ព័ត៌មានអន្ដរជាតិ

មន្ត្រីជាន់ខ្ពស់រុស្ស៊ីបានប្រកាសថា កូរ៉េខាងជើងត្រៀមបញ្ចូលភាសារុស្ស៊ីជាមុខវិជ្ជាចាំបាច់សម្រាប់សិស្សថ្នាក់ទី៤ ដោយលោក Alexander Kozlov រដ្ឋមន្ត្រីធនធានធម្មជាតិរុស្ស៊ីបានបញ្ជាក់ថា ភាសារុស្ស៊ីកំពុងក្លាយជាភាសាបរទេសពេញនិយមបំផុតមួយនៅកូរ៉េខាងជើង។ បច្ចុប្បន្ន មាននិស្សិតកូរ៉េខាងជើងប្រហែល៦០០នាក់កំពុងសិក្សាភាសារុស្ស៊ី និងមានពលរដ្ឋ៩៦នាក់បានចុះឈ្មោះរៀននៅសាកលវិទ្យាល័យរុស្ស៊ីក្នុងឆ្នាំមុន។ ទន្ទឹមនឹងនេះ សិស្សរុស្ស៊ីជាង៣ពាន់នាក់ក៏កំពុងរៀនភាសាកូរ៉េជាភាសាទីពីរ ឬទីបីដែរ។ ទោះបីជាមិនទាន់មានការបញ្ជាក់ពីអាជ្ញាធរកូរ៉េខាងជើងក៏ដោយ ក៏ស្ថានទូតរុស្ស៊ីនៅព្យុងយ៉ាងបានបន្តលើកកម្ពស់ការអប់រំភាសារុស្ស៊ីសម្រាប់និស្សិតកូរ៉េខាងជើង។

កោះស៊ូម៉ាត្រារបស់ឥណ្ឌូណេស៊ីបានរងការវាយប្រហារដោយរញ្ជួយដីកម្រិត៦.៣រិចទ័រនាថ្ងៃព្រហស្បតិ៍ទី២៧ខែវិច្ឆិកា ដែលបន្ថែមបញ្ហាប្រឈមដល់ប្រទេសអាស៊ីមួយនេះ ខណៈទឹកជំនន់ភ្លាមៗ និងការបាក់ដីបានសម្លាប់មនុស្សប្រមាណ២៨នាក់រួចទៅហើយ។ ទីភ្នាក់ងារសារព័ត៌មាន Reuters បានរាយការណ៍ថា ការរញ្ជួយដីនេះមានចំណុចកណ្តាលនៅជិតខេត្ត Aceh ក្នុងជម្រៅ១០គីឡូម៉ែត្រ ហើយមិនបង្កឲ្យមានការគំរាមកំហែងរលកយក្សស៊ូណាមិនោះទេ។ ការរញ្ជួយដីនេះបានកើតឡើងនៅពេលដែលស៊ូម៉ាត្រាខាងជើងកំពុងជួបនឹងទឹកជំនន់ដ៏សាហាវដែលបង្កឡើងដោយភ្លៀងធ្លាក់ឥតឈប់ឈរពីព្យុះស៊ីក្លូន Senyar។ យោងតាមមន្ត្រីមូលដ្ឋាន មនុស្សយ៉ាងហោចណាស់២៨នាក់បានស្លាប់ ហើយរាប់សិបនាក់ទៀតនៅតែបាត់ខ្លួន។ កិច្ចខិតខំប្រឹងប្រែងជួយសង្គ្រោះត្រូវបានរារាំង ដោយសារបញ្ហាដាច់ផ្លូវ ការដាច់ចរន្តអគ្គិសនី និងភ្លៀងធ្លាក់ខ្លាំងបន្តបន្ទាប់…

យោងតាមការចេញផ្សាយរបស់សារព័ត៌មានCNN នៅថ្ងៃទី២៦ខែ វិច្ឆិកា ទឹកជំនន់នៅទូទាំងប្រទេសម៉ាឡេស៊ីបានបង្ខំឱ្យមនុស្សជាង ១៨,០០០ នាក់ជម្លៀសចេញ ខណៈភ្លៀងធ្លាក់ជាបន្តបន្ទាប់ពីខ្យល់មូសុងឦសានបានជន់លិចរដ្ឋចំនួន ១០ឯណោះ។ នៅក្នុងចំណោមរដ្ឋទាំង១០ គឺរដ្ឋKelantan នៅតែជារដ្ឋរងផលប៉ះពាល់ខ្លាំងបំផុត ដោយបានផ្តល់ជម្រកដល់ប្រជាជនជាង ៩,៧០០ នាក់នៅក្នុងមជ្ឈមណ្ឌលសង្គ្រោះចំនួន ៤០ បន្ទាប់មកគឺរដ្ឋ Selangor និង Perak។ រដ្ឋាភិបាលម៉ាឡេស៊ីបានបញ្ជូនក្រុមជួយសង្គ្រោះនិងឧបករណ៍ជាង…

អាជ្ញាធរកៅស៊ូថៃបានឱ្យដឹងថា ទឹកជំនន់ធ្ងន់ធ្ងរនៅភាគខាងត្បូងប្រទេសថៃ អាចកាត់បន្ថយផលិតកម្មកៅស៊ូរហូតដល់ ៩០០០០ តោន ដែលគិតជាតម្លៃប្រមាណ ១៤០ លានដុល្លារ។ ប្រធានអាជ្ញាធរកៅស៊ូថៃលោក Perk Lertwangpong បានឱ្យដឹងថា ទឹកជំនន់បានជន់លិចផ្ទៃដីដាំដុះកៅស៊ូចំនួន ៤,១ លានរ៉ៃ ដែលប៉ះពាល់ដល់កសិករជាង ១៦០០០០ នាក់។ ការផលិតកៅស៊ូប្រមាណ ៤០០០០…

គ្រោះអគ្គិភ័យយ៉ាងសាហាវបានឆាបឆេះប្លុកអាផាតមិននៅទីក្រុងហុងកុង ប្រទេសចិន បណ្តាលឱ្យមនុស្ស៤៤នាក់ស្លាប់ និង២៧៩នាក់បាត់ខ្លួន។ តាមការផ្សាយរបស់ BBC សោកនាដកម្មនេះកើតឡើងកាលពីថ្ងៃពុធទី២៦ខែវិច្ឆិកាឆ្នាំ២០២៥ នៅតំបន់ Wang Fuk Court ដែលមានអគារខ្ពស់ៗចំនួន៨ស្ថិតនៅជិតៗគ្នា មានមនុស្សស្នាក់នៅជិត៤៨០០នាក់ ភាគច្រើនជាចាស់ៗ។ ដោយសារតែភាពកាចសាហាវនៃអគ្គិភ័យ ហុងកុងបានបញ្ជូនអ្នកពន្លត់រហូតដល់ទៅ៨០០នាក់ ដើម្បីប្រយុទ្ធទប់ទល់ ស្របពេលអាជ្ញាធរអះអាងថា តួលេខមនុស្សស្លាប់នឹងកើនឡើងបន្ថែមទៀត។ ទន្ទឹមនោះដែរ…

ហុងកុង – អាជ្ញាធរហុងកុងបញ្ជាក់ថា ចំនួនមនុស្សស្លាប់ក្នុងសោកនាដកម្មអគ្គិភ័យដ៏រន្ធត់នៅប្លុកអាផាតមិន Wang Fuk Court បានកើនដល់៩៤នាក់ គិតត្រឹមថ្ងៃសុក្រទី២៨ខែវិច្ឆិកាឆ្នាំ២០២៥។ តាមការផ្សាយរបស់ Reuters អគ្គិភ័យនេះក៏បណ្តាលឲ្យមនុស្សច្រើននាក់ទៀតរងរបួសធ្ងន់ ហើយជិត៣០០នាក់កំពុងបាត់ខ្លួន ខណៈក្រុមសង្គ្រោះព្រមានថា តួលេខមនុស្សស្លាប់នឹងបន្តកើនឡើង។ ប៉ូលិសបានចាប់ខ្លួនបុរសបីនាក់មកពីក្រុមហ៊ុនសំណង់រួចទៅហើយ ដោយជាប់សង្ស័យពីបទមនុស្សឃាតដោយអចេតនា។ ក្រុមហ៊ុន Prestige Construction…

ភ្នំពេញ – ប្រធានាធិបតីសហរដ្ឋអាមេរិក លោក ដូណាល់ ត្រាំ បានបញ្ជាក់ថា មិនមានកាលកំណត់ច្បាស់លាស់សម្រាប់កិច្ចព្រមព្រៀងសន្តិភាពរវាងអ៊ុយក្រែន និងរុស្ស៊ី ដោយប្រាប់អ្នកសារព័ត៌មានថា «កាលកំណត់សម្រាប់ខ្ញុំគឺនៅពេលណាដែលវាត្រូវបានបញ្ចប់»។ លោកត្រាំបាននិយាយថា អ្នកចរចាកំពុងមានរីកចម្រើនជាមួយទីក្រុងមូស្គូ និងទីក្រុងកៀវ ហើយថារុស្ស៊ីបានយល់ព្រមលើសម្បទានមួយចំនួន។ សេចក្តីអធិប្បាយរបស់លោកបានធ្វើឡើងបន្ទាប់ពីមានរបាយការណ៍ថា រដ្ឋបាលរបស់លោកបានស្វែងរកកាលកំណត់នៅត្រឹមថ្ងៃព្រហស្បតិ៍សប្ដាហ៍នេះ។ លោកត្រាំបានបន្ថែមថា បេសកជនលោក Steve…

ទឹកជំនន់ដ៏អាក្រក់បំផុតមិនធ្លាប់មានរបស់ប្រទេសថៃ នៅខេត្ត Songkhla និងខេត្តភាគខាងត្បូងជាច្រើនទៀត អាចនឹងធ្វើឲ្យសេដ្ឋកិច្ចខាតបង់មិនតិចជាង២៥ពាន់លានបាតនោះឡើយ ក្នុងរយៈពេលត្រឹមតែមួយខែ។ នេះបើយោងតាមការវាយតម្លៃដែលបានចេញផ្សាយកាលពីថ្ងៃអង្គារទី២៥ខែវិច្ឆិកាឆ្នាំ២០២៥ ដោយមជ្ឈមណ្ឌលស្រាវជ្រាវ Kasikorn (KResearch)។ យោងតាមសារព័ត៍មានថៃ The Standard លោកស្រី Kewalin Wangpichayasuk អនុប្រធានគ្រប់គ្រងនៅ KResearch បាននិយាយថា ទឹកជំនន់ធ្ងន់ធ្ងរ…

ស្ថានការណ៍នៅភាគខាងត្បូងប្រទេសថៃកាន់តែវឹកវរ នៅពេលទឹកជំនន់កំពុងគំរាមកំហែង បែរជាមានការបាញ់កាំភ្លើងសំដៅដាក់ក្រុមជួយសង្គ្រោះថែមទៀត។ តាមការផ្សាយរបស់ Bangkok Post នៅថ្ងៃព្រហស្បតិ៍ទី២៧ខែវិច្ឆិកាឆ្នាំ២០២៥ នៅស្រុក Hat Yai ក្នុងខេត្ត Songkhla មានវីដេអូបង្ហាញអ្នកជួយសង្គ្រោះជិះម៉ូតូទឹកទៅជួយជនរងគ្រោះ ប៉ុន្តែឮស្នូរផ្ទុះអាវុធ ៣-៤គ្រាប់ ធ្វើឲ្យពួកគេត្រូវបកត្រឡប់វិញ។ ករណីមួយទៀត បុគ្គលិកជួយសង្គ្រោះមកពីខេត្ត Nakhon Ratchasima…

អគ្គលេខាធិការ​អង្គការ​ណាតូ លោក ម៉ាក រូតេ បានបញ្ជាក់យ៉ាងច្បាស់ថា រុស្ស៊ីគ្មានសិទ្ធិអំណាចក្នុងការរារាំងផ្លូវរបស់អ៊ុយក្រែនឆ្ពោះទៅរកការចូលជាសមាជិកសម្ព័ន្ធភាពនោះទេ។ លោកបានសង្កត់ធ្ងន់ថា ការសម្រេចចិត្តចូលជាសមាជិកគឺអាស្រ័យលើការយល់ព្រមជាឯកច្ឆន្ទពីបណ្តារដ្ឋជាសមាជិក​ណាតូ​តែ​ប៉ុណ្ណោះ។ លោករូតេ បាន​លើក​ឡើង​កាល​ពី​ថ្ងៃ​ពុធ​ទី​២៦​ខែ​វិច្ឆិកា​ឆ្នាំ​២០២៥​ថា «រុស្ស៊ីគ្មានសិទ្ធិបោះឆ្នោត ឬសិទ្ធិវេតូលើអ្នកណាដែលនឹងក្លាយជាសមាជិក​ណាតូ​នោះឡើយ»។ លោកបានកត់សម្គាល់ថា សម្ព័ន្ធមិត្តមួយចំនួន រួមទាំងសហរដ្ឋអាមេរិក បច្ចុប្បន្នកំពុងជំទាស់នឹងការចូលជាសមាជិករបស់អ៊ុយក្រែន។ ប្រមុខ​ណាតូ បានបន្ត​ទៀត​ថា អ៊ុយក្រែនអាចចូលរួមក្នុងសម្ព័ន្ធភាពនាពេលអនាគតក្រោមសន្ធិសញ្ញាវ៉ាស៊ីនតោនឆ្នាំ១៩៤៩ ប៉ុន្តែត្រូវ​មាន​ការគាំទ្រជាឯកច្ឆន្ទ។…