ព័ត៌មានអន្ដរជាតិ

អ៊ុយក្រែនបានធ្វើការអំពាវនាវយ៉ាងខ្លាំងក្លាទៅកាន់សម្ព័ន្ធមិត្តខាងលិច ដើម្បីបង្កើនទណ្ឌកម្មសេដ្ឋកិច្ចលើរុស្ស៊ី និងរារាំងការនាំចេញប្រេងរបស់មូស្គូ ដែលកំពុងផ្តល់ហិរញ្ញប្បទានឱ្យសង្គ្រាមដ៏យូរអង្វែងនេះ។ ប្រធានាធិបតីវ៉ូឡូឌីមៀរ ហ្សេលេនស្គី បានចេញសេចក្តីថ្លែងការណ៍យ៉ាងតឹងរឹងនៅលើបណ្តាញសង្គម X កាលពីថ្ងៃអាទិត្យ ដោយទាមទារឱ្យមានសកម្មភាពថែមទៀតក្នុងការបង្ក្រាបប្រតិបត្តិការណ៍នាវាដឹកប្រេងរុស្ស៊ី។ លោកហ្សេលេនស្គីបានបង្ហាញពីទិន្នន័យដ៏គួរឱ្យភ្ញាក់ផ្អើលថា៖ «ក្នុងរយៈពេលមួយសប្តាហ៍កន្លងមក រុស្ស៊ីបានបាញ់ដ្រូនជិត ១៥៥០ គ្រឿង ទម្លាក់គ្រាប់បែកតាមអាកាសជាង ១២៦០ដង និងមីស៊ីលពីរគ្រាប់។ ក្នុងពេលដូចគ្នា ពួកគេកំពុងបង្កើនការលក់ប្រេងឆៅដើម្បីផ្តល់ហិរញ្ញប្បទានដល់សង្គ្រាម»។…

សហរដ្ឋអាមេរិកបានចេញការព្រមានដល់ពលរដ្ឋរបស់ខ្លួននៅទូទាំងពិភពលោក ឲ្យបង្កើនការប្រុងប្រយ័ត្នខ្លួន បន្ទាប់ពីកំហឹងពីសង្គ្រាមជាមួយអ៊ីរ៉ង់កំពុងបញ្ឆេះក្រុមសកម្មប្រយុទ្ធឲ្យវាយប្រហារលើជនជាតិអាមេរិក។ ក្រសួងការបរទេសអាមេរិកបានបង្ហោះសេចក្តីប្រកាសលើបណ្តាញសង្គម X នៅថ្ងៃទី២២ មីនា ២០២៦ ដោយស្នើឲ្យជនជាតិអាមេរិកនៅទូទាំងពិភពលោក ជាពិសេសនៅតំបន់មជ្ឈិមបូព៌ា ត្រូវប្រុងប្រយ័ត្នខ្ពស់។ ការបិទដែនអាកាសអាចរំខានដល់ការធ្វើដំណើរ ហើយមូលដ្ឋានការទូតអាមេរិកក៏អាចក្លាយជាគោលដៅវាយប្រហារផងដែរ។ សេចក្តីប្រកាសបន្តថា៖ «ក្រុមដែលគាំទ្រអ៊ីរ៉ង់អាចកំណត់គោលដៅលើផលប្រយោជន៍ផ្សេងទៀតរបស់សហរដ្ឋអាមេរិកនៅក្រៅប្រទេស ឬទីតាំងដែលពាក់ព័ន្ធនឹងសហរដ្ឋអាមេរិកនិងជនជាតិអាមេរិកនៅទូទាំងពិភពលោក»។ ការព្រមាននេះកើតឡើងបន្ទាប់ពីអ្នកនាំពាក្យយោធាអ៊ីរ៉ង់ Abolfazl Shekarchi គំរាមកាលពីថ្ងៃសុក្រថា…

ភ្លើងសង្គ្រាមនៅតំបន់មជ្ឈិមបូព៌ាកំពុងតែឆេះខ្លាំងឡើង បន្ទាប់ពីរដ្ឋាភិបាលអ៊ីរ៉ង់បានចាប់ផ្តើមគោលនយោបាយទារប្រាក់ពីនាវាដឹកទំនិញធំៗរហូតដល់ ២លានដុល្លារ ដើម្បីទទួលបានការអនុញ្ញាតឆ្លងកាត់ច្រកសមុទ្រស្ត្រេតអុហ្វហរមូស (Strait of Hormuz)។ លោក Alaeddin Boroujerdi សមាជិកសភាអ៊ីរ៉ង់ បានបញ្ជាក់យ៉ាងច្បាស់ថា៖ «នេះគឺជាការបង្ហាញអំណាចរបស់អ៊ីរ៉ង់ និងជាវិធីស្វែងរកប្រាក់ចំណាយសង្គ្រាម។ ពេលយើងកំពុងតែប្រយុទ្ធជាមួយសត្រូវ យើងត្រូវតែទារថ្លៃសេវាផ្លូវទឹកពីអ្នកដែលចង់ប្រើប្រាស់វា។» ច្រកសមុទ្រហរមូសគឺជាផ្លូវទឹកយុទ្ធសាស្ត្រដ៏សំខាន់បំផុតនៅក្នុងតំបន់ ដែលជាច្រកចេញចូលសម្រាប់ប្រេងដុំជាង ២០% នៃតម្រូវការសកល។…

សង្គ្រាមមជ្ឈិមបូព៌ាកំពុងឡើងកម្រិតខ្លាំងជាងមុន ដោយអ៊ីរ៉ង់បានព្រមានបិទច្រកសមុទ្រ Hormuz ទាំងស្រុងជាអចិន្ត្រៃយ៍ ប្រសិនបើសហរដ្ឋអាមេរិកហ៊ានវាយប្រហាររោងចក្រថាមពលរបស់ខ្លួន។ តាមការផ្សាយរបស់ Guardian កាលពីថ្ងៃទី២២ មីនា ២០២៦ បញ្ជាការដ្ឋានប្រតិបត្តិការយោធា Khatam Al-Anbiya បានថ្លែងថា៖ «ប្រសិនបើសហរដ្ឋអាមេរិកហ៊ានវាយប្រហាររោងចក្រអគ្គិសនីរបស់យើង ច្រកសមុទ្រ Hormuz នឹងត្រូវបិទជាអចិន្ត្រៃយ៍ ទាល់តែរោងចក្រទាំងនោះត្រូវបានសាងសង់ឡើងវិញរួចរាល់»។ កងទ័ពអ៊ីរ៉ង់បានបញ្ជាក់បន្ថែមថា…

ភ្នំពេញ – នាយករដ្ឋមន្ត្រីជប៉ុន លោកស្រី សាណាអេ តាកាអ៊ិឈិ បានធ្វើទស្សនកិច្ចផ្លូវការទៅសហរដ្ឋអាមេរិកកាលពីថ្ងៃព្រហស្បតិ៍កន្លងមក ក្នុងពេលដែលសង្រ្គាមនៅមជ្ឈិមបូព៌ាកំពុងតែរីករាលដាល។ យោងតាមការផ្សាយរបស់ Al Jazeera នៅថ្ងៃទី២១ ខែមីនា ឆ្នាំ២០២៦ ប្រធានាធិបតីអាមេរិក លោក ដូណាល់ ត្រាំ បានលេងសើចជាមួយនាយករដ្ឋមន្ត្រីជប៉ុនអំពីការវាយប្រហារនៅកំពង់ផែ Pearl…

ភ្នំពេញ៖ អ្នកជំនាញអង្គការសហប្រជាជាតិ (UN) បានចេញរបាយការណ៍ដ៏ធ្ងន់ធ្ងរមួយ ដែលអះអាងថា អ៊ីស្រាអែលកំពុងធ្វើទារុណកម្មជាប្រព័ន្ធលើប្រជាជនប៉ាឡេស្ទីនក្នុងទ្រង់ទ្រាយធំ ដោយបង្ហាញពីការសងសឹករួមគ្នា និងដោយចេតនាបំផ្លិចបំផ្លាញ។ ក្នុងរបាយការណ៍ដែលចេញផ្សាយកាលពីថ្ងៃសុក្រ លោកស្រី Francesca Albanese អ្នករាយការណ៍ពិសេសរបស់អង្គការសហប្រជាជាតិស្តីពីស្ថានភាពសិទ្ធិនៅក្នុងទឹកដីប៉ាឡេស្ទីន បាននិយាយថា៖ «ចាប់តាំងពីថ្ងៃទី៧ ខែតុលា ឆ្នាំ២០២៣ ប្រជាជនប៉ាឡេស្ទីនដែលត្រូវបានឃុំខ្លួន ទទួលរងនូវការរំលោភបំពានលើរាងកាយ និងផ្លូវចិត្តយ៉ាងឃោរឃៅបំផុត»។…

រដ្ឋមន្ត្រីក្រសួងហិរញ្ញវត្ថុអាមេរិក លោក Scott Bessent បានប្រកាសនៅថ្ងៃទី២០ មីនា ថា សហរដ្ឋអាមេរិកបានសម្រេចដកទណ្ឌកម្មជាបណ្តោះអាសន្នលើប្រេងអ៊ីរ៉ង់ដែលបានផ្ទុកនៅលើនាវារួចរាល់។ ការសម្រេចចិត្តនេះធ្វើឡើងដើម្បីឆ្លើយតបទៅនឹងវិបត្តិផ្គត់ផ្គង់ដែលបង្កឡើងដោយសង្គ្រាមនៅមជ្ឈិមបូព៌ា។ បើតាមការផ្សាយរបស់ AFP ការបើកផ្លូវបណ្តោះអាសន្ននេះអនុញ្ញាតឲ្យអ៊ីរ៉ង់លក់ប្រេងឆៅ និងផលិតផលប្រេងចំនួន ១៤០លានបារ៉ែល ដែលបានផ្ទុកលើនាវាមុនថ្ងៃទី២០មីនា។ ការអនុញ្ញាតនេះមានសុពលភាពរហូតដល់ថ្ងៃទី១៩ខែមេសា ដើម្បីបង្កើនការផ្គត់ផ្គង់ថាមពលពិភពលោក និងកាត់បន្ថយសម្ពាធតម្លៃប្រេងដែលបានហក់ឡើងដល់ ១១០ដុល្លារក្នុងមួយបារ៉ែល។ យុទ្ធសាស្ត្រនេះមានគោលដៅបញ្ចេញប្រេងដែលអ៊ីរ៉ង់ធ្លាប់លក់ក្នុងតម្លៃថោកឲ្យប្រទេសចិន…

រដ្ឋមន្ត្រីក្រសួងការពារជាតិសហរដ្ឋអាមេរិក លោក Pete Hegseth បានបញ្ជាក់ថា ក្រសួងការពារជាតិអាមេរិកកំពុងផ្ដល់អាទិភាពដល់ការបំពេញស្តុកអាវុធរបស់ខ្លួនឡើងវិញ ជំនួសឱ្យការបញ្ជូនអាវុធទាំងនោះទៅអ៊ុយក្រែន។ ការលើកឡើងនេះត្រូវបានធ្វើឡើងកាលពីថ្ងៃព្រហស្បតិ៍កន្លងទៅ អំឡុងសន្និសីទសារព័ត៌មានជាមួយឧត្តមសេនីយ៍កងទ័ពអាកាស លោក Dan Caine។ លោក Hegseth បានស្ដីបន្ទោសរដ្ឋបាលអតីតប្រធានាធិបតី Joe Biden ពីបញ្ហាប្រឈមនានាដែលយោធាអាមេរិកកំពុងប្រឈមនាពេលថ្មីៗនេះ។ ក្នុងអំឡុងសន្និសីទ លោក…

នៅពេលដែលតម្លៃប្រេងឥន្ធនៈកំពុងហក់ឡើងខ្ពស់នៅទូទាំងពិភពលោក សហរដ្ឋអាមេរិកបានចាប់ផ្តើមដំណាក់កាលដំបូងនៃការបញ្ចេញប្រេងឆៅចំនួន ៤២,៥ លានបារ៉ែលពីឃ្លាំងបម្រុងយុទ្ធសាស្ត្ររបស់ខ្លួន។ យោងតាមសេចក្តីថ្លែងការណ៍ពីក្រសួងថាមពលសហរដ្ឋអាមេរិក ការដឹកជញ្ជូនប្រេងឆៅនេះបានចាប់ផ្តើមនៅថ្ងៃសុក្រកន្លងទៅ ដោយបញ្ចេញទៅកាន់ក្រុមហ៊ុនប្រេងផ្សេងៗ។ ប្រេងឆៅចំនួន ៤២,៥ លានបារ៉ែលនេះគឺជាផ្នែកមួយនៃគម្រោងសរុបចំនួន ១៧២ លានបារ៉ែល ដែលត្រូវបានគ្រោងទុកសម្រាប់ការបញ្ចេញទៅកាន់ទីផ្សារក្នុងរយៈពេល ១២០ ថ្ងៃ ដើម្បីកាត់បន្ថយការខ្វះខាតប្រេង និងទប់ស្កាត់ការហក់ឡើងថ្លៃយ៉ាងគំហុក។ ក្រសួងថាមពលបានបញ្ជាក់ថា ក្រុមហ៊ុនដែលទទួលបានប្រេងពីឃ្លាំងបម្រុងយុទ្ធសាស្ត្រនៅដំណាក់កាលដំបូងនេះ នឹងត្រូវបំពេញបន្ថែមវាចំនួនសរុប…

ភ្នំពេញ – ប្រធានាធិបតីអ៊ីរ៉ង់ លោក Masoud Pezeshkian បានអំពាវនាវឱ្យបញ្ឈប់សង្រ្គាមនៅអ៊ីរ៉ង់ភ្លាមៗ បន្ទាប់ពីការវាយប្រហារពីសហរដ្ឋអាមេរិក និងអ៊ីស្រាអែល។ ការអំពាវនាវនេះធ្វើឡើងក្នុងការសន្ទនាតាមទូរស័ព្ទជាមួយនាយករដ្ឋមន្ត្រីឥណ្ឌា លោក Narendra Modi កាលពីថ្ងៃសៅរ៍ ដោយលោក Pezeshkian បានសង្កត់ធ្ងន់ថា៖ «គួរតែមានការធានា ដើម្បីទប់ស្កាត់ការកើតឡើងវិញនៃការឈ្លានពានបែបនេះនាពេលអនាគត»។ លោកប្រធានាធិបតីអ៊ីរ៉ង់ក៏បានអំពាវនាវដល់ប្លុក…