជាបញ្ហាសុខភាពដល់កុមារ និងមនុស្សចាស់ក្នុងមូលដ្ឋាន។ អ្នកភូមិបានលើកឡើងថា ពួកគាត់បានរាយការណ៍និងស្នើសុំអន្តរាគមន៍ទៅអាជ្ញាធរមូលដ្ឋានជាច្រើនលើកច្រើនសាររួចមកហើយ ប៉ុន្តែបញ្ហានៅតែបន្តកើតមាន។ លោក ច័ន្ទ ថេត…

ភ្នំពេញ – គ្រោះមហន្តរាយធម្មជាតិដ៏ធ្ងន់ធ្ងរបំផុតមួយកំពុងធ្វើឱ្យតំបន់អាស៊ីអាគ្នេយ៍រងគ្រោះថ្នាក់ខ្លាំង ដោយទឹកជំនន់ធ្ងន់ធ្ងរនិងការបាក់ដីបានសម្លាប់មនុស្សជិត ១,០០០ នាក់នៅក្នុងប្រទេសចំនួន ៤ នាក់។ យោងតាមការចុះផ្សាយរបស់ Al Jazeera នាថ្ងៃចន្ទទី១ ខែធ្នូ ឆ្នាំ២០២៥ គ្រោះមហន្តរាយនេះបានប៉ះពាល់យ៉ាងខ្លាំងដល់ប្រទេសឥណ្ឌូណេស៊ី ស្រីលង្កា ថៃ និងម៉ាឡេស៊ី ដោយមានអ្នកស្លាប់សរុបយ៉ាងតិច ៩៥៤…

ខេត្តសៀមរាប៖ លោក កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងសមាជិកទី១នៃឧត្តមក្រុមប្រឹក្សាអង្គចៅក្រម បានអញ្ជើញជាអធិបតីក្នុងពិធីប្រកាសផ្ទេរ និងចូលកាន់មុខតំណែងរបស់លោក សៀង សុខ ជាព្រះរាជអាជ្ញាអយ្យការអមសាលាដំបូងខេត្តសៀមរាប។ ពិធីនេះបានធ្វើឡើងនៅព្រឹកថ្ងៃអាទិត្យទី៣០ ខែវិច្ឆិកា ឆ្នាំ២០២៥ ដោយមានការអញ្ជើញចូលរួមពីអ្នកដឹកនាំជាន់ខ្ពស់ជាច្រើន រួមមានលោក ប្រាក់ សោភ័ណ អភិបាលខេត្តសៀមរាប…

រាជធានីភ្នំពេញ៖ អង្គការមូលនិធិថែទាំសុខភាពអ្នកជំងឺអេដស៍កម្ពុជា (AHF) បានរៀបចំព្រឹត្តិការណ៍អបអរសាទរទិវាពិភពលោកប្រយុទ្ធនឹងជំងឺអេដស៍ ឆ្នាំ២០២៥ នៅសួនច្បារវត្តបទុមវតី កាលពីថ្ងៃទី៣០ ខែវិច្ឆិកា ដើម្បីបញ្ជាក់ថា ការបញ្ចប់មេរោគអេដស៍មិនទាន់បានចប់នៅឡើយទេ។ លោកវេជ្ជបណ្ឌិត ឈឹម សារ៉ាត់ នាយកប្រចាំតំបន់អាស៊ីរបស់ AHF បានថ្លែងថា៖ “តំបន់អាស៊ីជាចំណុចសំខាន់ក្នុងការឆ្លើយតបទៅនឹងជំងឺអេដស៍។ ទោះបីជាមានវឌ្ឍនភាពកន្លងមកក៏ដោយ ការឆ្លងមេរោគអេដស៍កើនឡើងក្នុងចំណោមប្រជាជនគន្លឹះបានបង្ហាញថា ការប្រយុទ្ធនៅមិនទាន់ទៅដល់ការបញ្ចប់មេរោគអេដស៍នៅឡើយទេ។”…

សម្ពាធនយោបាយកើនឡើងខ្លាំងចំពោះលោក អានុទីន ឆានវីរៈគុល នាយករដ្ឋមន្ត្រីថៃ ដែលកំពុងត្រូវប្រឈមមុខនឹងការរិះគន់យ៉ាងខ្លាំងពីការគ្រប់គ្រងទឹកជំនន់មិនមានប្រសិទ្ធភាពនៅភាគខាងត្បូងប្រទេស។ គ្រោះមហន្តរាយទឹកជំនន់នៅទីក្រុងហាតយ៉ៃ និងខេត្តសុងខ្លា បានបណ្តាលឱ្យមានមនុស្សស្លាប់ជាង ១៧០ នាក់ និងប៉ះពាល់ដល់ប្រជាជនជាង ៣ លាននាក់។ ការខ្វះខាតស្បៀងសង្គ្រោះ និងការផ្តល់ព័ត៌មានមិនច្បាស់លាស់បានធ្វើឱ្យស្ថានភាពកាន់តែអាក្រក់។ លោក ស៊ុមឆៃ ស្រ៊ីស៊ុតធីយ៉ាខន អតីតសមាជិកគណៈកម្មាធិការរៀបចំការបោះឆ្នោត បានរិះគន់យ៉ាងចំហរថា…