admin

ហុងកុង៖ រដ្ឋបាលក្រុងហុងបានរៀបចំពិធីកាន់ទុក្ខជាផ្លូវការរយៈពេល ៣ថ្ងៃ ចំពោះជនរងគ្រោះដែលបានស្លាប់បាត់បង់ជីវិតនៅក្នុងហេតុការណ៍ភ្លើងឆេះអគារដ៏គួរឱ្យរន្ធត់មួយ។ ពិធីកាន់ទុក្ខដែលត្រូវធ្វើឡើងនៅទូទាំងក្រុងហុងកុងនេះគឺត្រូវធ្វើឡើងចាប់ទីថ្ងៃសៅរ៍ ទី២៩ ខែវិច្ឆិកា រហូដល់ថ្ងៃច័ន្ទ ទី១ ខែធ្នូ។ បើតាមអាជ្ញាធរក្រុងហុងកុងបានបញ្ជាក់ថា គិតត្រឹមពេលនេះតួលេខអ្នកស្លាប់បានកើនឡើងដល់ចំនួន ១២៨នាក់ និងជាច្រើននាក់បានរងរបួសធ្ងន់និងស្រាល ខណៈមនុស្ស ១៥០នាក់ផ្សេងទៀតនៅតែបន្តបាត់ខ្លួន។ ប្រភពខាងលើបានបន្តថា ចំពោះអ្នកដែលកំពុងបាត់ខ្លួនទាំងអស់នោះគឺទំនងជាបានស្លាប់នៅក្នុងអគ្គិភ័យអស់ទៅហើយ តែដរាបណាគេនៅមិនទាន់អាចរកឃើញសាកសពពួកគេ គឺអាជ្ញាធរនៅតែចាត់ទុកថា…

វ៉េណេស៊ុយអេឡាបានថ្កោលទោសលោក ដូណាល់ ត្រាំ កាលពីថ្ងៃសៅរ៍​ទី​២៩​ខែ​វិច្ឆិកា​ឆ្នាំ​២០២៥​ បន្ទាប់ពីប្រធានាធិបតីអាមេរិក​រូប​នេះ​បានជំរុញ​ឲ្យក្រុមហ៊ុនអាកាសចរណ៍​​នានា​ចាត់ទុកដែនអាកាសរបស់​វ៉េណេស៊ុយអេឡា​ថាជាដែនអាកាស​«បិទ» ដោយហៅការលើកឡើងនេះថាជាអំពើឈ្លានពាន «បែបអាណានិគម» និង «ខុសច្បាប់»។ យោង​តាម BBC សាររបស់លោកត្រាំ​​នៅលើបណ្តាញសង្គម Truth Social បានកើតឡើងចំពេលដែលមានការពង្រឹងកម្លាំងយោធាអាមេរិកយ៉ាងសំខាន់នៅក្នុងតំបន់ការីប៊ីន រួមទាំងការដាក់ពង្រាយនាវា USS Gerald Ford និងកងទ័ពប្រហែល១៥០០០នាក់។…

កម្ទេចកម្ទីទឹកជំនន់ជាង៣០០តោនត្រូវបានសម្អាតចេញពីទីក្រុងហាតយ៉ៃ ក្នុងថ្ងៃដំបូងនៃប្រតិបត្តិការ«សម្អាតទ្រង់ទ្រាយធំ» ដែលដឹកនាំដោយរដ្ឋាភិបាល ខណៈដែលប្រទេសថៃកំពុងប្រញាប់ប្រញាល់ស្តារទីក្រុងឡើងវិញបន្ទាប់ពីទឹកជំនន់ដ៏មហន្តរាយ។ យោងតាម Thairath ឧបនាយករដ្ឋមន្ត្រី និងជារដ្ឋមន្ត្រីបរិស្ថាន លោក Suchart Chomklin បានរាយការណ៍ពីវឌ្ឍនភាពក្រោមយុទ្ធនាការនេះ ដែលបានកៀរគរភ្នាក់ងារទាំងអស់ក្រោមក្រសួងដើម្បីពន្លឿនការស្តារឡើងវិញនៅក្នុងខេត្តសុងក្លា។ អ្នកនាំពាក្យរងរបស់រដ្ឋាភិបាល អ្នកស្រី Lalida Periswiwatana បាននិយាយថា កម្មករបានដកយកសំរាម ភក់…

នាយករដ្ឋមន្ត្រីថៃ លោក អានុទីន ឆានវីរៈគុល ត្រូវបានអ្នកស្រុកហាតយ៉ៃស្រែកគំហកក្នុងពេលធ្វើដំណើរទស្សនកិច្ចទឹកជំនន់លើកទី៤។ តាមវីដេអូដែលផ្សព្វផ្សាយដោយ Thai Enquirer អ្នកស្រុកដែលខឹងសម្បាបានស្រែកទៅកាន់លោកថា៖ «ប្រជាជនកំពុងរងទុក្ខ លោកនាយករដ្ឋមន្ត្រី! កុំជិះរថយន្ត ត្រូវចុះដើរ»។ លោកអានុទីនបានឆ្លើយតបត្រឡប់ដោយពាក្យថា «បាទៗ»។ ទឹកជំនន់ដ៏សាហាវនៅតំបន់ភាគខាងត្បូងថៃបានបណ្តាលឲ្យមនុស្សស្លាប់ជាង១០០នាក់ និងខូចខាតហេដ្ឋរចនាសម្ព័ន្ធយ៉ាងខ្លាំង។ កម្ពស់ទឹកភ្លៀងមានរហូតដល់២ម៉ែត្រ ដែលជាកម្រិតជន់លិចដ៏ខ្លាំងមិនធ្លាប់ជួបក្នុងរយៈពេល៣០០ឆ្នាំ។ ការរិះគន់ចំពោះលោកអានុទីនបានកើនឡើងដោយសារតែវិធានការរបស់រដ្ឋាភិបាលគ្មានប្រសិទ្ធភាពក្នុងការជួយប្រជាជន។…

ភ្នំពេញ៖ រដ្ឋាភិបាលស្រីលង្កាបានប្រកាសដាក់ប្រទេសក្នុងគ្រាមានអាសន្ន បន្ទាប់ពីជួបប្រទះនឹងបញ្ហាទឹកជំនន់ដ៏ធ្ងន់ធ្ងរដែលបណ្តាលឱ្យមនុស្សជាច្រើនស្លាប់ និងបាត់ខ្លួន។ បើតាមអាជ្ញាធរស្រីលង្កា គ្រោះធម្មជាតិដ៏កម្រនេះបានបណ្តាលឱ្យពលរដ្ឋស្រីលង្កាចំនួន ១៥៣នាក់បានស្លាប់បាត់បង់ជីវិត និងមនុស្សចំនួន ១៩១នាក់ផ្សេងទៀតកំពុងបាត់ខ្លួន។ ទឹកជំនន់និងអមដោយបញ្ហាបាក់ដី ដែលកំពុងវាយប្រហារតំបន់សំខាន់ៗជាច្រើននៅក្នុងប្រទេសស្រីលង្កា គឺជាជំនន់ទឹកភ្លៀងដែលបានបង្កឡើងដោយសារតែឥទ្ធិពលរបស់ព្យុះស៊ីក្លូនឌីតវ៉ា។ ទន្ទឹមគ្នានេះ ទឹកជំនន់ក៏បានបង្កឱ្យមានប៉ះពាល់ដល់ការរស់នៅរបស់ប្រជាពលរដ្ឋជាច្រើននាក់យ៉ាងខ្លាំងផងដែរ ដោយក្នុងនោះមានផ្ទះចំនួន ២,០០០ខ្នងត្រូវបានបំផ្លាញទាំងស្រុង ពលរដ្ឋជាង ១០៨,០០០នាក់ត្រូវបង្ខំចិត្តធ្វើការជម្លៀសខ្លួនចេញពីផ្ទះសម្បែងជាបន្ទាន់ ហើយត្រូវទៅស្នាក់នៅរួមគ្នានៅមជ្ឈមណ្ឌលសង្គ្រោះជាបណ្តោះអាសន្ន។ អត្ថបទ៖…

ភ្នំពេញ៖ នគរបាលរាជធានីភ្នំពេញនឹងចាប់ផ្តើមយុទ្ធនាការអប់រំចរាចរណ៍ថ្មីចាប់ពីថ្ងៃទី១ ខែធ្នូ ឆ្នាំ២០២៥ ខាងមុខ ដោយផ្តោតលើការអប់រំ និងការណែនាំពលរដ្ឋដែលល្មើសច្បាប់ ជំនួសឱ្យការផាកពិន័យប្រាក់។ កិច្ចប្រជុំផ្សព្វផ្សាយផែនការការងារជំនាញនេះត្រូវបានដឹកនាំដោយលោកឧត្តមសេនីយ៍ទោ ហេង រតនា ស្នងការរងទទួលផែនការងារនគរបាលចរាចរណ៍ និងលោកវរសេនីយ៍ឯក មួន សុខា ស្នងការរងទទួលដឹកនាំការិយាល័យនគរបាលចរាចរណ៍ផ្លូវគោក។ លោកឧត្តមសេនីយ៍ទោ ហេង រតនា បានណែនាំដល់កម្លាំងសមត្ថកិច្ចឱ្យពង្រឹងការគោរពវិន័យ…

ក្រសួងកសិកម្ម និងបរិស្ថានវៀតណាម បានប្រកាសថា វៀតណាមអាចនាំចេញផ្លែខ្នុរស្រស់ទៅកាន់ចិនបានហើយ ក្រោមពិធីសារថ្មីដែលប្រទេសទាំងពីរចុះហត្ថលេខាកាលពីថ្ងៃព្រហស្បតិ៍។ ពិធីសារនេះត្រូវបានចុះដោយលោក Tran Duc Thang រដ្ឋមន្ត្រីក្រសួងកសិកម្មវៀតណាម និងលោក Zhao Zenglian អនុប្រធានរដ្ឋបាលគយចិន (GACC)។ នេះជាជំហានសំខាន់សម្រាប់ការជួញដូរផលិតផលកសិកម្មទ្វេភាគី។ GACC បានសង្កត់ធ្ងន់លើការប្តេជ្ញាចិត្តរបស់ចិនក្នុងការបើកទីផ្សារសម្រាប់ផលិតផលកសិកម្មវៀតណាមដែលមានគុណភាពខ្ពស់។ ផ្លែខ្នុរស្រស់វៀតណាមឥឡូវត្រូវមានស្តង់ដារក្រោមពិធីសារ ដោយកាត់បន្ថយហានិភ័យពាណិជ្ជកម្ម។…

ក្រសួងសុខាភិបាលតំបន់ហ្គាហ្សា បានរាយការណ៍កាលពីថ្ងៃសៅរ៍ទី២៩ ខែវិច្ឆិកា ឆ្នាំ២០២៥ ថា ចំនួនមនុស្សដែលត្រូវបានបញ្ជាក់ថាស្លាប់ក្នុងប្រតិបត្តិការវាយលុករបស់អ៊ីស្រាអែលនៅតំបន់ហ្គាហ្សាកើនហួស ៧០,០០០នាក់ហើយ។ ក្រសួងបានរាយការណ៍ថា មានអ្នកស្លាប់ថ្មីចំនួន៣០១នាក់ចាប់តាំងពីថ្ងៃព្រហស្បតិ៍ ដែលនាំឲ្យតួលេខអ្នកស្លាប់សរុបកើនដល់ ៧០,១០០នាក់។ ក្រសួងបានបន្ថែមថា មនុស្សពីរនាក់ត្រូវបានសម្លាប់នៅក្នុងការវាយប្រហារចុងក្រោយរបស់អ៊ីស្រាអែល ខណៈដែលនៅសល់ត្រូវបានកំណត់អត្តសញ្ញាណពីសាកសពដែលត្រូវបានរកឃើញនៅក្នុងសង្កាត់ដែលត្រូវបានបំផ្លាញ។ កងទ័ពអ៊ីស្រាអែលមិនបានធ្វើការអត្ថាធិប្បាយភ្លាមៗទេ។ ពួកគេនៅតែអះអាងថា ខ្លួនមិនបានកំណត់គោលដៅលើជនស៊ីវិលឡើយ ហើយបានចោទប្រកាន់ក្រុមហាម៉ាសថាបានបំផ្លើសចំនួនជនរងគ្រោះ។ តួលេខអ្នកស្លាប់នៅតែបន្តកើនឡើង ទោះបីជាមានបទឈប់បាញ់ដ៏ផុយស្រួយដែលអនុវត្តតាំងពីថ្ងៃទី១០ខែតុលាក៏ដោយ។…

(ខេត្តកណ្តាល)៖ ខេត្តកណ្តាលបន្តកាន់តំណែងខេត្តដែលមានអ្នកសេដ្ឋកិច្ចក្រៅប្រព័ន្ធចុះឈ្មោះច្រើនជាងគេលំដាប់ទីពីរ បន្ទាប់ពីរាជធានីភ្នំពេញ ដោយមានអ្នកចុះឈ្មោះជិត ២៨,០០០ នាក់។ យោងតាមការចុះផ្សាយរបស់ក្រសួងព័ត៌មាន កាលពីថ្ងៃទី២៩ វិច្ឆិកា ឆ្នាំ២០២៥ គណៈកម្មាធិការសម្របសម្រួលការអភិវឌ្ឍសេដ្ឋកិច្ចក្រៅប្រព័ន្ធ បានរៀបចំយុទ្ធនាការផ្សព្វផ្សាយដ៏ធំមួយ ដែលមានអ្នកសេដ្ឋកិច្ចក្រៅប្រព័ន្ធចូលរួមប្រមាណ ៣ពាន់នាក់។ ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា…

រាជធានីភ្នំពេញ៖ ឯកឧត្តមសាស្ត្រាចារ្យ ឈាង រ៉ា រដ្ឋមន្រ្តីក្រសួងសុខាភិបាល បានផ្តល់អនុសាសន៍ចំនួន១០ចំណុចដល់សមាគមគ្រូពេទ្យកុមារកម្ពុជា ក្នុងឱកាសអធិបតីក្នុងពិធីបើកទិវាវេជ្ជសាស្ត្រកុមារលើកទី២៨ និងសន្និបាតសមាគមគ្រូពេទ្យកុមារកម្ពុជាលើកទី៨។ អនុសាសន៍សំខាន់ៗរួមមាន៖ បន្តអនុវត្តសន្និសីទវិទ្យាសាស្ត្រ ជំរុញការចេញផ្សាយព្រឹត្តិប័ត្រវេជ្ជសាស្ត្រកុមារ ពង្រឹងការបណ្តុះបណ្តាលបន្ត ជំរុញការចុះមូលដ្ឋានសុខាភិបាល និងបង្កើនសមត្ថភាពស្រាវជ្រាវការធ្វើរោគវិនិច្ឆ័យមហារីកកុមារ។ ពិធីនេះមានការចូលរួមពីគ្រូពេទ្យ សាស្ត្រាចារ្យ និងអ្នកជំនាញផ្នែកវេជ្ជសាស្ត្រកុមារចំនួន៤០០នាក់ផ្ទាល់ និង៣០០នាក់តាមប្រព័ន្ធនិម្មិត Zoom ដោយមានគោលបំណងពង្រឹងសមត្ថភាពក្នុងការព្យាបាលកុមារប្រកបដោយគុណភាព។