ចិន-វៀតណាម ធ្វើសមយុទ្ធបាញ់គ្រាប់ពិតរួមគ្នាជាលើកដំបូង ក្នុងឈូងសមុទ្រតុងកឹង
ស្របពេលភូមិសាស្រ្តនយោបាយពិភពលោកប្រែប្រួលមិនប្រកដប្រជា ប្រទេសចិននិងវៀតណាម បានប្រកាសចាប់ដៃគ្នាធ្វើសមយុទ្ធជើងទឹកបាញ់គ្រាប់ពិតដ៏កម្រ ដែលបង្កការភ្ញាក់ផ្អើលយ៉ាងខ្លាំង។ ក្នុងអត្ថបទចុះផ្សាយដោយសារព័ត៌មាន South China Morning Post កាលពីថ្ងៃអង្គារទី១៧ខែមីនាឆ្នាំ២០២៦ កងទ័ពជើងទឹកនៃប្រទេសទាំងពីរ បានព្រមព្រៀងគ្នាពង្រីកវិសាលភាពនៃសមយុទ្ធរួម ដោយដាក់បញ្ចូលទាំងការហ្វឹកហ្វឺនបាញ់គ្រាប់ពិតជាមួយនឹងអាវុធធុនស្រាលផងដែរ នៅថ្ងៃពុធនិងព្រហស្បតិ៍នេះ ក្នុងឈូងសមុទ្រតុងកឹង។ សេចក្តីប្រកាសនេះធ្វើឡើង អំឡុងពេលមេបញ្ជាការកងទ័ពជើងទឹកទាំងពីរ ជួបសម្តែងការគួរសមគ្នានៅកំពង់ផែ ហ្វាងឆឹង ក្នុងតំបន់…
